Xızmet kórsetiwshi hár kúni xızmetten paydalanǵan shaxstıń biometriyalıq maǵlıwmatların (Face-ID) sistemaǵa kirgiziwi shárt (5-bánt).
Ózgeler kútimine mútáj shaxslar
Xızmet kórsetilgenin qalay tastıyıqlaydı?
Qanday jaǵdaylarda vaucher biykar etiledi?
Shaxs 10 jumıs kúni ishinde xızmet kórsetiwshini tańlamasa, qaytıs bolsa, xızmetten waz keshse yaki 1 aydan artıq múddetke shet elge shıqsa (20-bánt).
Múrájat qay jerge hám qanday tártipte beriledi?
"Insan" orayına, sociallıq xızmetkerge, Birden bir interaktiv mámleketlik xızmetler portalı (my.gov.uz) yamasa "Sociallıq qorǵaw" MS arqalı múrájat etiw múmkin (7-bánt).
Múrájat neshe kún ishinde kórip shıǵıladı?
"Insan" orayınıń juwapker xızmetkeri sorawnamanı 7 jumıs kúni ishinde kórip shıǵadı hám shaxstıń mútájligin bahalaydı (11-bánt).
Vaucher qansha múddetke beriledi?
Vaucher sociallıq xızmetten 6 aydan kóp bolmaǵan múddetke paydalanıw huqıqı menen beriledi (18-bánt).
Vaucher sisteması qalay isleydi?
Mámleket sociallıq xızmetler qárejetiniń bir bólegin vaucher arqalı qaplap beredi. Járdemge mútáj shaxs vaucher alǵannan keyin, "Shańaraq birge islesiwshi" platformasınan ózi qálegen xızmet kórsetiwshini tańlaydı.
Xızmet kórsetiwshi sıpatında kimler islewi múmkin?
"Insan" orayları, yuridikalıq shaxslar, jeke tártiptegi isbilermenler (JTI) hám ózin-ózi bánt etken shaxslar.
Xızmet kórsetiwshilerge qanday talap qoyıladı?
Olar 36 saatlıq oqıw kursın tamamlap, 3 jıl múddetke beriletuǵın sertifikatqa iye bolıwı shárt (3-bánt).
“Belsendi turmısqa qádem” baǵdarlaması degen ne?
Bul ózgeler kútimine mútáj shaxslarǵa 5 túrdegi jańa sociallıq xızmetlerdi vaucher (subsidiya) tiykarında kórsetiwdi názerde tutatuǵın mámleketlik baǵdarlama bolıp esaplanadı (2025-jıl 1-iyunnan baslanǵan).
Baǵdarlama sheńberinde qanday jańa xızmetler kórsetiledi?
1. Úy sharayatında sociallıq-turmıslıq járdem.
2. Úy sharayatında qarap turıw.
3. Medicinalıq-sociallıq reabilitaciya.
4. Kúndizgi qatnaw tiykarında qarap turıw.
5. Jeke járdemshi xızmeti.
Járdem kórsetiw formaları qanday?
Tek jasaw emes, al mobil (úyge barıw), kúndizgi qatnaw hám qısqa múddetli stacionar (waqtınsha jasaw) formaları da bar (Reje, 49-bánt).
Biykarlaw ushın qanday tiykarlar bar?
Tek ǵana Rejeniń 4-bántinde kórsetilgen medicinalıq qarsı kórsetpeler (ruwxıy buzılıwlar, juqpalı kesellikler hám t.b.) bar bolǵanda ǵana biykar etiliwi múmkin.
Orayǵa jaylasıw ushın qay jerge barıw kerek?
"Insan" sociallıq xızmetler orayına múrájat etiledi yamasa "Sociallıq qorǵaw" MS portalınan elektron sorawnama toltırıladı (Reje, 10-bánt).
Bos orınlar haqqında qay jerden maǵlıwmat alıw múmkin?
SQQOlardaǵı bos orınlar haqqındaǵı maǵlıwmatlar Agentlik saytında hám "Sociallıq qorǵaw" MSda real waqıt rejiminde kórinip turadı (Reje, 5-bánt).
Orayda jasap atırǵanlar tólemli xızmet túrin ózi tańlay ma?
Awa. Tólemli xızmet alıwshılar bazalıq xızmetlerden tısqarı, qosımsha reabilitaciya hám kútim xızmetlerin shártnama tiykarında ózleri tańlaydı (Reje, 37-bánt).
Orayǵa kimler biypul hám turaqlı jasaw ushın qabıl etiledi?
Baǵıwshısı (1-dárejeli tuwısqanları) bolmaǵan hám óz atında úyi bolmaǵan, ózgeler kútimine mútáj jalǵız kekseler hám mayıplıǵı bolǵan shaxslar (Reje, 3-bánt).
Tuwısqanları bar shaxslar qanday tártipte jaylasadı?
Olar tólemli shártnama tiykarında jaylasıwı múmkin. Bunda uzaq múddetli yamasa qısqa múddetli stacionar xızmetlerden paydalanıw imkaniyatı bar.
Sociallıq reestrdegiler ushın tólem qansha?
Sociallıq reestrdegi shańaraq aǵzaları ushın xızmet haqısı jeńilletilgen bolıp, olar bahanıń 20 procentin tóleydi (qalǵan 80 procenti mámleket tárepinen qaplanadı) (Qarar, 3-bánt).
Sociallıq qollap-quwatlaw orayları (SQQO) ózi ne?
Bular burınǵı "Saxovat" kekseler hám mayıplıǵı bolǵan shaxslar ushın internat úyleri hám Urıs hám miynet veteranları pansionatınıń jańa atı hám sisteması bolıp esaplanadı (1-bánt).
Múrájattı kórip shıǵıw múddeti qansha?
Ulıwma esapta múrájat 7 jumıs kúni ishinde tolıq kórip shıǵıladı (2 kún "Insan" orayı + 5 kún Arnawlı komissiya) (Reje, 14, 17-bántler).
Sociallıq qollap-quwatlaw oraylarında (pansionatlarda) jasawshılarǵa qansha tólenedi?
Oraylarda jasawshı shaxslarǵa olardıń jeke qárejetleri ushın napaqanıń 20 procenti muǵdarında qarjı tólep barıladı (68-bánt).
Tólem qashan toqtatıladı?
Shaxs qaytıs bolǵanda, járdem alıw huqıqı joǵalǵanda yamasa turaqlı jasaw ushın sırt elge shıǵıp ketkende (69-bánt).
Bul materiallıq járdem ne ushın beriledi?
Burın biypul berilgen azıq-awqat ónimleri hám jeke gigiena tovarları ornına, olardıń bahası muǵdarında aylıq pul tólemi túrinde beriledi (1-bánt).
Kimler bul járdemdi alıw huqıqına iye?
Ózgelerdiń kútimine mútáj bolǵan jalǵız kekseler hám mayıplıǵı bolǵan jalǵız shaxslar (Reestrge kirgizilgenler) (2-bánt).
Járdem qaysı qárejetlerdi qaplaw ushın mólsherlengen?
1. Azıq-awqat ónimleri;
2. Jeke gigiena tovarları;
3. Turaq jay kommunallıq xızmetler haqısı (2-bánt).
Járdem qanday formada tayınlanadı?
Usı qararǵa bola, sistemanı sanlastırıw arqalı bul tólemler "proaktiv túrde" (puqaradan qosımsha hújjet talap etpegen halda, elektron bazanıń maǵlıwmatları tiykarında) tayınlanadı (3-bánt).
Qarjılar qay jerden tólenedi?
Ózbekstan Respublikasınıń respublikalıq byudjeti qarjıları esabınan (11-bánt).
