Ўзгалар парваришига муҳтож шахслар
Мониторинг қанчалик тез-тез ўтказилади?
Реестрдаги шахслар ҳар 6 ойда камида бир маротаба қайта мониторинг (баҳолаш)дан ўтказилади.
Қачон шахс Реестрдан чиқарилади?
Ўз хоҳиши билан воз кечганда, парваришловчи шахс пайдо бўлганда, ногиронлик гуруҳи бекор бўлганда ёки 1 ойдан ортиқ муддатга чет элга кетганда.
Индивидуал ижтимоий хизматлар режаси нима?
Мақом берилгач тузиладиган махсус ёрдам режаси: тиббий кўрик, бепул дори-дармон, уй-жойни мослаштириш, ҳуқуқий ва ижтимоий ёрдамлар.
“Баллар” тизими қандай ишлайди?
Баҳолашда 116 ва ундан юқори балл тўпланиши муҳтожликни рад этишга асос бўлади. Балл қанча паст бўлса, муҳтожлик даражаси шунча юқори ҳисобланади.
Яшаш шароитини ким баҳолайди?
Мултидиссиплинар гуруҳ: "Инсон" маркази ходими, оилавий шифокор ва маҳалла раиси. Улар соғлиқ, моддий ҳолат ва ижтимоий фаолликни ўрганади.
“Оферта” нима ва у нима учун керак?
Бу шахснинг яшаш шароитини ўрганишга берган расмий розилиги (шартномаси). Ижтимоий ходим мурожаатдан кейин 24 соат ичида у билан таништиради.
Мурожаатни қандай шаклда бериш мумкин?
Ижтимоий ходим орқали (уйма-уй юриш), "Инсон" марказига бевосита ёки электрон шаклда “Ижтимоий ҳимоя” АТ орқали.
Кимлар муҳтож шахс деб эътироф этилади?
1. Ёлғиз кексалар ва ногиронлар: Парваришловчи яқинлари (фарзанд, ота-она, турмуш ўртоқ) бўлмаганлар.
2. Ёлғиз яшовчи кексалар ва ногиронлар: Яқинлари бор, лекин улар билан яшамайдиган ёки яқинлари узоқ муддат даволанишда/қамоқда бўлганлар.
Хизмат кўрсатиш муддати қанча?
Мурожаат қилинган кундан бошлаб барча ўрганишлар ва якуний қарор қабул қилиш 5 иш куни ичида амалга оширилади.
Хизматнинг ҳуқуқий асоси
Ўзбекистон Республикаси Вазирлар Маҳкамасининг 2024 йил 11 мартдаги 123-сон қарори билан тасдиқланган Маъмурий регламент.
Тиббий ҳолат қанчалик тез-тез қайта текширилади?
Ҳар 6 ойда камида бир маротаба мониторинг ўтказилади ва шахснинг соғлиғи ҳамда тиббий эҳтиёжлари қайта баҳоланади (36-банд).
Тиббий кўрик натижаси қаерда сақланади?
Барча тиббий хулосалар ва кўрик натижалари “Ижтимоий ҳимоя” АТ (ахборот тизими)га электрон шаклда киритилади (23-банд).
Агар шахс уйдан чиқа олмаса, кўрик қандай ташкил этилади?
15-бандга кўра, мултидиссиплинар гуруҳ таркибидаги шифокор шахснинг уйига бориб, унинг уйда тиббий хизматга муҳтожлик даражасини аниқлаши шарт.
Соғлиқни баҳолашда нималар текширилади?
Мавжуд сурункали, руҳий ва юқумли касалликлар, бепул дори-дармонга муҳтожлик ва уйда тиббий хизмат кўрсатиш зарурати (15-банд).
Тиббий эҳтиёжларни ким аниқлайди ва ким жавобгар?
Мултидиссиплинар гуруҳ таркибидаги оилавий шифокор. У шахснинг тиббий хизматга ва дори-дармонга эҳтиёжи ҳақидаги маълумотларнинг тўғрилиги учун шахсан жавобгар (15-банд).
Тиббий кўрик ижтимоий хизматлар режасига киритиладими?
Ҳа. Регламентнинг 27-бандига кўра, индивидуал режада шахсни тиббий кўрикдан ўтказиш ва соғломлаштириш тадбири алоҳида банд сифатида кўрсатилади.
Тиббий кўрикдан ўтказиш муддати қанча?
Тиббий кўрик ва тегишли соғломлаштириш чоралари 10 иш куни ичида амалга оширилиши белгиланган.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 11 мартдаги 123-сон қарори.
Мулоқот ва дам олиш эҳтиёжи қанчалик тез-тез текширилади?
Ҳар 6 ойда ўтказиладиган мониторинг жараёнида шахснинг ижтимоий фаоллиги ва хизматлардан қониқиш даражаси қайта баҳоланади (36-банд).
Дам олиш хизматларидан фойдаланиш мажбурийми?
Йўқ. 47-бандга кўра, шахс индивидуал режада белгиланган ҳар қандай хизматдан, жумладан маданий ёки мулоқот хизматларидан фойдаланишни рад этиш ҳуқуқига эга.
Ушбу хизмат тури Индивидуал режага киритиладими?
Ҳа. 27-бандга кўра, ўзгалар парваришига муҳтож шахснинг ижтимоий фаоллигини ошириш чора-тадбирлари тасдиқланган индивидуал ижтимоий хизматлар режасининг ажралмас қисми ҳисобланади.
Маданий тадбирларни ташкил этишга кимлар жалб қилинади?
27-бандга мувофиқ, ушбу жараёнга кўнгиллилар (волонтёрлар), васийлик ва ҳомийлик қилишни хоҳловчи шахслар ҳамда маҳалла фаоллари жалб этилиши мумкин.
Шахснинг маданий ҳордиққа эҳтиёжи қандай аниқланади?
14 ва 21-бандларга кўра, Multidissiplinar гуруҳ шахснинг қариндошлари, дўстлари билан мулоқоти ҳамда дам олиш хизматига бўлган эҳтиёжини алоҳида баҳолайди.
Регламентда “Маданий тадбир” тушунчаси қандай ифодаланган?
Матнда бу "мулоқот ва дам олиш хизматига эҳтиёж" (21-банд) ҳамда "кундалик ҳаётдаги ижтимоий фаоллигини ошириш" (27-банд) тадбирлари сифатида талқин қилинади.
Ижтимоий фаолликни ошириш тадбирлари қанча муддатда амалга оширилади?
Маданий-маърифий ва ижтимоий фаолликни оширишга доир тадбирларни ташкил этиш ва мувофиқлаштириш 22 иш куни ичида кўриб чиқилиши ва режалаштирилиши белгиланган.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 11 мартдаги 123-сон қарори.
Агар хизмат сифатсиз бажарилса ёки рад этилса-чи?
"Инсон" маркази директори ва Ижтимоий инспекция ушбу регламент талаблари ижросини назорат қилади. Норози бўлган тақдирда судга шикоят қилиш мумкин.
Хизмат натижалари қаерда қайд этилади?
Барча ўтказилган санитар тадбирлар ҳақидаги маълумотлар масъуллар томонидан “Ижтимоий ҳимоя” АТ (ахборот тизими)га киритиб борилади.
Қандай ҳолатларда ушбу хизмат кўрсатилади?
1. Шахс ёки вакилининг мурожаатига асосан.
2. Индивидуал ижтимоий хизматлар режасида ушбу тадбирни ўтказиш зарурати кўрсатилган бўлса.
Хизмат кўрсатишга қайси ташкилот масъул?
Туман (шаҳар) Санитария-эпидемиологик осойишталик ва жамоат саломатлиги бўлимлари "Инсон" маркази сўровномаси асосида ишни бажаради.
Хизматни ўтказиш учун кимга мурожаат қилинади?
Шахс ёки унинг қонуний вакили маҳалладаги ижтимоий ходимга ёки "Инсон" ижтимоий хизматлар марказига мурожаат қилиши кифоя.
Хизмат доирасида айнан нималар қилинади?
Ўзгалар парваришига муҳтож шахснинг яшаш жойида дезинфекция (микробларга қарши) ва дезинсекция (ҳашаротларга қарши) ишлари бепул ўтказилади.
Санитар тадбирларни ўтказиш муддати қанча?
Дезинфекция ва дезинсекция тадбирлари сўровнома келиб тушгандан сўнг 5 иш куни ичида амалга оширилиши белгиланган.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 11 мартдаги 123-сон қарори.
Далолатнома қачон бекор қилинади?
Шахслардан бири вафот этганда, парваришга муҳтож шахс никоҳдан ўтганда (оила қурганда) ёки ҳақиқатда қараб турилмаётганлиги аниқланганда (22-23-бандлар).
Кексалар муҳтожлигини ким баҳолайди?
80 ёшга тўлган кексалар учун муҳтожлик даражаси "Инсон" маркази ходими томонидан Бартел ва Лаутон шкалалари ёрдамида баҳоланади (7-банд).
Қайси ҳолда далолатнома тузиш рад этилади?
Маълумотлар нотўғри бўлса, парваришга муҳтож шахснинг розилиги бўлмаса ёки у интернат уйларига (Мурувват/Саховат) жойлаштирилган бўлса (17-банд).
Қаерга мурожаат қилиш керак?
Давлат хизматлари марказлари (ДХМ), "Инсон" маркази ходимлари ёки онлайн тарзда ЙИДХП (my.gov.uz) орқали (8-банд).
Хизмат учун тўлов борми?
Йўқ, давлат хизмати кўрсатилганлиги учун тўлов ундирилмайди (9-банд).
Далолатнома қанча муддатга берилади?
Далолатнома 12 ой муддатга расмийлаштирилади. Ҳар 6 ойда бир марта мониторинг ўтказилади (6-банд).
Кимларга қараб турганда ушбу хизмат кўрсатилади?
1. I гуруҳ ногиронлиги бўлган шахсга.
2. 18 ёшгача ногиронлиги бор болага.
3. Ўзгалар парваришига муҳтож 80 ёшга тўлган қарияларга (1-банд).
Ушбу далолатнома нима учун керак?
Қараб туришнинг ҳақиқий ҳолати тўғрисидаги электрон маълумотлар қараб турувчи шахсга пенсия тайинлашда иш стажига киритиш учун асос бўлади (3-банд).
Далолатнома расмийлаштириш муддати қанча?
Ваколатли орган ("Инсон" маркази) сўровнома тушган кундан бошлаб 5 иш куни ичида жойига чиққан ҳолда далолатномани расмийлаштиради (16-банд).
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 31 майдаги 318-сон қарори.
Қайси ҳолатларда хизмат кўрсатиш рад этилади?
Агар шахсда ўткир юқумли касалликлар, руҳий бузилишлар ёки сил касаллигининг фаол босқичи каби қарши кўрсатмалар бўлса (4-банд).
Хизматдан фойдаланиш учун қандай мажбурият бор?
Шартномада назарда тутилган кунларда шахснинг ўзи Марказга келиши (қатнаши) талаб этилади (52-банд).
Кундузги қатновда қандай хизматлар кўрсатилади?
Индивидуал парваришлаш режасига мувофиқ: реабилитация, психологик ёрдам, касбга ўргатиш (ижтимоий-меҳнат реабилитацияси) ва маданий тадбирлар.
Хизмат кўрсатиш учун шартнома тузиладими?
Ҳа. Марказ ва шахс (ёки вакили) ўртасида хизматлар тури, нархи ва давомийлиги кўрсатилган икки ёки уч томонлама шартнома тузилади (37-банд).
Мурожаат қандай тартибда берилади?
Шахс ёки унинг қонуний вакили бевосита "Инсон" марказига мурожаат қилади ёки "Ижтимоий ҳимоя" АТ орқали электрон сўровнома тўлдиради.
Кундузги қатнов хизмати қаерда кўрсатилади?
Агентлик томонидан белгиланган квоталар доирасида, фақат Марказлар жойлашган вилоят (шаҳар)да яшовчи шахсларга кўрсатилади.
Хизмат муддати қанча этиб белгиланган?
Кундузги қатнов шаклида ижтимоий ва реабилитация хизматлари бир ойгача бўлган муддатда кўрсатилади (3-банд).
Кундузги қатнов шаклида кимлар пуллик хизматдан фойдалана олади?
Парвариш қилиши шарт бўлган биринчи даражадаги қариндошлари бор кексалар ва ногиронлиги бўлган шахслар (шартнома асосида).
Хизмат кўрсатиш (мурожаатни кўриб чиқиш) муддати қанча?
Мурожаатни ўрганиш, шахснинг муҳтожлигини баҳолаш ва қарор қабул қилиш 7 иш куни ичида амалга оширилиши белгиланган.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 31 майдаги 316-сон қарори.
Мобил гуруҳ таркибига кимлар киради?
Хизмат турига қараб Марказ томонидан шакллантириладиган малакали мутахассислар жамоаси (55-банд).
Қандай хизматлар уйга бориб кўрсатилади?
Индивидуал парваришлаш режасидаги реабилитация машқлари, психологик маслаҳатлар ва ижтимоий-маиший ёрдамлар.
Мобил хизмат пулликми ёки бепул?
Қариндошлари бор шахслар учун бу хизмат шартнома асосида пуллик кўрсатилади.
Кимлар ушбу хизматдан фойдалана олади?
Марказ жойлашган туман (шаҳар) ҳудудида яшайдиган, қариндошлари бор, лекин уй шароитида реабилитацияга муҳтож шахслар.
Хизмат муддати қанча?
Мобил шаклда хизматлар бир йилгача бўлган муддатда кўрсатилиши мумкин (3-банд).
Мобил хизмат деганда нима тушунилади?
Бу Марказ мутахассисларининг (реабилитолог, психолог, ижтимоий ходим ва ҳ.к.) муҳтож шахснинг уйига бориб хизмат кўрсатишидир.
Мобил хизматни ташкил этиш муддати қанча?
Мурожаатни кўриб чиқиш, эҳтиёжни баҳолаш ва мобил гуруҳни бириктириш 7 иш куни ичида амалга оширилади.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 31 майдаги 316-сон қарори.
Марказдан муддатидан олдин чиқиш мумкинми?
Ҳа. Шахснинг ўзи ёки яқин қариндошларининг аризасига биноан Марказдан чиқариш ҳақида буйруқ расмийлаштирилади (67, 68-бандлар).
Хизмат пулликми ёки бепул?
Қариндошлари бор шахслар учун шартнома асосида пуллик, ижтимоий ҳимояга муҳтож ёлғизлар учун эса бепул (3-банд белгиланган тоифалари).
Қисқа муддатли жойлашишнинг афзаллиги нимада?
Шахс Марказда яшаган ҳолда интенсив реабилитация, профессионал парвариш ва ижтимоий-меҳнат терапиясини олади (46, 57-бандлар).
Доимий (чекланмаган) муддатга кимлар жойлаштирилади?
Парвариш қиладиган яқин қариндошлари ва ўз номида кўчмас мулки бўлмаган ёлғиз кексалар ва ногиронлиги бўлган шахслар (3-банд "а" кичик банди).
Узоқ муддатли хизматнинг максимал муддати қанча?
Пуллик асосда хизмат кўрсатиладиган шахслар учун стационар шаклда бир йилгача бўлган муддат белгиланган (3-банд).
Қисқа ва узоқ муддатли хизматлар кимлар учун?
Парвариш қилиши шарт бўлган қариндошлари бор, аммо маълум муддат (масалан, реабилитация учун) Марказда яшаб даволанишни хоҳловчи шахслар учун.
Хизматни ташкил этиш (қарор қабул қилиш) муддати қанча?
Мурожаатни кўриб чиқиш ва Марказга жойлаштириш бўйича қарор қабул қилиш 7 иш куни ичида амалга оширилади.
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 31 майдаги 316-сон қарори.
Қайси ҳолатларда ваучер бекор қилинади?
Шахс 10 иш кунида хизмат кўрсатувчини танламаса, вафот этса, хизматдан воз кечса ёки 1 ойдан ортиқ муддатга чет элга чиқса (20-банд).
Хизмат кўрсатилгани қандай тасдиқланади?
Хизмат кўрсатувчи ҳар куни хизматдан фойдаланган шахснинг биометрик маълумотларини (Face-ID) тизимга киритиши шарт (5-банд).
Ваучер қанча муддатга берилади?
Ваучер ижтимоий хизматдан 6 ойдан кўп бўлмаган муддатда фойдаланиш ҳуқуқи билан берилади (18-банд).
Мурожаат неча кун ичида кўриб чиқилади?
"Инсон" маркази масъул ходими сўровномани 7 иш куни ичида кўриб чиқади ва шахснинг эҳтиёжини баҳолайди (11-банд).
Мурожаат қаерга ва қандай қилинади?
"Инсон" марказига, ижтимоий ходимга, ЙИДХП (my.gov.uz) ёки “Ижтимоий ҳимоя” АТ орқали мурожаат қилиш мумкин (7-банд).
Хизмат кўрсатувчиларга қандай талаб қўйилади?
Улар 36 соатлик ўқув курсини битириб, 3 йил муддатга бериладиган сертификатга эга бўлишлари шарт (3-банд).
Хизмат кўрсатувчи сифатида кимлар ишлаши мумкин?
"Инсон" марказлари, юридик шахслар, якка тартибдаги тадбиркорлар (ЯТТ) ва ўзини ўзи банд қилган шахслар.
Ваучер тизими қандай ишлайди?
Давлат ижтимоий хизматлар харажатининг бир қисмини ваучер орқали қоплаб беради. Муҳтож шахс ваучер олгач, "Оила ҳамкор" платформасидан ўзи истаган хизмат кўрсатувчини танлайди.
Дастур доирасида қандай янги хизматлар кўрсатилади?
1. Уй шароитида ижтимоий-маиший ёрдам.
2. Уй шароитида қараб туриш.
3. Тиббий-ижтимоий реабилитация.
4. Кундузги қатнов асосида қараб туриш.
5. Shaxsy ёрдамчи хизмати.
“Фаол ҳаётга қадам” дастури нима?
Бу ўзгалар парваришига муҳтож шахсларга 5 турдаги янги ижтимоий хизматларни ваучер (субсидия) асосида кўрсатишни кўзда тутувчи давлат дастуридир (2025 йил 1 июндан бошланган).
Ушбу хизматнинг ҳуқуқий асоси нима?
Вазирлар Маҳкамасининг 2025 йил 18 июндаги 376-сон қарори
Ҳужжатларни тиклаш муддати қанча?
Умумий баҳолаш жараёни (7-банддан 11-бандгача) мурожаатдан кейин бир неча иш кунида бошланади, бироқ ҳужжатни тиклашнинг ўзи тегишли органлар (ИИВ, Адлия) регламентига мувофиқ амалга оширилади.
Ҳужжат тиклангани ҳақида маълумот қаерга киритилади?
29-бандга биноан, ижтимоий ходим ҳужжат тиклангани ёки ёрдам кўрсатилгани ҳақидаги маълумотни “Ижтимоий ҳимоя” АТга киритиши шарт.
Қайси ҳужжатлар тикланишига кўмаклашилади?
Шахсни тасдиқловчи ҳужжатлар (паспорт, ИД-карта) ҳамда ижтимоий ҳимоя ҳуқуқини берувчи бошқа зарур ҳужжатлар.
Ҳужжатлар йўқолган бўлса, ким ёрдам беради?
Яшаш шароитини баҳолаш жараёнида (19-банд) шахснинг ҳужжатлари йўқлиги аниқланади ва бу Индивидуал ижтимоий хизматлар режасига киритилади.
Фақат шахсий ҳужжатлар тикланадими?
Йўқ, нафақат шахсий паспорт, балки вояга етмаган фарзандларига гувоҳнома олиш ва мулкий ҳуқуқларни белгиловчи ҳужжатларни тиклашда ҳам ёрдам берилади (42-банд).
Тиклаш жараёни қанча вақт олади?
Судга ариза лойиҳасини тайёрлаш 5 иш куни, ҳуқуқий тушунтириш бериш эса 15 кун (43, 45-бандлар). Паспорт тиклаш қонунчиликда белгиланган муддатларда амалга оширилади.
Қайси органлар ҳужжатларни тиклаб беради?
"Инсон" маркази сўрови билан Ички ишлар органлари (паспорт/ИД-карта) ва Адлия бўлимлари (туғилганлик гувоҳномаси ва бошқалар) шуғулланади.
Ҳужжатларни тиклаш учун пул тўланадими?
Йўқ. 44-бандга кўра, паспорт ёки ИД-карталарни тиклашда давлат божи ундирилмайди.
Хизматнинг ҳуқуқий асоси
Ўзбекистон Республикаси Вазирлар Маҳкамасининг 2024 йил 11 мартдаги 123-сон қарори билан тасдиқланган Маъмурий регламент.
Ёрдам қайси харажатларни қоплаш учун мўлжалланган?
1. Озиқ-овқат маҳсулотлари;
2. Шахсий гигиена товарлари;
3. Уй-жой коммунал хизматлар ҳақи (2-банд).
Рад этиш учун қандай асослар бор?
Фақатгина Низомнинг 4-бандида кўрсатилган тиббий қарши кўрсатмалар (руҳий бузилишлар, юқумли касалликлар ва ҳ.к.) мавжуд бўлгандагина рад этилиши мумкин.
Ёрдам кўрсатиш шакллари қандай?
Фақат яшаш эмас, балки мобил (уйга бориш), кундузги қатнов ва қисқа муддатли стационар (вақтинча яшаш) шакллари ҳам мавжуд (Низом, 49-банд).
Марказда яшаётганлар пуллик хизмат турини ўзи танлайдими?
Ҳа. Пуллик хизмат олувчилар базавий хизматлардан ташқари, қўшимча реабилитация ва парвариш хизматларини шартнома асосида ўзлари танлайдилар (Низом, 37-банд).
Бўш ўринлар ҳақида қаердан маълумот олса бўлади?
ИҚҚМлардаги бўш ўринлар ҳақидаги маълумотлар Агентлик сайтида ва "Ижтимоий ҳимоя" АТда реал вақт режимида кўриниб туради (Низом, 5-банд).
Марказга жойлашиш учун қаерга бориш керак?
"Инсон" ижтимоий хизматлар марказига мурожаат қилинади ёки "Ижтимоий ҳимоя" АТ порталидан электрон сўровнома тўлдирилади (Низом, 10-банд).
Ижтимоий реестрдагилар учун тўлов қанча?
Ижтимоий реестрдаги оила аъзолари учун хизмат ҳақи имтиёзли бўлиб, улар нархнинг 20 фоизини тўлайдилар (қолган 80% давлат томонидан қопланади) (Қарор, 3-банд).
Қариндошлари бор шахслар қандай тартибда жойлашади?
Улар пуллик шартнома асосида жойлашишлари мумкин. Бунда узоқ муддатли ёки қисқа муддатли стационар хизматлардан фойдаланиш имкони бор.
Марказга кимлар бепул ва доимий яшаш учун қабул қилинади?
Боқувчиси (1-даражали қариндошлари) бўлмаган ва ўз номида уйи йўқ, ўзгалар парваришига муҳтож ёлғиз кексалар ва ногиронлиги бўлган шахслаar (Низом, 3-банд).
Мурожаатни кўриб чиқиш муддати қанча?
Умумий ҳисобда мурожаат 7 иш куни ичида тўлиқ кўриб чиқилади (2 кун "Инсон" маркази + 5 кун Махсус комиссия) (Низом, 14, 17-бандлар).
Ушбу хизматнинг ҳуқуқий асоси нима?
Ўзбекистон Республикаси Вазирлар Маҳкамасининг 2024 йил 31 майдаги 316-сон қарори ҳамда Президентнинг ПҚ-410-сон қарори.
Ижтимоий қўллаб-қувватлаш марказлари (ИҚҚМ) ўзи нима?
Булар илгариги “Саховат” кексалар ва ногиронлиги бўлган шахслар учун интернат уйлари ҳамда Уруш ва меҳнат фахрийлари пансионатининг янги номи ва тизимидир (1-банд).
Тўлов қачон тўхтатилади?
Шахс вафот этганда, ёрдам олиш ҳуқуқи йўқолганда ёки доимий яшаш учун хорижга чиқиб кетганда (69-банд).
Ижтимоий қўллаб-қувватлаш марказларида (пансионатларда) яшовчиларга қанча тўланади?
Марказларда яшовчи шахсларга уларнинг шахсий сарф-харажатлари учун нафақанинг 20 фоизи миқдорида маблағ тўлаб борилади (68-банд).
Маблағлар қаердан тўланади?
Ўзбекистон Республикасининг республика бюджети маблағлари ҳисобидан (11-банд).
Хизматнинг ҳуқуқий асоси нима?
Вазирлар Маҳкамасининг 2023 йил 23 мартдаги 119-сон қарори (31.05.2024 йилдаги 316-сон қарор таҳририда).
Ёрдам қандай шаклда тайинланади?
Мазкур қарорга кўра, тизимни рақамлаштириш орқали бу тўловлар "проактив шакл"да (фуқародан қўшимча ҳужжат талаб этмаган ҳолда, электрон базадаги маълумотлар асосида) таййинланади (3-банд).
Кимлар ушбу ёрдамни олиш ҳуқуқига эга?
Ўзгалар парваришига муҳтож бўлган ёлғиз кексалар ва ногиронлиги бўлган ёлғиз шахслар (Реестрга киритилганлар) (2-банд).
Ушбу моддий ёрдам нима учун берилади?
Илгари бепул берилган озиқ-овқат маҳсулотлари ва шахсий гигиена товарлари ўрнига, уларнинг қиймати миқдорида ойлик пул тўлови шаклида берилади (1-банд).
