Category: Тадбирлар

Toshkent shahridagi “O‘zekspomarkaz” milliy ko‘rgazmalar majmuasida ijtimoiy sohadagi yilning eng muhim voqealaridan biri — “Inson uchun – 2026” festivali bo‘lib o‘tdi. 12-13-may kunlari davom etgan ushbu nufuzli tadbir inklyuziv jamiyat qurish, zamonaviy ta’lim va aholi bandligini ta’minlash borasidagi eng ilg‘or yechimlarni bir nuqtada jamladi.

Festivalning eng ko‘p e’tibor markazida bo‘lgan loyihalaridan biri bu — Ijtimoiy himoya milliy agentligi huzuridagi “Baraka” ijtimoiy kartasi loyihasi bo‘ldi. Loyiha ofisi jamoasi tadbir davomida o‘z stendi bilan ishtirok etib, mamlakatimiz ijtimoiy tizimidagi tub islohotlarning raqamli qiyofasini namoyish etdi.

Loyiha menejeri Avaz Yusupov o‘z chiqishida “Baraka” loyihasining mazmun-mohiyati va strategik ahamiyatiga to‘xtaldi:

“Bizning asosiy maqsadimiz — davlat tomonidan ko‘rsatiladigan ijtimoiy xizmatlarni to‘liq raqamlashtirish orqali byurokratiyani kamaytirish va fuqarolarga shaffof, qulay xizmat ko‘rsatish tizimini yaratishdir. ‘Baraka’ nafaqat to‘lov vositasi, balki inson qadri uchun xizmat qiluvchi yaxlit ekotizimga aylanadi.”

Tadbir davomida o‘quv va operatsion jarayonlar bo‘yicha rahbar Asad Panjiyev tomonidan o‘tkazilgan amaliy ma’ruza ishtirokchilarda katta qiziqish uyg‘otdi. Mutaxassis “Baraka” mobil ilovasining texnik imkoniyatlarini batafsil tushuntirib berdi:

Yakunda tashkil etilgan “Savol-javob” sessiyasida ekspertlar fuqarolarni qiziqtirgan savollarga javob berishdi. Muhokamalarda “Baraka” loyihasining kelgusida hududlar bo‘ylab to‘liq joriy etilishi va yangi funksional imkoniyatlar bilan boyitilishi ta’kidlandi.

Festival “Baraka” loyihasi xalqqa yanada yaqinlashishi va ijtimoiy himoya tizimining zamonaviy, insonparvar qiyofasini shakllantirishda muhim poydevor bo‘lib xizmat qildi.

1-aprel kuni Toshkent shahridagi 365-maktab o‘quvchilariga sinov tariqasida Baraka ijtimoiy kartalari berildi. Endi ular Baraka ijtimoiy kartasidan bank va transport kartasi sifatida foydalanish (xuddi ATTO kartasi kabi) imkoniyati ega bo’ladilar.

Tadbirda Ijtimoiy himoya milliy agentligi, Maktabgacha va maktab ta’limi vazirligi, Baraka loyiha ofisi va Aloqabank vakillari ishtirok etdilar. 

Tadbir davomida ishtirokchilar kartaning afzalliklari va kundalik hayotda qo‘llanilishi haqida ma’lumot oldilar. Loyihaning maqsadi yoshlarni moliyaviy savodxonlikka o‘rgatish va ularni ijtimoiy qo‘llab-quvvatlash tizimlariga integratsiya qilishdir.

Ma’lumot uchun, 2024-yildan boshlab O‘zbekistonda yagona ijtimoiy karta tizimi ishga tushdi. Endi barcha ijtimoiy to‘lovlar va nafaqalar asta-sekin shu kartalarga o‘tkazilmoqda. Nafqaxo‘rlar uchun kartalarni chiqarish va yetkazib berish Xalq banki AJ’ga, talaba va maktab o‘quvchilari uchun xizmat ko‘rsatish va kartalarni taqdim etish esa Aloqabank AJga topshirilgan.

Shuningdek, Vazirlar Mahkamasining 2024 yil 28-dekabrdagi 897-sonli qaroriga binoan, ijtimoiy kartalar atigi 3 ish kunida chiqarilib, bank xodimlari tomonidan fuqarolarga yetkazib beriladi. Shu tarzda, har bir foydalanuvchi o‘z kartasini tez va qulay olishi mumkin.

 Baraka kartasining keng imkoniyatlair bilan bu yerda va Baraka ilovasining qulayliklari bilan bu yerda batafsil tanishishingiz mumkin. Ilovani hoziroq yuklab oling va kartangizni ulab, qulay foydalaning. 

Ijtimoiy ID bu –  sizning ijtimoiy xizmatlar tizimidagi yagona raqamli identifikatoringiz.

U orqali davlat axborot tizimlarida shaxsingiz aniqlanadi va sizga tegishli ijtimoiy xizmatlar, to‘lovlar va imtiyozlar boshqariladi. Sodda qilib aytganda, Ijtimoiy ID – ijtimoiy xizmatlar uchun yaratilgan shaxsiy raqamli profilingiz.

Baraka ilovasidagi Ijtimoiy ID qanday vazifani bajaradi?

Ilovadagi barcha ijtimoiy ma’lumotlaringiz aynan shu ID orqali boshqariladi. 

Foydalanuvchini tizimda aniq identifikatsiya qiladi
Ijtimoiy ID orqali tizim sizni avtomatik ravishda tanib oladi. Bu jarayonda qo‘shimcha hujjat yoki ma’lumot kiritish talab qilinmaydi. 

Mavjud ijtimoiy to‘lov va imtiyozlarni ko‘rsatadi
Siz qaysi nafaqa, xizmat yoki boshqa ijtimoiy yordam turiga ega ekaningiz Ijtimoiy ID asosida tizimda aks etadi. Bu ma’lumotlar yagona profilga bog‘langan bo‘ladi.

Ijtimoiy xizmatlardan tez va qulay foydalanish imkonini beradi
Ijtimoiy ID barcha xizmatlarni yagona tizimga biriktiradi. Natijada ortiqcha qog‘ozbozliksiz, navbat kutmasdan va ma’lumotlarni qayta-qayta taqdim etmasdan xizmat olish mumkin bo‘ladi.

To‘lovlarni kuzatish va boshqarishni soddalashtiradi
Ilova orqali sizga tayinlangan ijtimoiy to‘lovlarni ko‘rish, ularning tushum sanasini kuzatish va holatini nazorat qilish imkoniyati yaratiladi.

Ijtimoiy ID qayerlarda qo‘llaniladi?

Ijtimoiy ID turli davlat va moliyaviy tizimlarda fuqaroning shaxsini aniqlash hamda unga tegishli ijtimoiy xizmatlarni boshqarish uchun qo‘llaniladi. 

 Ijtimoiy himoya organlarida
Fuqaroga tegishli ijtimoiy yordam turlari, imtiyozlar va ro‘yxatga olish jarayonlari Ijtimoiy ID orqali aniqlanadi. Bu ma’lumotlarni tez topish va tekshirish imkonini beradi.

Nafaqa va subsidiyalarni rasmiylashtirishda
Pensiya, bolalar nafaqasi, moddiy yordam yoki subsidiya ajratishda fuqaroning huquqi va maqomi Ijtimoiy ID asosida tekshiriladi. Bu jarayonni soddalashtiradi va xatoliklar ehtimolini kamaytiradi.

Bank jarayonlarida (ijtimoiy karta bilan bog‘liq operatsiyalarda)
Ijtimoiy to‘lovlar tushadigan karta bilan bog‘liq masalalarda shaxsni tezkor identifikatsiya qilish Ijtimoiy ID orqali amalga oshiriladi. Natijada bank xizmatlari tezroq ko‘rsatiladi.

Raqamli davlat xizmatlari tizimlarida
Onlayn platformalar orqali ariza topshirish, ma’lumotlarni tekshirish yoki ijtimoiy xizmatlarga murojaat qilishda Ijtimoiy ID yagona identifikator sifatida ishlaydi.

Ijtimoiy ID fuqaroga qanday afzallik beradi?

Ijtimoiy ID fuqaro uchun ijtimoiy xizmatlardan foydalanish jarayonini ancha soddalashtiradi va tezlashtiradi. Ya’ni Ijtimoiy ID orqali tizim shaxsni avtomatik aniqlaydi. Ko‘plab holatlarda qo‘shimcha hujjat taqdim etish yoki ma’lumotlarni qayta kiritish talab qilinmaydi. Bu vaqtni tejaydi.

Ma’lumotlar yagona tizimda saqlangani sababli turli tashkilotlarga bir xil hujjatlarni bir necha bor topshirish zarurati kamayadi. 

Fuqaro o‘ziga tayinlangan nafaqa, subsidiya yoki boshqa ijtimoiy to‘lovlar haqida aniq ma’lumotga ega bo‘ladi. Qaysi to‘lov qachon va qanday miqdorda ajratilgani ochiq ko‘rinadi.

Ijtimoiy ID barcha ijtimoiy xizmatlarni yagona profilga bog‘laydi. Natijada xizmat olish jarayoni tezlashadi va navbatlar kamayadi.

Fuqaroning ijtimoiy ma’lumotlari turli bazalarda tarqoq holda emas, balki yagona tizimda jamlanadi. Bu ma’lumotlarning aniqligi va dolzarbligini ta’minlaydi.

Baraka kartasi orqasidagi QR-kod nima?

Baraka ijtimoiy kartasi orqasidagi QR-kod — bu Ijtimoiy ID bilan bog‘langan identifikatsiya kodi.

QR-kod skaner qilinganda:

• Foydalanuvchining yagona ijtimoiy profili tizimda avtomatik aniqlanadi
• Tegishli xizmat yoki to‘lov ma’lumotlari tezkor ochiladi

Muhim: ushbu QR-kod to‘lov uchun mo‘ljallanmagan. U faqat identifikatsiya maqsadida ishlatiladi.

Ijtmoiy QR koddan qayerlarda foydalanish mumkin?

Baraka kartasidagi ijtimoiy QR-kod quyidagi joylarda va holatlarda ishlatiladi:

1. Ijtimoiy xizmat ko‘rsatish markazlarida

QR-kod skaner qilinadi va tizim sizning profilingizni aniqlaydi, shunda xodimlar sizga tegishli xizmatlarni tezroq taqdim etadi.

1. Vakolatli davlat xodimlari tomonidan

Faqat ruxsatli xodimlar QR-kodni ishlatadi, odatiy foydalanuvchi bu kodni to‘lov yoki boshqa shaxsiy maqsadlarda ishlata olmaydi.

1. Bank jarayonlarida (karta bilan bog‘liq masalalarda)

Ijtimoiy karta bilan bog‘liq xizmatlar, nafaqa yoki subsidiyalarni olishda QR-kod orqali tez identifikatsiya qilinadi.

1. Ijtimoiy xizmatlarni tekshirishda

Xizmat sifatini nazorat qilish yoki foydalanuvchining ma’lumotlarini tekshirishda QR-kod ishlatiladi.

Muhim: QR-kod ochiq to‘lov QR’i emas, u faqat maxsus tizim orqali vakolatli xodimlar tomonidan identifikatsiya maqsadida ishlatiladi.

 

Hurmatli foydalanuvchilar! Ayni kunlarda telefon yoki ilovangizga turli ijtimoiy xizmatlar, banklar yoki qo‘llab-quvvatlash xizmatlari nomidan qo’ng’iroqlar bo’lishi, linklar jo’natilishi mumkin. Ular fiirbgarlar bo’ladi. Firibgarlarning maqsadi sizni turli yo’llar bilan ishontirib, shaxsiy ma’lumotlaringizni, SMS kodlaringizni yoki pulingizni qo‘lga kiritish. Xo’sh, bunday jinoyatchilarni qanday payqashingiz mumkin, ulardan qanday himoyalanishingiz mumkin?

Biz firibgarlik usullarini tanib olishingiz va ulardan himoyalanishingiz bo‘yicha amaliy tavsiyalar tayyorladik. 

“Fishing” (soxta saytlar va havolalar) orqali qanday aldashadi?

Firibgarlar sizga haqiqiy saytlarga juda o‘xshash bo‘lgan soxta havolalar yuborishadi. Ularning maqsadi — sizni o‘sha sahifaga kiritib, parollaringiz va karta ma’lumotlaringizni o‘g‘irlash.

Ular bank yoki servis nomidan SMS yuborib, “Akkuntingiz bloklandi” yoki “Yutuqni olish uchun bu yerga bosing” deb yozishadi.

Havola (link) manzilida bir-ikkita harf xato yozilgan bo‘ladi (masalan, baraka.gov.uz o‘rniga baraka-uz.net).

Hech qachon shubhali havolalarga kirmang. Sayt manzilini brauzerda o‘zingiz yozib kiring.

“Xavfsizlik xizmati” qo‘ng‘iroqlari usulidagi tuzoq 

Sizga o‘zini bank yoki “Baraka” qo‘llab-quvvatlash xizmati xodimi deb tanishtirib qo‘ng‘iroq qilishadi. “Kartangizdan pul yechilmoqda, uni to‘xtatish uchun SMS kodni ayting” deb sizni qo‘rqitishadi.

Ular sizni shoshiltiradi, stress holatiga tushiradi va maxfiy kodni so‘raydi. Bunday paytda suhbatni darhol to‘xtating! Unutmang: Haqiqiy xodimlar hech qachon telefon orqali SMS kodni so‘ramaydi.

Messenjerlardagi soxta yordamchilar

Telegram yoki boshqa messenjerlarda firibgarlar o‘zini “Operator” deb tanishtirib, sizga birinchi bo‘lib yozishadi.

“Muammoingizni hal qilamiz” yoki “Keshbekni faollashtirib beramiz” deb va’da berishadi. Ular sizdan karta raqami yoki ilovaga kirish parolini so‘rashadi. Faqat rasmiy ilova ichidagi chatdan yoki rasmiy botlardan foydalaning. Sizga birinchi bo‘lib yozgan “yordamchi”larga ishonmang.

“Nafaqangiz tayyor”, “Sizga pul jo’natildi” kabi aldovchi linklar 

Haddan tashqari foydali ko‘ringan takliflar 99% holatda firibgarlik bo‘ladi. “Nafaqangiz tayyor”, “Sizga pul jo’natildi”, “Siz yutuq yutdingiz, uni olish uchun 50 ming so‘m komissiya to‘lang” kabi linklarni jo’natishadi. Pulni o‘tkazishingiz bilan ular g‘oyib bo‘ladi.Oldindan to‘lov talab qilinishi va “faqat bugun ulgurib qoling” deb shoshiltirish. Tekin pishloq faqat qopqonda bo‘ladi. Hech qachon “yutuq” uchun oldindan pul to‘lamang.

Xavfsizligingiz uchun 3ta oltin qoidani eslab qoling!

1. SMS kodni hech kimga bermang! Bu sizning uyingiz kaliti kabi sir saqlanishi kerak.
2. Parollaringizni murakkab yarating. Tug‘ilgan yilingiz yoki ismingizni parol sifatida tanlamang.
3. Hushyor bo‘ling. Agar kimdir sizni shoshiltirayotgan bo‘lsa, demak bu — firibgar.

Agar ma’lumotlaringizni firibgarlarga berib qo‘ygan bo’lsangiz, darhol kartangizni bloklang va bizning rasmiy yagona aloqa markazimizga murojaat qiling: 1070

Foydalanuvchilarimizga yanada qulay va ishonchli xizmat ko‘rsatish maqsadida Baraka mobil ilovasini yangiladik. Yangi versiyada xavfsizlik darajasi oshirildi, moliyaviy amallarni boshqarish soddalashtirildi hamda bir qator yangi funksiyalar joylandi.

Xavfsizlik tizimi kuchaytirildi 

Ilovani Antifrod telekom himoya tizimi bilan integratsiya qildik. Endilikda ro‘yxatdan o‘tish jarayonida qo‘shimcha xavfsizlik mexanizmlari ishga tushadi. Bu esa akkauntlaringizni firibgarlik holatlaridan ishonchli himoyalash imkonini beradi.

O‘tkazmalar osonlashdi 

So‘nggi amalga oshirilgan pul o‘tkazmalaringiz ilovada saqlanib qoladi. Ushbu imkoniyat orqali tez-tez foydalaniladigan o‘tkazmalarni qisqa vaqt ichida qayta amalga oshirish mumkin.

Kirim-chiqimlar nazorati qulaylashdi

Pul mablag‘larining kirim va chiqimlari qulay tarzda joylashtirildi. Endi foydalanuvchilar o‘zlariga kerakli moliyaviy operatsiyalarni oson va tez topishlari mumkin.

Yangi ijtimoiy xizmatlar paydo bo’ldi

Ilovaga yangi ijtimoiy xizmat turlari qo‘shildi. Bu orqali ijtimoiy to‘lovlar bilan bog‘liq amallarni yanada tez va qulay bajarish imkoniyati yaratildi.

Avtosug‘urta hujjatlari elektron shakli qo’shildi

Foydalanuvchilar endi avtosug‘urta hujjatlarini elektron ko‘rinishda Baraka ilovasida saqlashlari mumkin. Bu hujjatlarni doimo qo‘l ostida bo‘lishini ta’minlaydi.

Kartani buyurtma qilishda qulaylik

Buyurtma qilingan bank kartasining qayerdaligini real vaqt rejimida kuzatish imkoniyati yaratildi. Karta qayta chiqarilganda endilikda Click orqali to‘lov qilish mumkin (avval faqat Paynet orqali amalga oshirilgan).

Texnik yaxshilanishlar

Ilovadagi aniqlangan mayda texnik kamchiliklar bartaraf etildi, umumiy ishlash tezligi va barqarorligi yaxshilandi.

Baraka mobil ilovasini yangilang va taqdim etilgan barcha yangi imkoniyatlardan foydalaning!

 

Biz Baraka ilovasini yana ham qulay va oson foydalanishingiz mumkin bo’lgan kartaga aylantirib boryapmiz. Hozirda Baraka ilovasi sizga bir necha xil qulayliklarni taqdim etadi. Keling, ular bilan birma-bir tanishamiz. 

Ilovaning asosiy imkoniyatlaridan biri kartadan kartaga mablag’larni (P2P o’tkazmalar) tez, qulay va xavfsiz o’tkaza olish imkoniyatining mavjudligida. Ya’ni siz tanishlaringiz yoki yaqinlaringizga Baraka ilovasi ortqali pul o’tkazib, uning xavfsiz yetib borishidan xotirjam bo’laverishingiz mumkin.  

Kundalik to’lovlaringiz masalan, kommunal xizmatlar, turli jarimalar, internet va TV, davlat xizmatlari kabi 100 dan ortiq xizmatlar uchun to‘lovlarni ham Baraka ilovasi oqrali oson bajara olasiz. 

 Ilovaning yana bir muhim afzalliklaridan biri 17 turdagi elektron hujjatingiz (pasport, diplom va boshqalar)ning elektron shakli Baraka ilovasida aks etganida. Bu orqali siz istalgan vaqtingizda shaxsiy hujjatlaringizni tezda yuklab olasiz. 

Yana bir ko’pchiligimizni o’ylantiradigan masala bor: Baraka ijtimoiy plastik kartam kodini qanday o’zgartirsam ekana, degan. Buni, ya’ni kartaningizning PIN kodini ham ilova orqali o’zgartira olasiz. Bu bo’yicha yo’riqnomamiz bilan bu yerda batafsil tanishing.

Bundan tashqari, ilovaga kirib Baraka kartangizni muzlatish va kartangiz tafsilotlarini  ham ko‘rishingiz  mumkin. O’zingizning ijtimoiy holatingizni (qanday ijtimoiy xizmat yoki nafaqa egasi ekaningizni) aks ettiruvchi QR koddan foydalana olasiz. 

Ilova ichidagi aloqa markazi tugmasi orqali darhol aloqa markazi operatorlari bilan bog’lana olasiz. Shuningek, ilovadagi ko‘p so‘raladigan savollar bo‘limida ham savollaringizga javob olishingiz mumkin. 

Ilovaga kirib, shuningdek, o‘tkazma, to‘lovlar tarixingizni kuzatish va  nazorat qilishingiz mumkin. Bu mablag’laringizni xavfsiz va ishonchli saqlashda eng asosiy yordamchi sanaladi. 

 

Сизда Барака ижтимоий картаси учун ҳақ тўлайманми ёки бепул ҳам олсам бўладими деган савол пайдо бўлиши табиий. Албатта картани пул тўламай ҳам олиш мумкин. Фақат бунинг учун сиз қонунчилик ҳужжатларида тасдиқланган 15 тоифадаги шахслардан бири бўлишингиз керак. Хўш, ижтимоий карта бепул муомалага чиқариладиган ва фойдаланиш учун тақдим этиладиган шахслар кимлар? Улар қуйидагилар:
1. Камбағал оилалар реестрига киритилган оилалар (шахслар)
2. “Ижтимоий ҳимоя ягона реестри” ахборот тизими орқали кам таъминланган деб эътироф этилган оилалар
3. Кўп болали оилаларнинг аъзолари
4. Ногиронлиги бўлган шахслар
5. Ўзгалар парваришига муҳтож шахслар бўлган ёлғиз яшовчи ва ёлғиз кексалар
6. Ўзгалар парваришига муҳтож шахслар парвариши билан банд бўлган шахслар
7. Етим болалар ва ота-она қарамоғидан маҳрум бўлган болалар
8. Васийлар (ҳомийлар), тутинган ота-оналар
9. Муомалага лаёқациз шахслар
10. Муомала лаёқати чекланган шахслар
11. Муомалага лаёқациз ва муомала лаёқати чекланган шахсларнинг қонуний вакиллари
12. Пенсионерлар
13. Давлат буджети маблағлари ҳисобидан стипендия тўланаётган талабалар
14. Давлат буджети маблағлари ҳисобидан стипендия тўланаётган ўқувчилар (тингловчилар)
15. Шаҳар йўловчи транспортидан (таксидан ташқари) бепул фойдаланиш ҳуқуқига эга бўлган шахслар.

Қайси ҳолларда 15 тоифага кирувчилар ҳам карта учун пул тўлайди?
Амал қилиш муддати тугашидан олдин карта йўқотиб қўйилса ёки яроқсиз ҳолга келса, 15 тоифага кирувчилар ҳам картани қайта чиқариш учун пул тўлашлари керак

Ҳаётингизни енгиллаштириш, давлат ёрдамини тез, хавфсиз ва замонавий усулда олиш имконини берувчи Барака ижтимоий картаси ҳақида эшитганмисиз? Бу ҳукумат йўлга қўйган “Ижтимоий карта” тизими бўлиб, у барча ижтимоий имтиёз ва тўловларни битта рақамли, ишончли ва глобал картага жамлайди.

Барака — янги авлод картаси
“Барака” — бу нафақат ижтимоий карта, балки замонавий дизайнга эга глобал Виса картасидир. У орқали сиз Виса тармоғидаги исталган жойда тўлов, онлине ва оффлине савдолар қилишингиз мумкин. Ва энг муҳими — ижтимоий тоифалар учун у бепул тақдим этилади.
Картани таниб олишингиз осон: унинг дизайни ўзига хос, замонавий ва оч яшил “Барака” бренди ранглари билан безатилган. Бизнинг мақсад – бу картани ижтимоий ёрдам ва ишонч тимсолига айлантириш.
Банк картаси шаклидаги Барака ижтимоий картасида шахсга оид қандай маълумотлар бўлади?
Барака ижтимоий картаси сизнинг шахсингизни тасдиқловчи бир нечта муҳим маълумотларни ўз ичига олади. Бу маълумотлар картанинг олд ва орқа томонида хавфсизлик чораларига риоя қилинган ҳолда ҚР кодда жойлаштирилади.
Картанинг олд томонида:
Фамилия, исм: Эгасининг фамилияси ва исми (ўзбек ёки инглиз тилларида, махсус белгилар ва 20 ҳарф чекловига риоя қилинган ҳолда).
Амал қилиш муддати: Картадан фойдаланиш мумкин бўлган муддат.
Картанинг орқа томонида:
Орқа томонда шахсни чуқурроқ идентификациялаш учун қўшимча, кўпроқ техник маълумотлар берилади.
Рақамли фотосурат: Ижтимоий карта эгасининг рақамли фотосурати.
Фамилия, исм: Эгасининг фамилияси ва исми (картада яна бир бор кўрсатилади).
Фуқаролик тури: Фуқаролиги (ёки хорижий фуқаро, фуқаролиги бўлмаган шахс эканлиги).
Жисмоний шахснинг шахсий идентификация рақами (ЖШШИР): Шахснинг ноёб идентификация рақами.
Орқа томондаги ҚР кодда кодланган маълумотлар:
Картадаги ҚР-код сканерланганда шахсга оид қўшимча, батафсил маълумотларни тақдим этади:
Фамилия, исм: (Ўзбек ёки қорақалпоқ тилларида).
Жинси: Шахснинг жинси.
Миллати: Шахснинг миллати.
Туғилган жойи: Шахснинг туғилган жойи.
Ижтимоий суғурта рақами: (Агар мавжуд бўлса).
Ижтимоий карта берилган санаси.
Жисмоний шахснинг шахсий идентификация рақами (ЖШШИР).
Ариза берувчи тўғрисидаги бошқа маълумотлар.
Қўшимча шахсий элемент:
Имзо: Карта эгаси 16 ёшга тўлганидан сўнг, картада унинг шахсий имзоси бўлиши мумкин.
Шунингдек, чипда:
Карта чипига ҳам эгаси ҳақидаги маълумотлар киритилади.
16 ёшдан кейин чипда Электрон Рақамли Имзо (ЭРИ) калити сертификати сақланиши мумкин.
Бу маълумотлар Ижтимоий картанинг шахсингизни тасдиқловчи ва барча имтиёзларингизни боғловчи ишончли восита эканлигини англатади.
Барака халқаро Виса Флех тизимида ишлайди
“Барака” картаси Виса Флех тармоғида тўлиқ ишлайди, яъни сиз ундан нафақат Ўзбекистонда, балки бутун дунёда фойдаланишингиз мумкин. Онлине харидлар, транспорт, дорихона ёки халқаро тўловлар — барчаси битта картада.
Барака ишончли ҳамроҳингизга айланади
Бу карта – давлат томонидан кўрсатилаётган ғамхўрликнинг рақамли тимсоли. У сизнинг имтиёзларингизни бир жойда жамлайди, ёрдамни тезлаштиради ва ҳаётингизни соддалаштиради.

 

Visa kompaniyasi Aloqabankning Baraka kartasi mijozlariga noyob va unutilmas imkoniyatni taqdim qilyapti. Siz Italiyaning Milan shahrida o‘tadigan Qishki Olimpiya o‘yinlari – 2026ga sayohat qilishingiz mumkin. Shartlar juda oson va oddiy. Aksiyada istalgan kishi qatnasha oladi. 

Qanday ishtirok etish mumkin?

Aloqabank tomonidan chiqarilgan Baraka kartangiz bilan 18-dekabrdan 10-yanvargacha to‘lov va xaridlar qiling. Shu muddat ichida to‘lovlaringiz 600 ming so‘mdan oshsa, siz avtomatik tarzda aksiya ishtirokchisiga aylanasiz.

Kartangiz orqali amalga oshirilgan har bir tranzaksiya sizni aksiyaga egasiga aylantirishi mumkin.

Aksiya muddati: 2025-yilning 18-dekabridan 2026-yilnig 10-yanvarigacha 

Shoshiling! Har bir xaridingiz sizni Milan yo‘llanmasiga yaqinlashtiradi! Baraka kartangiz bilan xarid qiling va orzularingizga yo‘l oching!

Aksiya vaqti cheklangan! Imkoniyatni qo‘ldan boy bermang!

Baraka kartangiz – nafaqat qulay, balki sizni katta yutuqlarga olib boradigan kalit!

Mehmon hamkor: Aloqabank

Bosh hamkor: Visa

Hamkor: Baraka

Сизга тегишли барча расмий ҳужжатлар, дейлик, паспорт, ҳайдовчилик ва никоҳ гувоҳномаси, таълим бўйича дипломларингиз – ҳаммаси бўлиб 17 хил ҳужжатингиз битта иловада бўлишини хоҳлармидингиз? Бизнингча, бу кўпчиликнинг орзуси. Нега дейсизми? Чунки ҳужжатларни йиғиб юриш, уларни бир жойда сақлаш, йиртилиб кетмаслиги ёки йўқотиб қўймаслик учун қайғуришга тўғри келарди-да. Энди эса Барака иловаси сизни бу қайғудан озод қилади. Илова сизга керакли ҳужжатни бир неча сония ичида топиб, кўрсатиб беради. Бундан ташқари, ҳужжатларингиз шифрланган ҳолда, юқори даражада ҳимояланган серверларда сақланади, уларни йўқотиш ҳақида ўйлаш энди фақат тарихда қолди.
Барака иловасидаги рақамли ҳужжатлар функцияси кундалик ҳаётингиз сезиларли даражада осонлаштиради:
Йўл-патрул хизмати, турли идоралар ёки банк хизматларида ҳужжатларингизни тез ва расмий равишда тақдим эта оласиз.
Ҳукумат идоралари, нотариуслар, ёки бошқа муассасаларда идентификациядан ўта оласиз.
Транспорт воситаси суғуртаси ёки техник паспортни ҳар доим ўзингиз билан олиб юришингиз мумкин бўлади.
Барака иловасидаги рақамли ҳужжатлар тўлиқ рўйхати:
1. Ўзбекистон Республикаси фуқаросининг биометрик паспорти
2. Ўзбекистон Республикаси фуқаросининг идентификацияловчи ИД-картаси
3. Ҳайдовчилик гувоҳномаси
4. Туғилганлик ҳақида гувоҳнома
5. Никоҳ қайд этилганлиги ҳақида гувоҳнома
6. Никоҳдан ажралганлик ҳақида гувоҳнома
7. Транспорт воситасининг рўйхатдан ўтказилганлиги тўғрисида гувоҳнома (техник паспорт, техник талон)
8. Пенсия (нафақа) гувоҳномаси
9. Фуқаролиги бўлмаган шахснинг яшаш гувоҳномаси (ИД-картаси)
10. Ногиронлик тўғрисида маълумотнома
11. Транспорт воситасининг мажбурий суғурта (фуқаролик жавобгарлиги) бўйича суғурта полиси
12. Олий, ўрта махсус, касб-ҳунар ва профессионал таълим олганлик тўғрисида давлат намунасидаги расмий ҳужжат
13.Талабалик гувоҳномаси
14. Якка тартибдаги тадбиркорнинг давлат рўйхатидан ўтказилганлиги тўғрисида гувоҳнома
15. Ўзини ўзи банд қилган шахс сифатида рўйхатдан ўтганлиги тўғрисида маълумотнома
16. Турар жой обектларининг кадастр паспорти
17. Жисмоний шахснинг шахсий автомототранспорт воситасини бошқа шахсларга бошқариш ҳуқуқини берувчи ишончнома
Барака иловасидаги рақамли ҳужжатлар юридик кучга эга бўлиб, Ўзбекистон Республикаси қонунчилиги асосида расмий тан олинган. Шунинг учун энди хотиржам ҳолда Барака иловасидаги рақамли ҳужжатлардан фойдаланишингиз мумкин.