Profilaktika inspektorı order maǵlıwmatların hám jábirleniwshiniń mútájliklerin dárhal "E-qorǵaw orderi" elektron sistemasına kirgizedi. Bul maǵlıwmat avtomat túrde "Insan" oraylarına da jetip baradı (11-bánt).
Basım hám zorlıqtan jábirlengenler
Qorǵanıw orderi rásmiylestirilgennen keyin, maǵlıwmatlar qay jerge kirgiziledi?
Rebilitaciya orayına (shelterge) jaylasıw ushın qorǵanıw orderi shárt pe?
Awa, shárt. Hayal-qızlardıń aymaqlıq reabilitaciya oraylarınıń tereńlestirilgen hám uzaq múddetli (6 ayǵa shekem) járdem xızmetlerinen paydalanıwı ushın olarda qorǵanıw orderi rásmiylestirilgen bolıwı shárt (18, 21-bántler).
Eger emlewxanada emleniw sebepli qorǵanıw orderiniń múddeti tawsılıp qalsa ne boladı?
Jeńillik bar. Eger hayal adam orayda qadaǵan etilgen belgili kesellikler sebepli emlewxanaǵa jiberilse, ol emlenip shıqqannan soń, qorǵanıw orderiniń múddeti tamamlanǵan bolsa da reabilitaciya orayına (shelterge) qayta jaylastırılıwı múmkin (21-bánt).
Qorǵanıw orderi berilgende zorlaǵan shaxsq qarata ne islenedi?
Profilaktika inspektorı kúsh kórsetiw hám zorlıq islegen shaxs penen májbúriy tártipte profilaktikalıq sáwbet ótkeredi hám oǵan order shártlerin (hayalǵa jaqınlaspaw, baylanısqa shıqpaw hám t.b.) túsindiredi (11-bánt).
Qorǵanıw orderin qay jerden hám qalay alıw múmkin?
Ishki isler uyımlarınıń "102" nomerine qońıraw etiw yamasa aymaqlıq profilaktika inspektorına múrájat etiw arqalı. Sonday-aq, "Insan" orayları da hayalǵa qorǵanıw orderin alıwda járdem beredi (8, 9-bántler).
Qorǵanıw orderi qansha múddette rásmiylestiriledi?
24 saat ishinde. Profilaktika inspektorı zorlıq haqqındaǵı múrájattı dizimge alǵannan soń, sutka dawamında qorǵanıw orderin rásmiylestiriwi shárt (11-bánt).
