Category: Эълонлар

Жамоат транспортига Барака картаси орқали тўланг. Ва 1 соат ичида кейинги сафарлар учун АТТО билан бир хил нархлардан фойдланинг.

Барака картаси орқали жамоат транспортида йўл ҳақи тўлаганингизда, 1 соат ичида кейинги сафарлар учун АТТО билан бир хил тарифлардан фойдаланиш имконияти пайдо бўлди.

Масалан, Тошкент шаҳрида автобусларда 1 соат ичида:

• 1-сафар: 1 700 сўм
• 2-сафар: 700 сўм
• 3-сафар: БЕПУЛ
• 4-сафар: БЕПУЛ

 Эслатма: Тарифлар метрода ва вилоятлар бўйича бир-биридан фарқ қилади. Тўлиқ нархлар билан бу ерда танишишингиз мумкин.

Сизга яна бир янгилик, илгари айрим тоифадаги имтиёзга эга фуқаролар шаҳар транспортидан бепул фойдаланиши учун ижтимоий транспорт картаси олишган. Эндиликда бу фуқаролар махсус транспорт картаси ўрнига Baraka картасидан фойдаланадиган бўлди.

Жамоат транспортидаги АТТО терминалларига Baraka картасини теккизганингизда, тизим сизнинг имтиёзли тоифага мансублигингизни автоматик равишда аниқлайди ва йўл ҳақи учун маблағ ечиб олмайди.

Baraka картаси сизнинг жамоат транспортидан фойдаланишда имтиёзли шахс эканингизни тасдиқловчи ҳужжат вазифасини бажаради.

Бундай тоифага кирувчи фойдаланувчилар автобус ёки метрода Baraka картасини АТТО терминалига теккизсалар кифоя. Тизим фойдаланувчининг имтиёзли шахс эканини автоматик аниқлайди ва картадан маблағ ечилмайди.

Baraka картаси билан жамоат транспортидан бепул фойдаланувчиларнинг янгиланган рўйхати билан танишинг:

• 1941—1945 йиллардаги уруш қатнашчилари жумласидан бўлган ҳарбий хизматчилар;
• 1941 —1945 йиллардаги уруш ногиронлари ва уларга тенглаштирилган шахслар;
• 1941—1945 йиллардаги уруш даврида фронт ортида фидокорона меҳнати ва бенуқсон ҳарбий хизмати учун орден ҳамда медаллар билан тақдирланган шахслар;
• Афғонистон Республикасида ва бошқа мамлакатларнинг ҳудудидаги жанговар ҳаракатларда қатнашган собиқ байналмилалчи жангчилар жумласидан бўлган фуқаролар;
• Чернобил АЭС ҳалокати оқибатида нурланиш касаллигига чалинган ва уни бошдан кечирган шахслар;
• Ногиронлиги бўлган кўзи ожиз шахслар ва І гуруҳ ногиронлиги бўлган шахслар ҳамда уларга ҳамроҳлик қилувчи бир нафар шахс;
• Ўзгалар парваришига муҳтож кексалар ва ногиронлиги бўлган шахслар, шунингдек, уларни кузатиб борувчи шахс.
• «Ўзбекистон Республикаси фахрий донори» кўкрак нишони билан тақдирланган шахслар.

Нега жамоат транспортида айнан Баракадан фойдаланиш қулай?

 

Хотиржамлик.  Автобусга чиққанингизда “картамда пул борми-йўқми” деб саросимага тушмайсиз. Барака мобил иловасига кириб, балансингизни осонгина кўрасиз ва сафарингизни хотиржам давом эттирасиз.

Кўп функциялилик. Битта картанинг ўзи ҳам жамоат транспорти картаси, ҳам шахсингизни тасдиқловчи ҳужжат, ҳам ижтимоий тўловлар ва шахсий маблағларингизни хавфсиз сақловчи рақамли ҳамёндир!

Эски ижтимоий транспорт картангизни янги Baraka ижтимоий картасига алмаштиришни кечиктирманг. Барака мобил иловасини юклаб олинг, балансингизни назорат қилинг ва жамоат транспортида замонавий, тежамкор ҳамда бепул сафарлардан унумли фойдаланинг!

 

Агар сиз расмий иш жойига эга бўлмасангиз, ҳомиладорлик ёки касал бўлганда сизга нафақа пули берилади. Бунинг учун ижтимоий ихтиёрий суғурта бадалларини тўлаб юрган бўлишингиз керак. Бундан ташқари, қонунчиликда келтирилган айрим шартларга тўғри келишингиз ҳам керак. Бу шартлар қандай экани ва бадалларни тўлаш тартиби ҳақида ушбу мақола орқали билиб олишингиз мумкин.

2026 йилдан бошлаб Ўзбекистонда давлат ижтимоий суғуртасининг янги тизими жорий этилди. Бу фуқароларни касаллик, ҳомиладорлик, ишсизлик каби оғир ҳаётий вазиятларда даромадсиз қолиб кетишдан ҳимоялайди. Янги тизим доирасида нафақалар эндиликда иш берувчи ҳисобидан эмас, балки Давлат ижтимоий суғурта жамғармаси орқали тўланади. Бу эса давлат ва хусусий секторда ишловчи барча фуқаролар учун тенг ижтимоий кафолатлар яратилишини англатади.

 3 хил турдаги суғуртадан фойдалана оласиз

Ўзбекистон Республикаси Президентининг 2025 йил 3 ноябрдаги ПФ-206-сон Фармонига мувофиқ, қуйидаги нафақалар Давлат ижтимоий суғурта жамғармаси орқали тўланиши белгиланмоқда:

2026 йил 1 январдан ҳомиладорлик ва туғиш нафақаси — аёлларнинг туғруққача ва туғруқдан кейинги даври учун тўланади;

 2026 йил 1 июлдан вақтинча меҳнатга лаёқатсизлик нафақаси — ходимларнинг касаллиги сабабли меҳнатга лаёқатсиз бўлган даври учун тўланади; — ходимларнинг касаллиги сабабли меҳнатга лаёқатсиз бўлган даври учун тўланади;

2030 йилдан ишдан бўшатиш нафақаси — ходим ишдан бўшатилганлиги учун тўланади.

Кимлар вақтинча меҳнатга лаёқатсизлик ҳамда ҳомиладорлик ва туғиш нафақасини олиш ҳуқуқига эга?

1. Давлат ижтимоий суғуртаси билан мажбурий асосда қамраб олинган, суғурта стажига эга барча шахслар:

• иш берувчи билан расмий меҳнат шартномаси асосида ишлаётганлар;
• фуқаролик-ҳуқуқий шартнома (ФҲҚ) асосида хизмат кўрсатаётган (иш бажараётган) шахслар;
• қонунчиликда белгиланган тартибда бошқа расмий фаолият билан банд бўлганлар.

2. Давлат ижтимоий суғуртаси билан ихтиёрий асосда суғурталанадиган шахслар:

• ўзини ўзи банд қилган шахслар;
• деҳқон хўжалигида банд бўлган шахслар;
• шахсий томорқа ер участкаларида банд бўлган шахсий томорқа ер участкаларининг эгалари ёки уларнинг оила аъзолари;
• давлат органлари ва бошқа ташкилотлар томонидан чет давлатларда ташкил этилган ташкилотларда ишлайдиган Ўзбекистон Республикаси фуқаролари;
• чет элда ёлланиб ишлайдиган Ўзбекистон Республикаси фуқаролари;
• Ўзбекистон Республикаси ҳудудида доимий яшовчи ҳамда Ўзбекистон Республикаси ҳудудида
• даромад келтирадиган фаолиятни амалга оширадиган чет эл фуқаролари ва фуқаролиги бўлмаган шахслар;
• ишламайдиган фуқаролар, улар учун суғурта бадали эри (хотини) томонидан тўланганда;
• юридик шахсларнинг муассислари (иштирокчилари) сифатида даромадлар оладиган фуқаролар;
• якка тартибдаги тадбиркорлар, шу жумладан “Ҳунарманд” уюшмасининг аъзолари бўлган
• ҳунармандчилик фаолияти субъектлари;
• фаолиятни юридик шахс ташкил этмаган ҳолда, оилавий тадбиркорлик шаклида амалга оширадиган оила аъзолари;
• деҳқон хўжалигининг бошлиғи.

Суғурта нафақаси олиш учун минимал стаж талаблари қандай?

• Ҳомиладорлик ва туғиш нафақаси учун камида 10 ой суғурта стажи (охирги 6 ой узлуксиз);
• Вақтинча меҳнатга лаёқатсизлик нафақаси учун камида 6 ой суғурта стажи талаб этилади.

 

Ҳомиладорлик ва туғиш нафақаси ҳамда вақтинча меҳнатга лаёқатсизлик нафақаси учун алоҳида бадал тўланадими?

Йўқ, тўланган суғурта бадали иккаласи учун ҳам инобатга олинади. Яъни сиз битта бадал тўлайсиз ва у бадал сизни ҳам ҳомиладорлик ва туғиш нафақаси, ҳам вақтинча меҳнатга лаёқатсизлик нафақасини олиш ҳуқуқини беради.

Ихтиёрий суғуртада минимал ойлик бадал — 63 550 сўмдан (МҲТЕК нинг 5%) исталганча кўпроқ тўлаш мумкин, юқори чегара белгиланмаган.

1 июндан ихтиёрий ижтимоий суғурта бадалини Барака иловаси орқали тўлашингиз мумкин. Пул тўғридан-тўғри сизнинг Барака ижтимоий картангизга ёки банк картангизга тушади.

Ҳомиладорлик ва туғиш нафақаси ҳамда вақтинча меҳнатга лаёқатсизлик учун тўланадиган ихтиёрий бадал қанча муддат давомида тўлаб борилади?

Суғурта нафақалари фуқароларнинг суғурта стажидан келиб чиқиб тайинланади. Ихтиёрий суғурта бадалини кўроқ ва доимий, узоқ муддат тўлаган фуқарога суғурта стажига мутаносиб равишда нафақа ҳам кўпроқ тайинланади. Шу билан бирга ихтиёрий асосда суғурталанган шахсларга ҳомиладорлик  ва туғиш нафақаси меҳнатга ҳақ тўлашнинг энг кам миқдорининг беш бараваридан ортиқ бўлмаган миқдорда тайинланади.

Агар фуқаро ихтиёрий асосда суғурта тўлаган бўлса, ҳомиладорлик ва туғиш нафақаси учун ҳисобланадиган нафақа миқдори, вақтинча меҳнатга лаёқатсизлик учун тўланадиган нафақадан қандай фарқ қилади?

Ихтиёрий асосда суғурталанган шахслар учун иккала нафақанинг ҳисоблаш методикаси таътил кунлари ва ўртача ойлик иш ҳақидан келиб чиқиб бир хил:

– ҳомиладорлик ва туғиш бўйича нафақа меҳнатга ҳақ тўлашнинг энг кам миқдорининг 5 бараваригача тўланади.

– вақтинча меҳнатга лаёқатсизлик учун нафақа вақтинча меҳнатга лаёқатсизлик варақасида белгиланган ишдан озод этилган кунлардан (таътил кунлари) келиб чиқиб ҳисобланади, бироқ бир календарь йилда 182 кундан ошмайди.

Расмий иш жойига эга бўлмаган қайси тоифалар касал бўлганда нафақа олиши мумкин?

Агар ихтиёрий суғурта бадали ишламайдиган эри (хотини) ва юридик шахсларнинг муассислари (иштирокчилари) сифатида даромадлар оладиган фуқаролар учун тўланганда, улар санаторий ва соғломлаштириш муассасаларида ёки ясама аъзо (протез) қўйдириш учун реабилитация муассасаларида ётганда 2026 йил 1 июлдан уларга ҳам нафақа берилиши мумкин.

Фақат қуйидаги 2 та ҳолатда нафақа олишлари мумкин:

• Шифокор тавсияси билан санаторий ва соғломлаштириш масканларида даволанганида;
• Протез (ясама аъзо) қўйдириш учун махсус реабилитация марказларига ётганда.

 

Ихтиёрий суғурта бадали тўлаган фуқаро касал бўлса, қанча муддат давомида жамағармадан пул олиши мумкин?

Ихтиёрий асосда суғурталанган шахс (иш берувчиси йўқ бўлса), касалликнинг дастлабки 5 куни учун ҳақ тўланмайди — 6-кундан бошлаб нафақа берилади.

Нафақа касал бўлган кунлар давомида тўланади — яъни қанча кунга касаллик варақаси берилса, шунча кун учун (биринчи 5 кунни ҳисобга олмаган ҳолда) суғурта стажидан келиб чиқиб:

 

• Суғурта стажи 6 ойдан 8 йилгача бўлганда → ўртача иш ҳақининг 60%
• Суғурта стажи 8 йилдан ортиқ бўлганда ўртача иш ҳақининг 80% миқдорида тўланади.

Ихтиёрий суғурта бадали тўлаган фуқарога қанча миқдорда нафақа берилади?

 Давлат ижтимоий суғуртаси билан ихтиёрий асосда суғурталанган шахслар учун ихтиёрий тарзда ҳар ойда тўланган суғурта бадалларини ойлик иш ҳақига айлантирган ҳолда ҳисобланади. Бунда ушбу кичик бандга мувофиқ бир ойлик иш ҳақи миқдори 2026 йил 1 январдан бошлаб ҳар ой тўланган суғурта бадали суммасини, уни тўлаш даврида амалда бўлган суғурта бадали ставкасига бўлиш ҳамда олинган натижани 100 фоизга кўпайтириш йўли билан аниқланади.

Мисол: суғурталанган шахс ўзини ўзи банд қилган шахс сифатида ихтиёрий равишда 2026 йил январь учун Жамғармага бир юз эллик минг сўм миқдорда суғурта бадали тўлади. Ушбу фуқарога нафақа ҳисоблашда унинг 2026 йил январь учун 3 000 000 сўм миқдорда иш ҳақи аниқланади:

Бир ойлик иш ҳақи миқдори қуйидаги тартибда аниқланади:

Тўланган суғурта бадали (бир юз эллик минг) ÷ суғурта бадали ставкаси (2026 йил учун суғурта бадали ставкаси — 5 фоиз) × 100%= 3 000 000 сўм.

Аниқланган бир ойлик иш ҳақи миқдори нафақа ҳисобланаётган суғурталанган шахсга ўртача бир ойлик иш ҳақи сифатида инобатга олинади.

Барака иловасини юклаб олиб ва ихтиёрий ижтимоий суғурта учун бадал тўланг. Ўзингизни ижтимоий ҳимояланг.

Иловани юклаб олиш.

Ҳомиладорлик ва туғиш нафақасини олиш тартиби ва тўлов ҳақида бу ерда батафсил танишишингиз мумкин.

Endi kommunal xizmatlar, davlat bojlari yoki o‘quv markazlari uchun alohida ilovalar qidirishga vaqt sarflamang. Baraka mobil ilovasi orqali kundalik ehtiyojlaringizdan tortib, murakkab moliyaviy va yuridik xizmatlargacha bo‘lgan 100 dan ortiq to‘lov turlarini bir necha soniyada amalga oshiring. Barcha muhim xizmatlar endi bitta platformada jamlangan.

Kundalik ehtiyojlar va kommunal xizmatlarga to’lov

Barakada quyidagilarga oson to’lov qiling:

Elektr energiyasi, gaz, suv, issiqlik tizimi va chiqindi xizmatlari.

Mobil aloqa, yuqori tezlikdagi internet va raqamli TV.

Avtomobilingiz uchun yoqilg‘i quyish stansiyalarida (AYQS) tezkor to‘lovlar.

Ta’lim va kelajak sari qadam

Farzandlaringiz va o‘zingizning ta’limingiz uchun bog‘chalar va maktablar, universitet, o‘quv markazlari va kurslarga navbatlarsiz to’lov qiling.

Davlat va yuridik xizmatlar

Rasmiyatchilik endi murakkab emas:

Bojlar, davlat xizmatlari markazlari to‘lovlari va yuridik xizmatlar.

YHXB (GAI) jarimalarini ilovaning o‘zida tekshiring va to‘lang.

Salomatlik, sayohat va sport

Sizning va oilangizning maroqli hordig‘i uchun:

Tibbiy xizmatlar va klinika to‘lovlari.

Aviachiptalar, temir yo‘l chiptalari va sayohat xizmatlari.

Fitnes zallari va sport seksiyalari uchun obunalar.

Moliyaviy va onlayn xizmatlar

Chegarasiz imkoniyatlardan foydalaning:

Sug‘urta, kreditlarni so‘ndirish va boshqa moliyaviy xizmatlar.

Xorijiy xizmatlar, o‘yinlar va ko‘ngilochar onlayn resurslar.

Ezgu ishlarga o‘z hissangizni qo‘shish uchun ishonchli xayriya fondlari.

Nima uchun to‘lovlarni Baraka orqali amalga oshirish kerak?

1. Bog‘cha pulidan tortib, xalqaro xizmatlargacha — hammasi bitta ilovada.
2. QR-kod orqali savdo va xizmat ko‘rsatish nuqtalarida bir zumda hisob-kitob qiling.
3. Har bir sarflangan tiyiningiz hisobi va elektron cheklar doimo qo‘l ostingizda.
4. Davlat standartlari darajasidagi himoya va mablag‘laringiz daxlsizligi.

Baraka — bu qulaylik, tezlik va ishonch demakdir!

Hayotingizni osonlashtirishni bugundan boshlang. Baraka ilovasini yuklab oling va barcha to‘lovlarni bitta tugma orqali boshqaring.

Ijtimoiy tarmoqlarda nogironlik nafaqasi to‘lovlarining kechikishi bilan bog‘liq murojaat yuzasidan quyidagilarni ma’lum qilamiz.

Nafaqa to‘lovlari hamkor bank — Xalq banki tomonidan moliyalashtirilib, belgilangan tartibda Baraka kartalariga o‘tkazib beriladi. Ayrim hollarda texnik jarayonlar sababli qisqa muddatli kechikishlar yuzaga kelishi mumkin.

Hozirgi kunda mazkur murojaat bo‘yicha to‘lov fuqaro kartasiga muvaffaqiyatli tushirilganini ma’lum qilamiz.

Ma’lumot uchun, 2024-yildan boshlab O‘zbekistonda yagona ijtimoiy karta tizimi bosqichma-bosqich joriy etilmoqda. Ushbu tizim doirasida barcha ijtimoiy to‘lovlar va nafaqalar ijtimoiy kartalar orqali amalga oshiriladi. Nafaqaxo‘rlar uchun kartalarni chiqarish va yetkazib berish Xalq banki, talaba va o‘quvchilar uchun esa Aloqabank tomonidan ta’minlanadi.

Baraka kartasi jamoasi sifatida barcha ijtimoiy to‘lovlarning o‘z vaqtida va qulay yetkazilishini muhim deb bilamiz hamda bu borada hamkor tashkilotlar bilan doimiy aloqadamiz.

E’lon

Hurmatli foydalanuvchilar, Baraka mobil ilovasida balans ko‘rinishi bilan bog‘liq yuzaga kelgan vaqtinchalik texnik nosozlik to‘liq bartaraf etildi. 

Hozirda ilova odatdagidek ishlamoqda va balanslaringiz to‘g‘ri ko‘rinishda aks etmoqda. Agar ilovangizda balans hali yangilanmagan bo‘lsa, ilovani qayta ochish yoki yangilashni tavsiya qilamiz.

Barcha mablag‘laringiz doimo xavfsiz saqlanadi.

Hurmatli foydalanuvchilar, ayni paytda Baraka mobil ilovasida ayrim foydalanuvchilarning balansida noto‘g‘ri summa yoki nol balans ko‘rinishi holatlari kuzatilmoqda. Xavotir olmang, bu kartangizda mablag‘ yo‘q degani emas. Kartangizda mablag’ bor va undan bankomat yoki savdo shahobchalarida foydalana olasiz. 

Ushbu nosozlik vaqtinchalik texnik sabablar tufayli yuzaga kelayotganini ma’lum qilamiz. Barcha mablag‘laringiz to‘liq xavfsiz saqlanmoqda.

Hozirda holatni bartaraf etish bo’yicha ishlayapmiz. 1-2 kunda jarayon yakunlangach, balansingiz to‘g‘ri ko‘rinishda avtomatik ravishda tiklanadi.

Foydalanuvchilarga tavsiyalar

• Kartangizdagi mablag‘ni xavotirlanmasdan ishlating — u bankomat va savdo nuqtalarida faol.

• Ilovadagi balans vaqtincha noto‘g‘ri ko‘rinayotgan bo‘lsa ham, mablag‘laringiz xavfsiz.

• Agar nosozlik davom etadigan bo‘lsa yoki boshqa savollar yuzaga kelsa, iltimos, Baraka qo‘llab-quvvatlash xizmatiga murojaat qiling.

Biz foydalanuvchilarimizga bizni tushunishgani va sabr uchun minnatdorchilik bildiramiz. Har bir mablag‘ingiz xavfsizligi biz uchun muhim ahamiyatga ega, va biz barcha nosozliklarni tezkorlik bilan bartaraf etishga harakat qilamiz.

Ijtimoiy ID bu –  sizning ijtimoiy xizmatlar tizimidagi yagona raqamli identifikatoringiz.

U orqali davlat axborot tizimlarida shaxsingiz aniqlanadi va sizga tegishli ijtimoiy xizmatlar, to‘lovlar va imtiyozlar boshqariladi. Sodda qilib aytganda, Ijtimoiy ID – ijtimoiy xizmatlar uchun yaratilgan shaxsiy raqamli profilingiz.

Baraka ilovasidagi Ijtimoiy ID qanday vazifani bajaradi?

Ilovadagi barcha ijtimoiy ma’lumotlaringiz aynan shu ID orqali boshqariladi. 

Foydalanuvchini tizimda aniq identifikatsiya qiladi
Ijtimoiy ID orqali tizim sizni avtomatik ravishda tanib oladi. Bu jarayonda qo‘shimcha hujjat yoki ma’lumot kiritish talab qilinmaydi. 

Mavjud ijtimoiy to‘lov va imtiyozlarni ko‘rsatadi
Siz qaysi nafaqa, xizmat yoki boshqa ijtimoiy yordam turiga ega ekaningiz Ijtimoiy ID asosida tizimda aks etadi. Bu ma’lumotlar yagona profilga bog‘langan bo‘ladi.

Ijtimoiy xizmatlardan tez va qulay foydalanish imkonini beradi
Ijtimoiy ID barcha xizmatlarni yagona tizimga biriktiradi. Natijada ortiqcha qog‘ozbozliksiz, navbat kutmasdan va ma’lumotlarni qayta-qayta taqdim etmasdan xizmat olish mumkin bo‘ladi.

To‘lovlarni kuzatish va boshqarishni soddalashtiradi
Ilova orqali sizga tayinlangan ijtimoiy to‘lovlarni ko‘rish, ularning tushum sanasini kuzatish va holatini nazorat qilish imkoniyati yaratiladi.

Ijtimoiy ID qayerlarda qo‘llaniladi?

Ijtimoiy ID turli davlat va moliyaviy tizimlarda fuqaroning shaxsini aniqlash hamda unga tegishli ijtimoiy xizmatlarni boshqarish uchun qo‘llaniladi. 

 Ijtimoiy himoya organlarida
Fuqaroga tegishli ijtimoiy yordam turlari, imtiyozlar va ro‘yxatga olish jarayonlari Ijtimoiy ID orqali aniqlanadi. Bu ma’lumotlarni tez topish va tekshirish imkonini beradi.

Nafaqa va subsidiyalarni rasmiylashtirishda
Pensiya, bolalar nafaqasi, moddiy yordam yoki subsidiya ajratishda fuqaroning huquqi va maqomi Ijtimoiy ID asosida tekshiriladi. Bu jarayonni soddalashtiradi va xatoliklar ehtimolini kamaytiradi.

Bank jarayonlarida (ijtimoiy karta bilan bog‘liq operatsiyalarda)
Ijtimoiy to‘lovlar tushadigan karta bilan bog‘liq masalalarda shaxsni tezkor identifikatsiya qilish Ijtimoiy ID orqali amalga oshiriladi. Natijada bank xizmatlari tezroq ko‘rsatiladi.

Raqamli davlat xizmatlari tizimlarida
Onlayn platformalar orqali ariza topshirish, ma’lumotlarni tekshirish yoki ijtimoiy xizmatlarga murojaat qilishda Ijtimoiy ID yagona identifikator sifatida ishlaydi.

Ijtimoiy ID fuqaroga qanday afzallik beradi?

Ijtimoiy ID fuqaro uchun ijtimoiy xizmatlardan foydalanish jarayonini ancha soddalashtiradi va tezlashtiradi. Ya’ni Ijtimoiy ID orqali tizim shaxsni avtomatik aniqlaydi. Ko‘plab holatlarda qo‘shimcha hujjat taqdim etish yoki ma’lumotlarni qayta kiritish talab qilinmaydi. Bu vaqtni tejaydi.

Ma’lumotlar yagona tizimda saqlangani sababli turli tashkilotlarga bir xil hujjatlarni bir necha bor topshirish zarurati kamayadi. 

Fuqaro o‘ziga tayinlangan nafaqa, subsidiya yoki boshqa ijtimoiy to‘lovlar haqida aniq ma’lumotga ega bo‘ladi. Qaysi to‘lov qachon va qanday miqdorda ajratilgani ochiq ko‘rinadi.

Ijtimoiy ID barcha ijtimoiy xizmatlarni yagona profilga bog‘laydi. Natijada xizmat olish jarayoni tezlashadi va navbatlar kamayadi.

Fuqaroning ijtimoiy ma’lumotlari turli bazalarda tarqoq holda emas, balki yagona tizimda jamlanadi. Bu ma’lumotlarning aniqligi va dolzarbligini ta’minlaydi.

Baraka kartasi orqasidagi QR-kod nima?

Baraka ijtimoiy kartasi orqasidagi QR-kod — bu Ijtimoiy ID bilan bog‘langan identifikatsiya kodi.

QR-kod skaner qilinganda:

• Foydalanuvchining yagona ijtimoiy profili tizimda avtomatik aniqlanadi
• Tegishli xizmat yoki to‘lov ma’lumotlari tezkor ochiladi

Muhim: ushbu QR-kod to‘lov uchun mo‘ljallanmagan. U faqat identifikatsiya maqsadida ishlatiladi.

Ijtmoiy QR koddan qayerlarda foydalanish mumkin?

Baraka kartasidagi ijtimoiy QR-kod quyidagi joylarda va holatlarda ishlatiladi:

1. Ijtimoiy xizmat ko‘rsatish markazlarida

QR-kod skaner qilinadi va tizim sizning profilingizni aniqlaydi, shunda xodimlar sizga tegishli xizmatlarni tezroq taqdim etadi.

1. Vakolatli davlat xodimlari tomonidan

Faqat ruxsatli xodimlar QR-kodni ishlatadi, odatiy foydalanuvchi bu kodni to‘lov yoki boshqa shaxsiy maqsadlarda ishlata olmaydi.

1. Bank jarayonlarida (karta bilan bog‘liq masalalarda)

Ijtimoiy karta bilan bog‘liq xizmatlar, nafaqa yoki subsidiyalarni olishda QR-kod orqali tez identifikatsiya qilinadi.

1. Ijtimoiy xizmatlarni tekshirishda

Xizmat sifatini nazorat qilish yoki foydalanuvchining ma’lumotlarini tekshirishda QR-kod ishlatiladi.

Muhim: QR-kod ochiq to‘lov QR’i emas, u faqat maxsus tizim orqali vakolatli xodimlar tomonidan identifikatsiya maqsadida ishlatiladi.

 

Endi dekret pullari Baraka ijtimoiy kartangizga tushirib beriladi

Oldin homiladorlik va tug‘ish nafaqasi(dekret puli) faqat budjet tashkilotlarida ishlovchi ayollarga davlat tomonidan to’lanar edi. Hozir bu imkoniyatdan xususiy sektorda ishlaydigan ayollar ham foydalana oladi.

2026-yil 1-yanvardan kiritilgan o’zgartirishlar

Ilgari dekret pullarini korxona (ish beruvchi) hisoblab, o‘z yonidan to‘lar edi. Bu esa ko‘pincha tadbirkorlar uchun ortiqcha yuk yoki ayollarni ishga olishda to‘siq bo‘lib kelayotgan edi.

Bu tizim 2026 yildan boshlab quyidagi hujjatlar bilan tartibga solinmoqda:

• Mehnat kodeksi (404-modda);
• «Davlat ijtimoiy sug‘urtasi to‘g‘risida»gi Qonun;
• Vazirlar Mahkamasining 796-sonli qarori.

Kimlar nafaqa olish huqiqiga ega?

Quyidagi ayollar kamida 10 oy sug‘urta stajiga ega bo‘lgan taqdirda, dekret puli to’lanadi: 

* rasmiy mehnat shartnomasi asosida ishlovchi ayollar;

* fuqarolik-huquqiy shartnoma asosida ishlovchi ayollar;

* ixtiyoriy ravishda davlat ijtimoiy sug‘urtasi badallarini to‘lab kelayotgan ayollar.

Dekret pulingizni olish osonlashdi

Dekret pulini olish uchun murojaat qilish juda oddiy. Homiladorlik davrida ayol o’zi ro’yxatda turgan poliklinikaga boradi. Shifokor ko’rigidan so’ng, Sog’liqni saqlash vazirligining elektron tizimida “mehnatga layoqatsizlik varaqasi” (bolnichniy) ochiladi. Bunda hech qanday qog’oz varaqcha berilmaydi, hammasi raqamli bo’ladi.

Dekret puli qanday hisoblanadi?

Ijtimoiy sug‘urta jamg‘armasi tizimi ayolning ish stajini tekshiradi va tegishli foizni aniqlab, avtomatik nafaqa miqdorini hisoblaydi. Buning uchun ayoldan hech qanday ariza talab etilmaydi. Nafaqa miqdori ayolning necha oy yoki yil sug‘urta stajiga (ish stajiga) ega ekanligiga qarab hisoblanadi. Agentlik tizimi ayolning ish stajini tekshiradi va tegishli foizni (75%, 85% yoki 100%) qo’llab, nafaqa miqdorini hisoblaydi. Buning uchun ayoldan hech qanday ariza talab etilmaydi.

Nafaqa miqdori ayolning necha oy yoki yil sug‘urta stajiga (ish stajiga) ega ekanligiga qarab hisoblanadi. Sug‘urta stajiga ko’ra, nafaqa miqdori quyidagicha to’lanadi:

10 oydan 24 oygacha — 75 %

25 oydan 60 oygacha — 85 %

61 oydan ortiq — 100 %.

Dekret puli qaysi kartaga tushiriladi? 

Hisoblangan mablag‘ ayolning Baraka kartasiga avtomatik tushirib beriladi.

Baraka kartasi bo‘lmasa ayolning mavjud plastik (HUMO, UZKARD) kartasiga tushiriladi.

Baraka kartasi bo‘lmagan hollarda, fuqaroga avtomatik ravishda virtual Baraka kartasi ochilishi va pul shunga o‘tkazilishi ham mumkin. Bu haqida ayolga sms xabarnoma boradi. Ayol faqat Baraka ilovasini yuklab olib, ro‘yxatdan o‘tishi kifoya.

Ma’lumot uchun, homiladorlik va tug‘ish nafaqasi — ayollarga 126 kun( tug‘ish qiyin kechgan yoki 2 va undan ortiq bola tug‘ilgan hollarda esa 140 kun)  — tug‘ruqqacha (odatda 70 kun) va  tug‘ruqdan keyingi tiklanish vaqti (odatda 56 kun) uchun beriladigan pul, ya’ni dekret puli. U  yaxlit hisoblanib, bittada to‘lab beriladi.

 

O‘zbekistonda 2023-yilda Ijtimoiy himoya milliy agentligi tashkil qilindi. Agentlik ish boshlaganidan beri “Inson qadri uchun” tamoyili bo‘yicha ish yuritadi. Buning bir misoli Baraka kartasida ko‘rinadi. Loyiha “Inson qadri uchun” g‘oyasiga qaday xizmat qila oladi?

Baraka kartasi asosida O‘zbekiston Respublikasi Prezidentining “Aholini ijtimoiy qo‘llab-quvvatlashning yagona raqamli tizimini joriy etish chora-tadbirlari to‘g‘risida”gi va Vazirlar Mahkamasining “Ijtimoiy karta axborot tizimini joriy etish va uning faoliyatini tashkil etish chora-tadbirlari to‘g‘risida”gi qarorlari yotadi.
Bu huquqiy hujjatlar fuqarolarning ijtimoiy xizmatlardan ortiqcha harakat va xarajatlarsiz oson foydalanishlari uchun imkoniyat yaratdi. Bu yo‘lda Baraka loyihasi asosiy dastaklardan biriga aylandi.

“Inson qadri uchun” g‘oyasi amalda nimani anglatadi?
Ancha vaqtdan beri o‘zbekistonliklar o‘zlariga kerakli hujjatlarni olish uchun bir nechta idoralarga borishga majbur bo’lib kelishardi. Bu uzoq navbatlar va kutishlarsiz hal bo‘lmasdi. Bu jarayonda fuqarolar nafaqat vaqt yo‘qotishlari, balki asabiylashish va qo‘shimcha xarajatga ham duch kelishardi. Endi esa Baraka loyihasi orqali bu jarayonlar raqamlashtirilib, fuqarolarga qulay tizim yaratilyapti. Bu tizim – oddiy, shaffof va insonni qadrlaydigan.
“Inson qadri uchun” degani har bir insonning vaqti, sha’ni va ishonchini qadrlash demakdir. Bu davlat fuqarolarga bir tomonlama yordam jo‘natadigan emas, balki fuqarolarning o‘zi ham o‘z huquqlaridan foydalanishda faol ishtirokchiga aylanishidir.

Baraka — fuqarolar va davlat tizimlari o‘rtasidagi ko‘prik
Baraka — fuqarolarni davlat tizimlari bilan uzviy bog‘laydigan ko‘prik vazifasini bajaradi. Loyiha doirasida ijtimoiy karta, Baraka mobil ilovasi va yagona davlat tizimi ishga tushadi.
Baraka kartasi bu – Visa kartasi, bank kartasi, transport kartasi, talabalar guvohnomasi, nafaqa guvohnomasi, mehnat varaqasi va boshqa hujjatlar vazifasini bajaradi. Ya’ni u fuqarolarning davlat xizmatlariga kirishdagi raqamli kaliti hisoblanadi.

Baraka mobil ilovasi orqali fuqarolar o‘z nafaqalari yoki ijtimoiy yordamlarini ro‘yxatdan o‘tkazishi, kuzatishi va foydalanishi mumkin. Ilova yordamida to‘lovlar va P2P o‘tkazmalarni amalga oshirish, muhim hujjatlardan foydalanish va yuklab olish mumkin.
Yagona davlat tizimi – Ijtimoiy xizmatlar, banklar va xizmat ko‘rsatuvchi tashkilotlarni xavfsiz tarzda bog‘lab, ijtimoiy to‘lovlarni shaffof va adolatli tarqatilishini ta’minlaydi. Bu uch qism birgalikda Barakani oddiy moliyaviy mahsulot emas, balki fuqaro markazida bo‘lgan raqamli tizimga aylantiradi.
(Batafsil bu yerda o‘qishingiz mumkin)
Baraka’ning asosiy tamoyillari
Baraka kartasi tezlik, aniqlik, hamma uchun kirish imkoniyati borligi va xavfsizlik mezonlariga asoslandi.
Tezlik — yordamlar odatdagidan tezroq yetkaziladi.

Aniqlik — fuqarolar o‘z huquqlari va xizmatlar haqida aniq ma’lumot oladi.

Kirish imkoniyati — barcha fuqarolar, xorijiy rezidentlar va fuqaroligi bo‘lmagan shaxslar ham Baraka’dan foydalana oladi.

Xavfsizlik — mablag’laringiz firibgarlardan himoya qilinadi va xarajatlaringizni nazorat qila olasiz.

Fuqarolar Baraka’ga ishonadi, chunki…
Baraka — davlat tomonidan yaratilgan tizim bo‘lib, uning yagona maqsadi — yordamni odamlarga to‘g‘ridan-to‘g‘ri va shaffof tarzda yetkazishdir. Bu tizim fuqarolardan byurokratiyaga moslashishni talab qilmaydi, aksincha u fuqarolarning ehtiyojlariga moslashadi. Shu sababli Baraka shunchaki texnologiya emas. U O‘zbekistonning adolat va inklyuzivlikni muhim hisoblashini anglatadi. U ijtimoiy himoyaning zamonaviy, insoniy va hurmatli shaklda amalga oshishini ta’minlaydi.

Барака картаси ёрдамида энди сиз ижтимоий хизматлардан тез, шаффоф ва қоғозларсиз фойдаланишингиз мумкин. Ижтимоий карта қуйидаги вазифаларни бажаради:
банк картаси;
транспорт картаси, шу жумладан, имтиёзли транспорт картаси;
давлат ижтимоий ҳимоя ёрдамларини олиш ҳуқуқини тасдиқловчи ҳужжат;
ижтимоий ҳимояга муҳтож аҳоли тоифасига ёки гуруҳига мансублигини тасдиқловчи ҳужжат;
товарлар (ишлар, хизматлар), дори воситалари ва тиббий хизматлар учун қўшилган қиймат солиғи суммасини белгиланган тартибда қайтариш банк картаси;
протез-ортопедия мосламалари ва реабилитация қилишнинг техник воситаларини харид қилиш учун ваучер ёки ижтимоий тўловлар ҳисобидан қонунчилик ҳужжатларида белгиланган бошқа товарлар (ишлар, хизматлар);
Шунингдек, карта қуйидагилар учун ҳисоб воситаси вазифасини бажаради:
тадбиркорлик субъектлари томонидан тақдим этилган чегирмалар, бонуслар ва бошқа содиқлик дастурлари бўйича;
кириш чиптаси операциялари тизими асосида имтиёзли, бепул ёки қисман ҳақ тўлаш асосида тартибга солинадиган давлат ижтимоий объектларига, консертлар, кўнгилочар томошалар ва бошқа тадбирларга бориш ҳуқуқини тасдиқлаш:
ижтимоий ҳимоя муассасаларига кириш ва чиқиш бўйича.
Ижтимоий карта қонунчилик ҳужжатларида назарда тутилган бошқа функцияларни ҳам бажариши мумкин.