FAQ
Ijtimoiy karta qancha muddatga beriladi?
Ijtimoiy karta 5 yil muddatga beriladi. Chet el fuqarolari va fuqaroligi bo‘lmagan shaxslarga bu guvohnoma ularning shaxsini tasdiqlovchi hujjat yoki milliy pasportining amal qilish muddatidan oshmaydigan muddatga beriladi.
Karta muddati tugaganda nima qilish kerak?
Kartani almashtirish uchun «Inson» markaziga, bank filialiga yoki mobil ilova orqali murojaat qilish mumkin.
Eski karta qayta chiqarilganda, mablag‘lar yangi kartaga o‘tkaziladimi?
Ha, eski kartadagi mablag‘lar va barcha ma’lumotlar yangi Ijtimoiy kartaga o‘tkaziladi. Biroq, kartaning 16 xonali raqami va amal qilish muddati o‘zgaradi.
Yangi Ijtimoiy kartani olish yoki joriy kartaning amal qilish muddati tugashidan oldin ariza topshirish mumkinmi?
Ha, siz joriy Ijtimoiy kartaning amal qilish muddati tugaguniga qadar yangi Ijtimoiy kartani olish uchun ariza topshirishingiz mumkin.