Vaucher summası kiyim bahasınan kem bolsa-she?

Eger tańlanǵan kiyim vaucher summasınan qımbat bolsa, járdem alıwshı ortadaǵı ayırmashılıqtı óz esabınan tólewi kerek (40-bánt).

Satıp alıw qanday juwmaqlanadı?

Kiyimler jetkerip berilgennen soń, járdem alıwshı óz telefonına kelgen SMS-tastıyıqlaw kodın satıwshıǵa málim etiwi arqalı satıp alıw sistemada tastıyıqlanadı (37-bánt).

Kiyimler úyge jetkerip berile me?

Awa. Satıwshı (isbilermen) buyırtpa etilgen kiyim-kensheklerdi 3 kún ishinde járdem alıwshınıń úyine shekem jetkerip beriwge juwapker (37, 45-bántler).

Kiyimlerdi qay jerden hám qalay tańlaw múmkin?

"Sociallıq qorǵaw" MSda avtorizaciyadan ótken satıwshılardan (isbilermenlerden) elektron sawda platforması arqalı óz qálewine bola tańlanadı (6, 37-bántler).

Kimler bul vaucherdi alıw huqıqına iye?

Awır sociallıq jaǵdaydaǵı, kiyimge mútájligi sociallıq xızmetker tárepinen ótkerilgen keys-menedjment nátiyjesinde tastıyıqlanǵan shaxslar hám shańaraqlar (4-5-bántler).

Kiyim-kenshek vaucheri (vaucher) degenimiz ne?

Bul kiyim-kenshek hám basqa da eń zárúr tovarlardı mámleket tárepinen qaplap beriletuǵın qarjılar esabınan satıp alıw imkaniyatın beretuǵın, QR-kodlı elektron hújjet bolıp tabıladı (3-bánt).

Kiyim-kenshek ushın vaucherdi rásmiylestiriw múddeti qansha?

Múrájat kelip túsken kúnnen baslap sociallıq xızmetker tárepinen úyreniw hám "Máhálle jetiligi" qararı qabıl etiliwi 10 jumıs kúni ishinde ámelge asırıladı.