Barakanıń “Sociallıq qorǵaw siyasatı haqqında” betine xosh keldińiz. Bul jerde siz sociallıq napaqalar hám járdem baǵdarlamalarımız haqqında tolıq maǵlıwmat alasız. Maqsetimiz sizge bar hár qıylı qollap-quwatlaw imkaniyatları, muwapıqlıq talapları hám hár bir jeńillik ushın qanday arza tapsırıw haqqında túsinik beriwdi ańsatlastırıw bolıp tabıladı. Biz usı áhmietli sociallıq qorǵaw siyasatı haqqında sizge anıq hám túsinikli maǵlıwmatlar beriwge umtılamız.
Basqalardıń kútimine mútáj mayıplıǵı bolǵan 18 jasqa shekemgi balalardıń kútimi menen bánt bolǵan nızamlı wákiline napaqa
745 000 sum
PF-108, 12.08.2024 y.
VMQ-119, 23.03.2023 y.
“Birden-bir milliy sociallıq qorǵaw” málimleme sisteması
| Napaqa kimlerge tayınlanadı? Basqalardıń kútimine mútáj mayıplıǵı bolǵan 18 jasqa shekemgi balalardıń kútimi menen bánt bolǵan nızamlı wákiline. Basqalardıń kútimine mútáj bolǵan 18 jasqa shekemgi balalardıń kesellikleri dizimi Ózbekstan Respublikası Prezidentiniń Pármanı menen tastıyıqlanǵan. |
| Qay jerge múrájat etiledi? Napaqa puqaralardıń múrájatısız “proaktiv túrde” tayınlanadı hám tólenedi. |
| Sorawnamanı kim kórip shıǵadı hám qarar qalay qabıl etiledi? Sorawnama sanlastırılǵan túrde “Birden-bir milliy sociallıq qorǵaw” málimleme sisteması arqalı kórip shıǵıladı. Úyreniw ótkerilgennen soń napaqa tayınlaw yamasa tayınlawdı biykarlaw haqqında qarar qabıl etiledi hám bul haqqındaǵı maǵlıwmat shaxstıń mobil telefon nomerine SMS tárizinde jiberiledi. |
| Qanday jaǵdaylarda napaqa tayınlaw biykar etiledi? – Ózbekstan Respublikası Ádillik ministrligi tárepinen nızamlı wákildiń ózgelerdiń kútimine mútáj mayıplıǵı bolǵan 18 jasqa shekemgi bala menen tuwısqanlıq qatnasıqları haqqında maǵlıwmatlar anıqlanbaǵanlıǵı haqqında maǵlıwmat berilgende; – nızamlı wákildiń ózgelerdiń kútimine mútáj mayıplıǵı bolǵan 18 jasqa shekemgi balanıń qayırqomı yamasa qáwenderi ekenligi haqqındaǵı maǵlıwmatlar anıqlanbaǵanda; – tastıyıqlanǵan kesellikler dizimine kirmegen bolsa. |
| Napaqa tólemleri qashan hám qay jerde ámelge asırıladı? Napaqalar napaqa alıwshınıń qálewine bola napaqa naq túrinde yamasa puqaralardıń depozit esap betlerine (plastik kartasına) pul ótkeriw jolı menen AT “Xalıq banki” bólimi (filialı) tárepinen tólenedi. Banktiń juwapker xızmetkerleri naq túrdegi tólemlerdi máhállelerge jetkergen halda hár ayda tólep baradı. |