Baraka иловасининг кенг имкониятлари билан танишинг!

Биз Baraka иловасини яна ҳам қулай ва осон фойдаланишингиз мумкин бўлган картага айлантириб боряпмиз. Ҳозирда Baraka иловаси сизга бир неча хил қулайликларни тақдим этади. Келинг, улар билан бирма-бир танишамиз.

Илованинг асосий имкониятларидан бири картадан-картага маблағларни (P2P ўтказмалар) тез, қулай ва хавфсиз ўтказа олиш имкониятининг мавжудлигида. Яъни сиз танишларингиз ёки яқинларингизга Baraka иловаси ортқали пул ўтказиб, унинг хавфсиз етиб боришидан хотиржам бўлаверишингиз мумкин.

Кундалик тўловларингиз масалан, коммунал хизматлар, турли жарималар, интернет ва ТВ, давлат хизматлари каби 100 дан ортиқ хизматлар учун тўловларни ҳам Baraka иловаси оқрали осон бажара оласиз.

Илованинг яна бир муҳим афзалликларидан бири 17 турдаги электрон ҳужжатингиз (паспорт, диплом ва бошқалар)нинг электрон шакли Baraka иловасида акс этганида. Бу орқали сиз исталган вақтингизда шахсий ҳужжатларингизни тезда юклаб оласиз.

Яна бир кўпчилигимизни ўйлантирадиган масала бор: Baraka ижтимоий пластик картам кодини қандай ўзгартирсам экана, деган. Буни, яъни картанингизнинг PIN кодини ҳам илова орқали ўзгартира оласиз. Бу бўйича йўриқномамиз билан бу ерда батафсил танишинг.

Бундан ташқари, иловага кириб Baraka картангизни музлатиш ва картангиз тафсилотларини  ҳам кўришингиз  мумкин. Ўзингизнинг ижтимоий ҳолатингизни (қандай ижтимоий хизмат ёки нафақа эгаси эканингизни) акс эттирувчи QR коддан фойдалана оласиз.

Илова ичидаги алоқа маркази тугмаси орқали дарҳол алоқа маркази операторлари билан боғлана оласиз. Шунингек, иловадаги кўп сўраладиган саволлар бўлимида ҳам саволларингизга жавоб олишингиз мумкин.

Иловага кириб, шунингдек, ўтказма, тўловлар тарихингизни кузатиш ва  назорат қилишингиз мумкин. Бу маблағларингизни хавфсиз ва ишончли сақлашда энг асосий ёрдамчи саналади.