siyasatı hám járdem baǵdarlamaları haqqında

Sociallıq beyimlesiwge járdemlesiw ushın isbilermenlik, arxitektura, ónermenchilik sıyaqlı baǵdarlardaǵı joybarların ámelge asırıwdı qarjılandırıw maqsetinde erkinen ayırıw jazasın ótep bolǵan puqaralarǵa.

Paket alıw nietinde bolǵan shaxslar jazanı ótep bolǵannan keyin úsh ay múddette óz qálewine kóre Ishki isler uyımları probaciya xızmetine arza usınadı.

Arzaǵa isbilermenlik, arxitektura yamasa ónermenchilik sıyaqlı baǵdarlardaǵı anıq joybar, járdem pulın alıw baǵdarı, qaysı maqsetlerde jumsalıwı hám joybar nátiyjesi boyınsha kútilip atırǵan boljaw dáramat haqqında maǵlıwmat qosımsha etiledi.

Ishki isler uyımları probaciya xızmeti 3 jumıs kúni dawamında arzanı erkinen ayırıw jazasın ótep bolǵan puqaralardıń sociallıq beyimlesiwine járdemlesiw boyınsha “dáslepki sociallıq-materiallıq járdem paketi”n beriw máselesin kórip shıǵatuǵın uyımlararalıq turaqlı komissiyaǵa kirgizedi. Uyımlararalıq komissiyaǵa rayon (qala) hákimi basshılıq etedi.

Sonday-aq, probaciya xızmeti Uyımlararalıq komissiya baslıǵı tárepinen joybardı qarjılandırıw boyınsha juwmaq tastıyıqlanǵannan soń “Sociallıq qorǵawdıń birden-bir reestri” málimleme sistemasına tiyisli maǵlıwmatlardı kirgizedi.

Arza Uyımlararalıq komissiya tárepinen úyrenip shıǵıladı. Joybardı qarjılandırıw maqsetke muwapıq yamasa muwapıq emes ekenligi boyınsha juwmaqtı tayarlaw tómendegi normalarǵa tiykarlanadı:
1) baslamaqshi bolgan isbilermenlik, arxitektura yaki ónermenchilik xizmetiniń nátiyjeliligi hám dáramatlı ekenligi;
2) máhálle puqaralar jıyınınıń unamlı usınısı;
3) kem támiyinlengen yamasa jalģızlıǵı;
4) qaramaǵında mayıplıǵı bolǵan yamasa erjetpegen perzenti bar ekenligi;
5) kóp (4 hám onnan artıq) perzenti barlıǵı hám materiallıq járdemge mútájligi;
6) turaq jay emes jaylarda jasap atırǵanlıǵı.

Uyımlararalıq komissiya járdem alıwshılardıń joybarın qarjılandırıw maqsetke muwapıq emesligi boyınsha juwmaqqa kelgende, járdem alıwshılarǵa usınılǵan joybardı jetilistiriw yamasa jańa joybar usınıw boyınsha usınıslar beredi.

Kómek alıwshılar úsh ay múddette Uyımlararalıq komissiyanıń usınısları tiykarında dáslepki usınılǵan joybardı jetilistirip yamasa jańa joybardı usınıwı múmkin.

Paket tayınlanǵanı haqqında járdem alıwshınıń mobil telefon nomerine xabar jiberiledi. AT “Xalıq banki” bólimi (filialı) tárepinen paket tólemi aydıń 4-sánesinen 27-sánesine shekem ámelge asırıladı.