Sociallıq qorǵaw

siyasatı hám járdem baǵdarlamaları haqqında

Barakanıń “Sociallıq qorǵaw siyasatı haqqında” betine xosh keldińiz. Bul jerde siz sociallıq napaqalar hám járdem baǵdarlamalarımız haqqında tolıq maǵlıwmat alasız. Maqsetimiz sizge bar hár qıylı qollap-quwatlaw imkaniyatları, muwapıqlıq talapları hám hár bir jeńillik ushın qanday arza tapsırıw haqqında túsinik beriwdi ańsatlastırıw bolıp tabıladı. Biz usı áhmietli sociallıq qorǵaw siyasatı haqqında sizge anıq hám túsinikli maǵlıwmatlar beriwge umtılamız.

Sociallıq napaqalar

Shańaraqlar

Kem támiyinlengen shańaraqlarǵa materiallıq járdem

Select category

Tólem summası

380 000 sum

Tastıyıqlawshı hújjet

PF-6277, 11.08.2021 j.
VMQ-654, 21.10.2021 j.

Tólem múddeti

6 ay dawamında hár ay

Qanday murajaat etiw kerek?

“Sociallıq qorǵawdıń birden-bir reestri” málimleme sisteması

Qay jerge múrájat qılınadı?
Balalar napaqası yamasa materiallıq járdem tayınlaw ushın:
puqaralardıń ózin-ózi basqarıw uyımı (MFY);
“Inson” sociallıq xızmetler orayları Birden-bir interaktiv mámleketlik xızmetler portalı (my.gov.uz);
mámleketlik xızmetler orayına múrájat etiledi;
Arzalar neshinshi sánege shekem qabıl etiledi?
Arzalar tólemdi alıwdı qálegen aydan aldınǵı aydıń 16-sánesine shekem usınıladı.
Onda joqarıda kórsetip ótilgen múddetten keyin berilgen arzalar belgilengen tártipte keyingi ayda kórip shıǵıladı.
“Inson” sociallıq xızmetler oraylarınıń juwapker xızmetkerleri tárepinen neler islenedi?
Arza hám usınılǵan hújjetler “Inson” sociallıq xızmetler oraylarınıń juwapker xızmetkerleri tárepinen hár kúni, biraq arza berilgen aydıń 26-sánesine shekem “Sociallıq qorǵawdıń birden-bir reestri” málimleme sistemasına kirgiziledi.
Arzanı kim kórip shıǵadı hám qarar qalay qabıl etiledi?

Shańaraqtı kem támiyinlengen dep tán alıw jáne olarǵa balalar napaqası hám materiallıq járdemdi tayınlaw hám tólew haqqındaǵı qararlar “Sociallıq qorǵawdıń birden-bir reestri” málimleme sistemasında avtomatikalıq túrde qáliplestiriledi hám qabıl etiledi.
Arza beriwshige balalar napaqası yamasa materiallıq járdem tayınlaw haqqında yamasa biykar etilgen jaǵdayda biykarlaw sebepleri kórsetilgen elektron xabar arzada kórsetilgen mobil telefon nomerine SMS kórinisinde jiberiledi.
Shańaraqtıń materiallıq hám múlklik jaǵdayı tólemler ámelge asırılıwı dáwirinde avtomatikalıq tárizde hár ayda tekserip barıladı.
Qanday jaǵdaylarda balalar napaqası yamasa materiallıq járdem tayınlaw biykar etiledi?

  1.  Arza beriwshi shańaraǵınıń hár bir aǵzasına tuwra keletuǵın bir aylıq ortasha jámi dáramat minimal isletiw qárejetleri (669 000 sum) muǵdarınan kóp bolǵanda;
  2.  jámi birden artıq kóshpes múlk yamasa bir hám onnan artıq turaq jay emes imaratlar bar bolganda;
  3.  islep shiǵarılıw múddeti 12 jildan aspaǵan (shańaraq aǵzası I yaki II topar hám 18 jasqa shekem balalıqtan mayıp bolsa 7) jeńil avtotransport quralı bolganda;
  4.  islep shiģarılıwı 15 jildan aspaģan basqa túrdegi avtotransport quralı hám texnikası bolganda;
  5.  jámi 2 hám onnan artıq avtotransport quralları bolǵanda;
  6.  shańaraqtıń kommerciyalıq banklerdegi depozit esap betlerindegi qarjıları yamasa bahalı qaǵazlarınıń bazar bahası miynetke haqı tólew eń kem muǵdarınıń 5 esesi (5,8 mln. sum) hám onnan artıq muǵdarda bolǵanda;
  7.  rásmiy dáramat dereklerine ie bolmaǵan hám aqırǵı 6 ay dawamında jumıs izlep kámbaǵallıqtı qısqartıw hám bántlikke kómeklesiw uyımlarına múrájat etpegen aǵzası bar bolǵanda;
  8.  jumıssızlıq napaqasın alıp atırǵan aǵzaları bar bolǵanda;
  9.  nizamǵa tiykar basqa jaǵdaylar.
Napaqa tólemleri qashan hám qay jerde ámelge asırıladı?
AT Xalıq banki bólimi (filialı) tárepinen balalar napaqası yamasa materiallıq járdem tólemi aydıń 4-sánesinen 27-sánesine shekem ámelge asırıladı. Tólem vedomostları AT Xalıq bankiniń rayon (qala) lıq bólimine usınılǵanda arza beriwshi SMS arqalı xabardar etiledi.
Onlayn arza qaldırıw:
1) Kem támiyinlengen dep tán alınǵan shańaraq haqqındaǵı maǵlıwmattı onlayn alıw;

Maǵlıwmatnama alıw

2) Balalar napaqası yamasa materiallıq járdem tayınlanbastan “Sociallıq qorǵawdıń birden-bir reestri”ne kiriw ushın onlayn arza beriw.

Arza tapsırıw