siyasatı hám járdem baǵdarlamaları haqqında

Arza tapsırıwda qanday hújjetler talap etiledi?

Arza tapsırıwda tómendegi hújjetler talap etiledi:
1) arza beriwshi hám shańaraq aǵzalarınıń Ózbekstan Respublikası pasportı yamasa ID-kartaları;
2) shańaraqtıń bar sharwa malları hám qusları, atına rásmiylestirilmegen, biraq paydalanıwda bolǵan avtotransport quralları, baǵ hám diyqan xojalıǵı jerleri, turaq jay emes orınları haqqında maǵlıwmat;
3) arza beriwshi hám oniń shańaraq aǵzaları atındaǵı kommerciyalıq bank esap betlerindegi qarjılar hám pul ótkermelerin úyreniw ushin arza.

Ayrıqsha jaǵdaylarda, sonday-aq, tómendegiler talap etiledi:
a) shet el puqaraları, puqaralıǵı bolmaǵan shaxslardıń jasaw gúwalıqları, puqaralıǵı bolmaǵan shaxs gúwalıqları yamasa ID-kartaları hámde jasaw ornı boyınsha dizimge alınǵanlıǵı haqqındaǵı esabat beti;
b) balaları qáwenderlikte bolǵan jaǵdayda, arzaǵa qáwenderlik hám qáwenderlik uyımı qararınıń nusqası.

Máhálle xızmetkerleri joqarıdaǵı hújjetler menen qalay isleydi?
1) barlıq hújjetlerdiń tolıq usınılǵanlıǵın tekseredi;
2) arza beriwshiniń shańaraq quramı haqqındaǵı maǵlıwmattı tastıyıqlaydı;
3) arzanı arnawlı dizimge alıw dápterinde jazıladı;
4) hár 5 kúnde, biraq arza berilgen aydıń 19-sanına shekem arza hám zárúr hújjetlerdi “Inson” sociallıq xızmetler orayına usınadı.

Arzalar neshinshi sánege shekem qabıl etiledi?
Arzalar tólemdi alıwdı qálegen aydan aldınǵı aydıń 16-sánesine shekem usınıladı.
Onda joqarıda kórsetip ótilgen múddetten keyin berilgen arzalar belgilengen tártipte keyingi ayda kórip shıǵıladı.

“Inson” sociallıq xızmetler oraylarınıń juwapker xızmetkerleri tárepinen neler islenedi?
Arza hám usınılǵan hújjetler “Inson” sociallıq xızmetler oraylarınıń juwapker xızmetkerleri tárepinen hár kúni, biraq arza berilgen aydıń 26-sánesine shekem “Sociallıq qorǵawdıń birden-bir reestri” málimleme sistemasına kirgiziledi.

Arzanı kim kórip shıǵadı hám qarar qalay qabıl etiledi?
Shańaraqtı kem támiyinlengen dep tán alıw jáne olarǵa balalar napaqası hám materiallıq járdemdi tayınlaw jáne tólew haqqındaǵı qararlar “Sociallıq qorǵawdıń birden-bir reestri” málimleme sistemasında avtomatikalıq túrde qáliplestiriledi hám qabıl etiledi. Arza iesine balalar napaqası yamasa materiallıq járdem tayınlaw haqqında yamasa biykar etilgen jaǵdayda biykarlaw sebepleri kórsetilgen elektron xabar arzada kórsetilgen mobil telefon nomerine SMS kórinisinde jiberiledi.
Shańaraqtıń materiallıq hám múlklik jaǵdayı tólemler ámelge asırılıwı dáwirinde avtomatikalıq tárizde hár ayda tekserip barıladı.

Qanday jaǵdaylarda balalar napaqası yamasa materiallıq járdem tayınlaw biykar etiledi?
1) arza beriwshi shańaraǵınıń hár bir aǵzasına tuwra keletuģın bir aylıq ortasha jámi dáramat minimal tutınıw qárejetleri (648 000 sum) muģdarınan kóp bolganda;
2) jámi birden artıq kóshpes múlk yamasa bir hám onnan artıq turaq jay emes imaratlar bar bolganda;
3) islep shigarılıw múddeti 12 jildan aspaǵan (shańaraq aǵzası I yaki II topar hám 18 jasqa shekem balalıqtan mayıp bolsa 7) jeńil avtotransport quralı bolganda;
4) islep shiģarılıwı 15 jildan aspaģan basqa túrdegi avtotransport quralı hám texnikası bolganda;
5) jámi 2 hám onnan artıq avtotransport quralları bolganda;
6) shańaraqtıń kommerciyalıq banklerdegi depozit esap betlerindegi qarjıları yamasa bahalı qaǵazlarınıń bazar bahası miynetke haqı tólew eń kem muǵdarınıń 5 esesi (5,25 mln. sum) hám onnan artıq muǵdarda bolǵanda;
7) rásmiy dáramat dereklerine iye bolmagan hám aqırģı 6 ay dawamında jumis izlep bántlikke kómeklesiw organlarına múrájáát etpegen aǵzası bar bolǵanda;
8) jumıssızlıq napaqasın alıp atırǵan aǵzaları bar bolǵanda;
9) nizamǵa tiykar basqa jaǵdaylar.

Napaqa tólemleri qashan hám qay jerde ámelge asırıladı?
AT Xalıq banki bólimi (filialı) tárepinen balalar napaqası yamasa materiallıq járdem tólemi aydıń 4-sánesinen 27-sánesine shekem ámelge asırıladı. Tólem vedomostları AT Xalıq bankiniń rayon (qala) lıq bólimine usınılǵanda arza beriwshi SMS arqalı xabardar etiledi.

Onlayn arzanı 2024-jıl aprelden baslap qaldırıw múmkin. Házirgi waqıttaǵı bar imkaniyatlar:
1) Kem támiyinlengen dep tán alınǵan shańaraq haqqındaǵı maǵlıwmattı onlayn alıw;

Maǵlıwmatnama alıw

2) Balalar napaqası yamasa materiallıq járdem tayınlanbastan “Sociallıq qorǵawdıń birden-bir reestri”ne kiriw ushın onlayn arza beriw.

Arza tapsırıw

VMQ-654, 21.10.2021 j.

6 ay dawamında hár ayda

“Sociallıq qorǵawdıń birden-bir reestri” málimleme sisteması