Eger turaq jaydı beyimlestiriw qárejetleri sol dáwir ushın basqa sociallıq baǵdarlamalar yamasa dárekler esabınan qaplanǵan bolsa, qayta járdem berilmeydi (12-bánt).

Materiallar yamasa úskeneler jetkerip berilgennen soń, járdem alıwshı óz telefonına kelgen SMS-tastıyıqlaw kodın satıwshıǵa málim etiwi menen process juwmaqlanadı (37-bánt).

Jasaw sharayatın beyimlestiriw ushın – Ózgeler kútimine mútáj bolǵan jalǵız jasawshı hám jalǵız kekseler jáne mayıplıǵı bolǵan shaxslar reestrine kirgizilgen shaxslar. Onda ózgeler kútimine mútáj bolǵan jalǵız jasawshı hám jalǵız kekseler jáne mayıplıǵı bolǵan shaxslar Sociallıq reestrde turıwı yamasa aylıq ortasha jámi dáramatı shańaraq aǵzalarınıń hárbirine minimal tutınıw qárejetleriniń muǵdarınıń 2 esesinen kóp bolmaǵan shańaraq aǵzası bolıwı kerek.

Awa. Tańlanǵan qurılıs materialları hám úskenelerin satıwshı (isbilermen) járdem alıwshınıń úyine shekem jetkerip beriwge juwapker esaplanadı (45-bánt).

Kiriw jolına pandus qoyıw, asxana, jataqxana hám juwınıw bólmelerine tutqıshlar (poruchniy) ornatıw, esiklerdi keńeytiw hám basqa texnikalıq úskeneler ornatıw (32-bánt).

Bul mayıplıǵı bolǵan hám háreketi sheklengen shaxslardıń úyinde tosqınlıqsız háreketleniwi ushın qolaylıqlar jaratıw (pandus ornatıw, tutqıshlar qoyıw hám t.b.) ilajı bolıp esaplanadı.