Qanday jaǵdaylarda xızmet kórsetiw biykar etiledi?

Eger shaxsta ótkir juqpalı kesellikler, ruwxıy buzılıwlar yamasa tuberkulyoz keselliginiń aktiv basqıshı sıyaqlı qarsı kórsetpeler bolsa (4-bánt).

Xızmetten paydalanıw ushın qanday májbúriyat bar?

Shártnamada názerde tutılǵan kúnlerde shaxstıń ózi Orayǵa keliwi (qatnasıwı) talap etiledi (52-bánt).

Xızmet kórsetiw ushın shártnama dúzile me?

Awa. Oray hám shaxs (yaki wákili) arasında xızmet túri, bahası hám dawamlılıǵı kórsetilgen eki yamasa úsh tárepleme shártnama dúziledi (37-bánt).

Kúndizgi qatnawda qanday xızmetler kórsetiledi?

Individual kútim rejesine muwapıq: reabilitaciya, psixologiyalıq járdem, kásipke úyretiw (sociallıq-miynet reabilitaciyası) hám mádeniy ilajlar.

Múrájat qanday tártipte beriledi?

Shaxs yamasa onıń nızamlı wákili tikkeley "Insan" orayına múrájat etedi yamasa "Sociallıq qorǵaw" MS arqalı elektron sorawnama toltıradı.

Kúndizgi qatnaw xızmeti qay jerde kórsetiledi?

Agentlik tárepinen belgilengen kvotalar sheńberinde, tek ǵana Oraylar jaylasqan wálayat (qala) da jasaytuǵın shaxslarǵa kórsetiledi.

Xızmet múddeti qansha etip belgilengen?

Kúndizgi qatnaw túrinde sociallıq hám reabilitaciyalıq xızmetler bir ayǵa shekemgi múddette kórsetiledi (3-bánt).

Kúndizgi qatnaw túrinde kimler tólemli xızmetten paydalana aladı?

Qarawı shárt bolǵan birinshi dárejeli tuwısqanları bar kekseler hám mayıplıǵı bolǵan shaxslar (shártnama tiykarında).

Xızmet kórsetiw (múrájattı kórip shıǵıw) múddeti qansha?

Múrájattı úyreniw, shaxstıń mútájligin bahalaw hám qarar qabıl etiw 7 jumıs kúni ishinde ámelge asırılıwı belgilengen.