Barakanıń “Sociallıq qorǵaw siyasatı haqqında” betine xosh keldińiz. Bul jerde siz sociallıq napaqalar hám járdem baǵdarlamalarımız haqqında tolıq maǵlıwmat alasız. Maqsetimiz sizge bar hár qıylı qollap-quwatlaw imkaniyatları, muwapıqlıq talapları hám hár bir jeńillik ushın qanday arza tapsırıw haqqında túsinik beriwdi ańsatlastırıw bolıp tabıladı. Biz usı áhmietli sociallıq qorǵaw siyasatı haqqında sizge anıq hám túsinikli maǵlıwmatlar beriwge umtılamız.
Baǵıwshısın joǵaltqanlıq napaqası
bir miynetke jaramsız shańaraq aǵzası ushın – 745 000 sum.
keyingi hár bir miynetke uqıpsız shańaraq aǵzası ushın – 244 000 sumnan.
PF-69, 30.04.2024 j.
PF-120, 28.07.2023 j.
VMQ-119, 23.03.2023 j.
“Birden-bir milliy sociallıq qorǵaw” málimleme sisteması
| Napaqa kimlerge tayınlanadı?
Baǵıwshısın joǵaltqanlıq napaqasın alıw huqıqına Nızamda belgilengen shártlerge hám normalarǵa muwapıq mámleketlik pensiya alıw huqıqına iye bolmaǵan qaytıs bolǵan shaxstıń qaramaǵında bolǵan shańaraqtıń miynetke uqıpsız aǵzaları iye. Shańaraqtıń miynetke uqıpsız aǵzaları tómendegiler esaplanadı: g) ata hám apa – eger nızamǵa muwapıq olardı baǵıwǵa májbúr bolǵan adamlar bolmasa. Bilimlendiriw shólkemleriniń oqıwshıları hám studentleri oqıwdıń pútkil dáwiri dawamında, biraq 23 jasqa tolǵanǵa shekem baǵıwshısın joyıtqanlıq pensiyasın alıw huqıqına iye. |
| Qay jerge múrájat etiw kerek? Napaqa alıw huqıqı payda bolǵan shaxs yamasa onıń nızamlı wákili Mámleketlik xızmetler oraylarına yamasa “Insan” sociallıq xızmetler oraylarına ózi kelip yamasa mámleketlik xızmetlerden elektron tárizde paydalanıw ushın Birden-bir interaktiv mámleketlik xızmetler portalında dizimnen ótken halda múrájat etedi. |
| Múrájat etiw barısında qanday hújjetler talap etiledi? Múrájat etiw barısında ayrıqsha hújjetlerdiń talap etilmegen halda elektron sorawnama toltırıladı. |
| Múrájatlar neshinshi sánege shekem qabıl etiledi?
Sheklewler belgilenbegen |
| Múrájattı kim kórip shıǵadı hám qarar qalay qabıl etiledi?
Múrájatlar sanlastırılǵan túrde “Birden-bir milliy sociallıq qorǵaw” málimleme sisteması arqalı kórip shıǵıladı. Múrájat etiwshiniń maǵlıwmatları úyrenilgennen soń napaqa tayınlaw yamasa tayınlawdı biykarlaw haqqında qarar qabıl etiledi hám bul haqqındaǵı maǵlıwmat múrájat etiwshiniń mobil telefon nomerine SMS túrinde jiberiledi (mámleketlik xızmetler orayı arqalı múrájat etilgende tiyisli mámleketlik xızmetler orayına). |
| Qanday jaǵdaylarda napaqa tayınlaw biykar etiledi?
Elektron málimleme almasıw arqalı tómendegiler tastıyıqlanbaǵan jaǵdaylarda: 1) qaytıs bolǵan shaxstıń perzentleri, shańaraqtıń miynetke jaramaytuǵın aǵzaları bar ekenligi; 2) napaqa tayınlaw ushın múrájat etken shaxstıń qaytıs bolǵan shaxs penen tuwısqanlıq qatnasıqların; 3) baǵıwshısınan ayırılǵanlıq pensiyası tayınlanǵan bolsa. |
| Napaqa tólemleri qashan hám qay jerde ámelge asırıladı?
Napaqa alıwshınıń qálewine kóre puqaralardıń depozit esap betlerine (plastik kartasına) pul ótkeriw jolı menen yamasa naq túrinde AT “Xalıq banki” bólimi (filialı) tárepinen tólenedi. Banktiń juwapker xızmetkerleri naq túrdegi tólemlerdi máhállelerge jetkergen halda hár ayda tólep baradı. |
| Arza tapsırıw |