Sociallıq qorǵaw

siyasatı hám járdem baǵdarlamaları haqqında

Barakanıń “Sociallıq qorǵaw siyasatı haqqında” betine xosh keldińiz. Bul jerde siz sociallıq napaqalar hám járdem baǵdarlamalarımız haqqında tolıq maǵlıwmat alasız. Maqsetimiz sizge bar hár qıylı qollap-quwatlaw imkaniyatları, muwapıqlıq talapları hám hár bir jeńillik ushın qanday arza tapsırıw haqqında túsinik beriwdi ańsatlastırıw bolıp tabıladı. Biz usı áhmietli sociallıq qorǵaw siyasatı haqqında sizge anıq hám túsinikli maǵlıwmatlar beriwge umtılamız.

Sociallıq napaqalar

Kekseler

Pensiya tayınlaw ushın zárúr jumıs stajına ie bolmaǵan kekse jastaǵı shaxslarǵa jasqa baylanıslı napaqa

Select category

Tólem summası

745 000 sum

Tastıyıqlawshı hújjet

PF-69, 30.04.2024-j.
VMQ-119, 23.03.2023-j.

Dáwirlilik

monthly for lifetime

Tólem múddeti

jasqa tolǵan kúnnen ómirlik múddetke, hár ay

Qanday murajaat etiw kerek?

“Birden-bir milliy sociallıq qorǵaw” málimleme sisteması

Napaqa kimlerge tayınlanadı?

Mámleketlik pensiyanı tayınlaw ushın zárúr jumıs stajına iye bolmaǵan kekse jastaǵı shaxslarǵa tómendegishe tayınlanadı:
balalıqtan mayıplıǵı bolǵan perzenti bar (bolǵan) analarǵa —  55 jas;
hayal-qızlarǵa —  60 jas;
erkeklerge —  65 jasqa jetkende.
Qay jerge múrájat qılınadı?

Napaqa alıw huqıqı payda bolǵan shaxs yamasa onıń nızamlı wákili Mámleketlik xızmetler oraylarına yamasa “Insan” sociallıq xızmetler oraylarına ózi kelip yamasa mámleketlik xızmetlerden elektron tárizde paydalanıw ushın Birden-bir interaktiv mámleketlik xızmetler portalında dizimnen ótken halda múrájat etedi.
Múrájat etiw barısında qanday hújjetler talap etiledi?

Múrájat etiw barısında ayrıqsha hújjetlerdiń talabısız elektron sorawnama toltırıladı.
Múrájatlar neshinshi sánege shekem qabıl etiledi?

Sheklewler belgilenbegen
Múrájattı kim kórip shıǵadı hám qarar qalay qabıl etiledi?

Múrájatlar sanlastırılǵan túrde “Birden-bir milliy sociallıq qorǵaw” málimleme sisteması arqalı kórip shıǵıladı.
Múrájat etiwshiniń maǵlıwmatları úyrenilgennen soń napaqa tayınlaw yamasa tayınlawdı biykarlaw haqqında qarar qabıl etiledi hám bul haqqındaǵı maǵlıwmat múrájat etiwshiniń mobil telefon nomerine SMS túrinde jiberiledi (mámleketlik xızmetler orayı arqalı múrájat etilgende tiyisli mámleketlik xızmetler orayına).
Qanday jaǵdaylarda napaqa tayınlaw biykar etiledi?

Shaxs tiyisli jasqa jetpegenligi yamasa jasqa baylanıslı pensiya alıwshısı bolǵan jaǵdayda.
Napaqa tólemleri qashan hám qay jerde ámelge asırıladı?

Napaqa alıwshınıń qálewine kóre puqaralardıń depozit esap betlerine (plastik kartasına) pul ótkeriw jolı menen yamasa naq túrinde AT “Xalıq banki” bólimi (filialı) tárepinen tólenedi.

Banktiń juwapker xızmetkerleri naq túrdegi tólemlerdi máhállelerge jetkergen halda hár ayda tólep baradı.
Arza tapsırıw