Barakanıń “Sociallıq qorǵaw siyasatı haqqında” betine xosh keldińiz. Bul jerde siz sociallıq napaqalar hám járdem baǵdarlamalarımız haqqında tolıq maǵlıwmat alasız. Maqsetimiz sizge bar hár qıylı qollap-quwatlaw imkaniyatları, muwapıqlıq talapları hám hár bir jeńillik ushın qanday arza tapsırıw haqqında túsinik beriwdi ańsatlastırıw bolıp tabıladı. Biz usı áhmietli sociallıq qorǵaw siyasatı haqqında sizge anıq hám túsinikli maǵlıwmatlar beriwge umtılamız.
Jalǵız kekseler hám mayıplıǵı bolǵan shaxslar ushın materiallıq járdem
Turaq jay kommunallıq xızmetleri haqı hám de azıq-awqat ónimleri hám jeke gigiena tovarları qárejetlerin qaplaw ushın minimal isletiw qárejetleriniń 1 esesi 669,0 mıń sum muǵdarında hár aylıq pul tólemi.
VMQ-119, 23.03.2023-y.
“Birden-bir milliy sociallıq qorǵaw” málimleme sisteması
| Napaqa kimlerge tayınlanadı? Basqalardıń kútimine mútáj bolǵan jalǵız jasawshı kekseler hám jalǵız jasawshı mayıplıǵı bolǵan shaxslarǵa beriledi. Olar arnawlı elektron dizimge kirgiziledi hám usı tiykarda materiallıq járdem avtomatikalıq tárizde tayınlanadı. |
| Qay jerge múrájat etiw kerek? Arza tapsırıw talap etilmeydi. “Birden-bir milliy sociallıq qorǵaw” málimleme sistemasına kirgizilgen maǵlıwmatlar tiykarında napaqa avtomatikalıq tárizde tayınlanadı. |
| Kerekli hújjetler: Ayrıqsha hújjetlerdi usınıw talap etilmeydi. |
| Arzanı kórip shıǵıw hám qarar qabıl etiw tártibi Puqaralardı “ózgelerdiń kútimine mútáj jalǵız kekse hám jalǵız jasawshı mayıplıǵı bolǵan shaxs” dep tán alıw yamasa biykarlaw “Birden-bir milliy sociallıq qorǵaw” sistemasında avtomatikalıq tárizde ámelge asırıladı. Járdem tayınlanǵanı yamasa biykarlanǵanı haqqında 5 minut ishinde puqaranıń mobil telefonına SMS-xabarnama jiberiledi. |
| Tólem qalay ámelge asırıladı?
Hár aydıń 4 sánesine shekem qáliplestirilgen elektron dizimler AT “Xalıq banki”ne usınıladı. Napaqa hár ayda AT “Xalıq banki” arqalı puqaranıń qálewine kóre plastik kartaǵa yamasa naq pul tárizinde tólenedi. |
Tólem qanday jaǵdaylarda toqtatılıwı múmkin?
|
| Qosımsha maǵlıwmatlar: Járdem, puqaralıq yamasa jasaw gúwalıǵına iye bolgan Ózbekstan Respublikası puqaraları, shet el puqaraları hám puqaralıǵı bolmagan shaxslarga beriledi; Materiallıq járdem tólew puqaralıq yamasa jasaw gúwalıǵınıń ámel etiw múddeti dawamında ámelge asırıladı. |