“Baraka” imkoniyatlari ijtimoiy karta doirasidan kengaymoqda: nafaqalar, to‘lovlar, hujjatlar va transport uchun yagona karta

“Baraka” imkoniyatlari ijtimoiy karta doirasidan kengaymoqda: nafaqalar, to‘lovlar, hujjatlar va transport uchun yagona karta

 

 

“Baraka” servisi davlat nafaqalari, kundalik to‘lovlar, raqamli hujjatlar va transport kartasi funksiyalarini birlashtiruvchi karta va ilovaning yangilangan formatini taqdim etdi. “Aloqabank” va Xalq banki bilan hamkorlikda chiqarilgan karta to‘laqonli Visa-karta sifatida ishlaydi – undan O‘zbekistonda va chet elda foydalanish mumkin.

 

“Baraka” servisi davlat ijtimoiy ko‘magidan foydalanishning umumiy nuqtasi sifatida ishlab chiqilgandi: u orqali belgilangan nafaqalarni olish, ijtimoiy xizmatlarga ariza topshirish va ularni boshqarish mumkin. Bugungi kunda servis imkoniyatlari nafaqalar bilan kifoyalanib qolmaydi. “Aloqabank” va Xalq bankining Visa-kartasi kundalik xaridlar va onlayn-to‘lovlar uchun to‘g‘ri kelish barobarida davlat tizimlari bilan bevosita aloqani saqlab qoladi. “Baraka” kartasi va ilovasi yordamida, bir qancha hujjatni ko‘tarib yurish zaruratisiz, davlat nafaqalarini olish, yo‘l haqini to‘lash va shaxsni tasdiqlash mumkin. 

Bitta karta – ko‘plab vazifalar

 

“Baraka” kartasi bir o‘zida to‘rtta muhim funksiyani qamrab oladi va bank, ijtimoiy yordam, transport va identifikatsiya kartasi rolini bajaradi. 

 

Ilovada yana kundalik molyaiviy amaliyotlarni ham bajarish mumkin: kartadan kartaga (P2P) pul o‘tkazish, kommunal to‘lovlar qilish va kartani to‘ldirish. “Baraka”ni istalgan Uzcard yoki Humo kartasidan bevosita yoxud ilova orqali to‘ldirish mumkin.

 

“Baraka”da raqamli hujjatlar ham mavjud, ular yuridik kuchga ega bo‘lib, O‘zbekistonda rasman tan olinadi. Jami ilovada 19 ta raqamli hujjat mavjud bo‘lib, shaxsni tasdiqlovchi hujjatlar, haydovchilik guvohnomasi, shahodatnomalar, ma’lumot to‘g‘risidagi hujjatlar, talabalik guvohnomasi va boshqalar ular sirasiga kiradi. Shuningdek, karta talaba guvohnomasi, nogironlik to‘g‘risidagi guvohnoma, talaba pasportining o‘rnini bosishi va maktab o‘quvchi hamda urush qatnashchisining ijtimoiy maqomini tasdiqlashi mumkin. 

“Baraka” – Visa xalqaro tarmog‘ida

 

“Baraka” kartasi Visa xavfsizlik standartlariga muvofiq keladi va O‘zbekistonda hamda dunyodagi 200 dan ziyod mamlakatda POS-terminallarda, bankomatlarda va onlayn to‘lovlarda qabul qilinadi. Xolis QR va UzQR qo‘llab-quvvatlanadi, kelgusida Tez QR, Rahmat QR va ATTO QR bilan integratsiyalashuv rejalashtirilgan.

 

ATTO transport kartasi

“Baraka” plastik kartasi jamoat transportida yo‘l haqini to‘lash uchun to‘laqonli ATTO kartasi sifatida ishlatilishi mumkin. Unda ATTOdagi 4 ta tarifning barchasi qo‘llaniladi:

  • Transferli tarif (bir soat ichidagi keyingi qatnashlarga chegirma);
  • Oylik tarif (muayyan davr uchun limitli va limitsiz yo‘l abonementlari);
  • Imtiyozli tarif (talabalar, o‘quvchilar, pensionerlar va boshqa toifalar uchun 50% chegirma);
  • Qonunchilikda ko‘zda tutilgan 8 ta imtiyozli aholi toifasi uchun bepul qatnash.

Hozirgi bosqichda yo‘l haqini to‘lash va imtiyozli tariflar faqat “Baraka” plastik kartasidan foydalanganda amal qiladi. Ilovada ATTO QR orqali to‘lash imkoniyati keyinroq yaratiladi.

Davlat nafaqalari va kundalik xarajatlar uchun karta

Ilovada 60 dan ortiq davlat ijtimoiy to‘lovlari va xizmatlari uchun ariza topshirish, ularni kuzatib borish va boshqarish mumkin. Navbatda turish, ortiqcha hujjatlar to‘plash va o‘z maqomini bir necha marta tasdiqlashga hojat yo‘q.

Nafaqalar, stipendiyalar, ishga layoqatsizlik, homiladorlik va tug‘ish to‘lovlari to‘g‘ridan-to‘g‘ri kartaga o‘tkaziladi. To‘lovlar maqomi va kelib tushishini “Baraka” ilovasida nazorat qilish mumkin. Kartadagi ijtimoiy mablag‘lar qonunchilik bilan himoyalangan:  banklarga kredit qarzdorligini so‘ndirish uchun ijtimoiy to‘lovlarni avtomatik yechib olish taqiqlangan. Bu davlat qo‘llab-quvvatlovini foydalanuvchining boshqa moliyaviy majburiyatlaridan alohidalash imkonini beradi.

“Baraka” bilan talabalik hayoti qulaylashadi

Karta imkoniyatlari bir nechta odatiy vositalarni birlashtiradi: bank kartasi, talabalik guvohnomasi, hujjatlar va transport kartasi funksionali. Stipendiya kartaga tushadi, talabalik guvohnomasi va yo‘l haqi abonementi esa ilovada, raqamli shaklda bo‘ladi.

Visa tizimi bilan integratsiya tufayli, o‘qishda va kundalik talabalik hayotida ayniqsa dolzarb bo‘lgan xorijiy onlayn-servislar va obunalar haqini to‘lashda kartadan foydalanish osonlashadi. Bundan tashqari, “Baraka” bilan kartadan kartaga pul o‘tkazish va kommunal xizmatlar haqini to‘lash mumkin, shu sababli bir nechta servislardan foydalanishga hojat qolmaydi.

“Baraka” kartasi qanday olinadi?

“Baraka” virtual kartasini istalgan foydalanuvchi bepul ochtirishi mumkin. Plastik kartani chiqarish 40 000 so‘m turadi. Kartani “Baraka” ilovasi orqali olish mumkin: ro‘yxatdan o‘tib, kerakli ma’lumotlarni ko‘rsatish va buyurtmani rasmiylashtirish yetarli. Plastik kartalar “Aloqabank” va Xalq banki orqali chiqariladi, tayyor kartani bankning o‘zingiz tanlagan bo‘limidan olib ketish mumkin.

Ilovani yuklab olish: Android va iOs .

“Baraka” ilovasi va kartasi to‘g‘risida batafsil: https://baraka.gov.uz/ru/

 

Talabalar uchun Baraka kartasi: nimalarni bilish muhim?

Talabalar uchun Baraka kartasi: nimalarni bilish muhim?

2026/2027-o’quv yilida 1-bosqichga qabul qilingan talabalarning stipendiyasi Baraka kartasi orqali to’lanadi.

Xo‘sh, talabalar Baraka kartasini qanday olishadi va stipendiyalar qaysi tartibda ushbu kartaga o‘tkaziladi? Quyida ushbu jarayon bilan batafsil tanishib chiqishingiz mumkin.

1. Kartani olish va stipendiya tushish tartibi

Talabalarning qaysi bosqichda tahsil olayotganiga qarab Baraka kartasini rasmiylashtirish tartibi quyidagicha ajratiladi:

1-bosqich talabalari uchun. Joriy o‘quv yilida 1-bosqichga qabul qilingan talabalarning stipendiyasi  Baraka kartasi orqali to‘lanadi. Ushbu kartalar talabalar uchun AloqaBank tomonidan chiqariladi hamda OTM va bank o‘rtasidagi hamkorlik asosida tayyorlanib, talabalarga topshiriladi.

Yuqori kurs talabalari uchun. Yuqori bosqich talabalari Baraka kartasini Baraka ilovasi orqali mustaqil ravishda buyurtma qilishlari mumkin. Agar stipendiyangiz hozirda boshqa bank kartasiga tushayotgan bo‘lsa, yangi Baraka kartasini qo‘lga kiritganingizdan so‘ng, keyingi to‘lovlar avtomatik tarzda ushbu yangi kartaga o‘tkazila boshlaydi.

Muhim eslatma. Ushbu yangi tartib barcha oliy ta’lim muassasalarining yuqori kurs talabalariga birday  taalluqli emas. Davlat OTMlari Baraka tizimiga bosqichma-bosqich o‘tmoqda. Hozirgi kunda taxminan 500 ming nafar talaba Baraka kartasidan foydalanib kelmoqda.

2. Karta narxi va to’lov shartlari

Bepul taqdim etilishi.  Agar siz davlat oliy ta’lim muassasasi talabasi bo‘lsangiz, Baraka kartasi sizga bepul taqdim etiladi.

Qaysi hollarda to‘lov undiriladi? OTM talabalari quyidagi ikki holatda karta uchun haq to‘lashlariga to‘g‘ri keladi:

  • Karta yo‘qotib qo‘yilganda va uning o‘rniga yangisi buyurtma qilinganda;
  • Karta yaroqsiz holga kelganda yoki unga jismoniy shikast yetganda.

 

3. Karta o’z vaqtida tayyor bo’lmasa nima bo’ladi?

Agar Baraka kartasi belgilangan muddatda tayyor bo‘lmay qolsa, talabaning stipendiya mablag‘lari kechikmaydi — pul to‘lovlari talabaning oldin ishlatib yurgan bank kartasiga tushiriladi.

Baraka kartasi orqali  talabalar chet elga pul o’tkazish yoki xorijiy to’lov tizimlaridan foydalanishlari mumkin.

 

ATTO’ning barcha tarif va paketlari endi Baraka kartasida amal qiladi

ATTO’ning barcha tarif va paketlari endi Baraka kartasida amal qiladi

Endi Baraka ijtimoiy kartasi egalari jamoat transportida yo‘l haqi to‘laganlarida ATTO tizimidagi barcha imtiyoz, tarif va tarif paketlaridan cheklovlarsiz to‘liq foydalanishlari mumkin.

Baraka kartasi qanday imkoniyatlarni taqdim etadi?

Baraka kartangiz orqali transport to‘lovlarini amalga oshirganingizda, ATTO kartalari uchun amal qiluvchi barcha qulayliklar avtomatik tarzda qo‘llanadi:

Barcha turdagi paketlar (kunlik, oylik, yillik):
ATTO tizimidagi kabi belgilangan muddatli paketlarni xarid qilishingiz mumkin. Muayyan summani bir marta to‘laysiz va tanlangan muddat davomida jamoat transportidan cheksiz foydalanasiz.

Imtiyozli tariflar:
Talabalar, nafaqaxo‘rlar va boshqa imtiyozli toifadagi fuqarolar uchun belgilangan maxsus tarif rejalari Baraka kartasida ham to‘liq amal qiladi.

Arzonlashtirilgan transport almashinuv tarifi:
Yo‘l haqi to‘langanidan so‘ng 1 soat ichida boshqa transport vositasiga o‘tsangiz, ATTO tizimidagidek chegirmali va tejamkor narxlar saqlanib qoladi.

Bepul yurish huquqiga ega bo‘lganlar uchun:
Amaldagi qonunchilikka ko‘ra jamoat transportidan bepul foydalanish huquqiga ega bo‘lsangiz, Baraka kartangizni terminalga tekkizishning o‘zi kifoya. Tizim imtiyozingizni avtomatik aniqlaydi va kartadan mablag‘ yechmaydi.

Tarif paketlarini qayerdan sotib olish mumkin?

Baraka kartangizga kerakli tarif rejalarini quyidagi manbalar orqali ulashingiz mumkin:

  1. ATTO mobil ilovasi orqali;
  2. Uzpost (O‘zbekiston pochtasi) bo‘limlarida;
  3. Metro bekatlaridagi o‘z-o‘ziga xizmat ko‘rsatish terminallari orqali.

Kutilayotgan yangilik

Tez orada Baraka mobil ilovasining o‘zida ATTO QR-kod funksiyasi ishga tushiriladi. Bu orqali transportda to‘lovlarni hatto kartasiz, to‘g‘ridan-to‘g‘ri telefoningizdagi Baraka ilovasi orqali bajarish imkoniga ega bo‘lasiz!

Imkoniyatlardan hoziroq foydalaning, Baraka mobil ilovasini yuklab oling va Baraka kartasiga buyurtma bering!

Baraka ilovasida kartadan kartaga pul o‘tkazmalari uchun yangi tariflar belgilandi

Baraka ilovasida kartadan kartaga pul o‘tkazmalari uchun yangi tariflar belgilandi

Baraka mobil ilovasida kartadan kartaga (P2P) pul o‘tkazmalari bo‘yicha yangi tariflar kuchga kirdi. Yangilangan tizim ilova foydalanuvchilariga o‘tkazmalarni komissiyasiz yoki arzonlashtirilgan foizlarda amalga oshirish imkonini beradi.

O‘tkazma yo‘nalishi va amaldagi komissiya foizlari:

  • Baraka kartasidan Baraka kartasiga: 0% (komissiyasiz)
  • Baraka kartasidan Uzcard yoki Humo kartalariga: 0,7%
  • Uzcard yoki Humo kartalaridan Baraka, Uzcard yoki Humo kartalariga: 0,9%

Baraka ilovasi orqali Uzcard, Humo va Baraka to‘lov kartalari o‘rtasida pul o‘tkazmalarini bir nechta yo‘nalishda bajarish mumkin.

Faqat turli emitent-banklar tomonidan chiqarilgan Baraka kartalari o‘rtasidagi o‘tkazmalar hozircha ishlamaydi:

  • Baraka (Xalq banki) →→ Baraka (Aloqabank)
  • Baraka (Aloqabank) →→ Baraka (Xalq banki)

Ushbu banklararo o‘tkazma funksiyasi ustida texnik ishlar olib borilmoqda va u tez orada ilovada faollashtiriladi. Bir bank ichida chiqarilgan Baraka kartalari o‘rtasidagi o‘tkazmalar esa 0% komissiya bilan uzluksiz ishlamoqda.

  1. Mobil qurilmaga Baraka ilovasini yuklab oling yoki mavjud versiyasini yangilang.
  2. Ilovaning “O‘tkazmalar” bo‘limiga kirib, chiquvchi va kiruvchi karta ma’lumotlarini kiriting.
  3. Summani belgilang va operatsiyani tasdiqlang. Komissiya miqdori o‘tkazma tasdiqlanishidan oldin ekranda ko‘rsatiladi.

Xalqaro sammitda «Baraka» ijtimoiy karta loyihasi namoyish etildi

Xalqaro sammitda «Baraka» ijtimoiy karta loyihasi namoyish etildi

Samarqand shahrida 21–22-oktabr kunlari 100 dan ortiq mamlakat vakillari ishtirokida “Bolalar farovonligiga investitsiya” nomli nufuzli xalqaro sammit bo‘lib o‘tdi. Bolalarning sog‘lom, xavfsiz hamda munosib sharoitda ulg‘ayishi uchun zarur yechimlarni muhokama qilishga bag‘ishlangan ushbu anjumanda «Baraka» ijtimoiy karta loyihasi o‘z imkoniyatlarini xalqaro hamjamiyatga namoyish etdi.

Tadbir doirasida tashkil etilgan maxsus ko‘rgazmada «Baraka» loyihasi stendi mahalliy va xorijiy ishtirokchilar hamda yuqori martabali mehmonlarning alohida e’tiborini tortdi.

«Baraka» stendiga O‘zbekiston Respublikasining Birinchi xonimi, «Zamin» xalqaro jamoat fondi Vasiylik kengashi raisi Ziroat Mirziyoyeva, O‘zbekiston Respublikasi Prezidenti huzuridagi Ijtimoiy himoya milliy agentligi direktorining birinchi o‘rinbosari Shahnoza Mirziyoyeva hamda Turkiya Respublikasining Birinchi xonimi Emine Erdo‘g‘an va boshqa nufuzli mehmonlar tashrif buyurishdi.

Oliy darajadagi mehmonlar va xalqaro tashkilotlar vakillari «Baraka» ijtimoiy kartasining imkoniyatlari bilan yaqindan tanishib, ushbu innovatsion loyiha haqida o‘zlarining samimiy va iliq taassurotlarini bildirishdi.

Loyiha ofisi direktori Rustamxon Azizov mehmonlarga taqdimot o‘tkazib, mobil ilova hamda ijtimoiy kartaning maqsad va imkoniyatlarini namoyish etdi. Xususan, barcha ijtimoiy to‘lov hamda nafaqalarning bitta kartaga biriktirilishi, ilova orqali 80 dan ortiq davlat xizmatlariga onlayn ariza topshirish imkoniyati va boshqa muhim afzalliklar haqida batafsil ma’lumot berildi.

Baraka ilovasi yangilanmoqda: asosiy ekranda ikkita rejim va maxsus qulaylik sozlamalari paydo bo‘ladi

Baraka ilovasi yangilanmoqda: asosiy ekranda ikkita rejim va maxsus qulaylik sozlamalari paydo bo‘ladi


10.2026., Samarqand, O‘zbekiston — Baraka ilovaning yangilangan versiyasini taqdim etdi: 10-noyabrdan boshlab foydalanuvchilar uchun “Moliya” va “Ijtimoiy” bo‘limlari paydo bo’ladi, shuningdek, ko‘rish qobiliyati zaif bo‘lgan foydalanuvchilar uchun maxsus rejim joriy etiladi.

Ushbu yangiliklar 21–22-oktabr kunlari Samarqandda bo‘lib o‘tgan «Bolalar farovonligiga investitsiyalar» Butunjahon sammitida namoyish etildi. Baraka stendi bilan xorijiy davlatlarning birinchi xonimlar, vazirlar va xalqaro ekspertlar tanishdilar.

Kundalik vazifalar uchun yangi interfeys

10-noyabrdan e’tiboran Baraka mobil ilovasi asosiy ekranning yangilangan dizayniga ega bo‘ladi. Yagona tasmali ko‘rinish o‘rniga interfeys ikkita rejimga bo‘linadi:

  • Moliya: balans, kartalar ro‘yxati, tranzaksiyalar tarixi va to‘lovlarga tezkor kirish tugmalarini (to’lovlar, o’tkazmalar va QR kod) bir joyga jamlaydi.
  • Ijtimoiy xizmatlar: to‘lovlar va imtiyozlar haqidagi ma’lumotlar, arizalar topshirish hamda ularning maqomini kuzatish funksiyalarini o‘z ichiga oladi.

Bunday ajratish foydalanuvchilarni umumiy ro‘yxatdan kerakli funksiyalarni uzoq qidirish tashvishidan xalos etadi. Bundan tashqari, “Maxsus imkoniyatlar” bo‘limida “Zaif ko’ruvchilar rejimi” paydo bo‘ladi. Ushbu rejim orqali matn hajmini, kontrastlikni hamda yorug‘/qorong‘i mavzuni oldindan ko‘rish oynasida sozlash mumkin. Yangi parametrlar ko‘rish qobiliyati cheklangan insonlarga Baraka ilovasidan yanada ishonchli foydalanishga yordam beradi.

«Raqamli servislar yoshi, salomatlik holati va hayotiy sharoitlaridan qat’i nazar, insonlarga kundalik vazifalarni mustaqil hal etish hamda zarur xizmatlarni olishda ko‘maklashishi biz uchun muhim. Maxsus qulayliklar — shunchaki qo‘shimcha funksiya emas, balki Baraka loyihasini ko‘pchilik uchun foydali qilish va davlat xizmatlaridan foydalanishdagi to‘siqlarni kamaytirish imkoniyatidir», — deb ta’kidladi Baraka loyiha offisi rahbari Rustamxon Azizov.

Servis ko‘lami haqida

Bugungi kunda Baraka kartasidan 1,8 milliondan ortiq kishi foydalanmoqda, har oy 500 mingdan ziyod foydalanuvchio‘z ijtimoiy to‘lovlarini ushbu kartaga qabul qilib oladi. Ilova orqali 80 dan ortiq ijtimoiy yordam turlari bo‘yicha ariza topshirish, 19 turdagi rasmiy hujjatlarni elektron ko‘rinishda rasmiylashtirish mumkin. Kartaning o‘zi esa 5 ta guvohnomani (jumladan, pensiya va talabalik guvohnomalarini) o‘rnini bosadi.

Karta Aloqabank va Xalq banki bilan hamkorlikda Visa to‘lov tizimi bazasida bosib chiqariladi. 16 ta ijtimoiy toifa vakillari uchun karta bepul chiqariladi.

Loyiha haqida batafsil: https://baraka.gov.uz/

 

 

Baraka ilovasida yangilanish: virtual karta va 6 ta yangi ijtimoiy xizmat!

Baraka ilovasida yangilanish: virtual karta va 6 ta yangi ijtimoiy xizmat!

Baraka ilovasi foydalanuvchilar uchun qulaylik yaratish va raqamli ijtimoiy xizmatlar ko‘lamini kengaytirishda davom etadi. Ilovaning navbatdagi yangilanishida moliyaviy amallarni soddalashtiruvchi funksiyalar hamda foydalanuvchilar  uchun muhim bo‘lgan bir qator yangi ijtimoiy imkoniyatlar taqdim etdik. 

Ilovaga qo‘shilgan asosiy yangiliklar va ularning afzalliklari bilan tanishing.

 Xalq banki foydalanuvchilari uchun moliya va ro‘yxatdan o‘tish qulayliklari

Yangilanishda bank xizmatlaridan foydalanish jarayoni yanada tezkor va qulay holatga keltirdik:

Darhol virtual karta ochish.  Endilikda Xalq bankini tanlagan foydalanuvchilar jismoniy kartani buyurtma qilishdan oldin ilovaning o‘zida virtual karta ocha olishadi. Bu imkoniyat ilovadan darhol foydalanishni boshlash imkonini beradi. Hozirgacha bu faqa Aloqabank orqali karta ochishda amal qilardi. 

Telefon raqamni tezkor yangilash. Ro‘yxatdan o‘tish jarayonida Xalq banki telefon raqamini o‘zgartirish va yangilash imkoniyati yaratildi.

 6 ta yangi ijtimoiy to‘lov va yordam xizmati

Baraka ilovasi orqali ijtimoiy qo‘llab-quvvatlash tizimi yana ham osonlashdi. Endi ilovada quyidagi 6 ta yangi ijtimoiy to‘lov va yordamga ariza topshirishingiz mumkin:

  1. Nogironligi bo‘lgan shaxslar uchun sport turlari bo‘yicha yo‘llanma olish uchun ariza (bepul mashg‘ulotlar)
  2. Nogironligi bo‘lgan shaxslarni (1 va 2-guruh) ishga qabul qiluvchi tashkilotlar uchun bandlikni qo‘llab-quvvatlash va subsidiyalar olish uchun ariza
  3. Nogironlarni (1 va 2-guruh) ishga qabul qilgan tashkilotlar uchun ularning ishini moslashtirish uchun subsidiyalar olish uchun ariza
  4. 1-guruh nogironligi bo‘lgan shaxslar uchun transport vositalarini qayta jihozlash bo‘yicha kompensatsiya olish uchun ariza
  5. Kunduzgi parvarishlash xizmatlari tashkilotlariga ruxsatnoma berish uchun ariza
  6. Bolalarga kunduzgi parvarish xizmati ko‘rsatuvchi tashkilotlarga ruxsatnoma berish uchun ariza

Barcha yangilik va qulayliklardan to‘liq foydalanish uchun Baraka ilovasini Play Market yoki App Store orqali yangilang.

 

“Baraka” ilovasi orqali sport pasportidan foydalaning

“Baraka” ilovasi orqali sport pasportidan foydalaning

Endi sportchilar uchun muhim bo’lgan rasmiy hujjat — sport pasportining elektron shakli “Baraka” ilovasida mavjud!

Jismoniy hujjatlarni o’zingiz bilan olib yurish va ularni yo’qotib qo’yishdan xavotirlanmasangiz ham bo’ladi. Endi barchasi Baraka ilovasiga joyladik.

“Baraka” ilovasida sport pasportini qanday topish mumkin?

Ilovadan foydalanish juda oddiy va qulay. Elektron shaklni faollashtirish uchun atigi 2 ta qadamni bajarishingiz kifoya:

  1. “Ijtimoiy identifikatorim” bo’limiga kiring.
  2. “Hujjatlarim” qismidan sport pasportingizning elektron shaklini yuklab oling va foydalaning.

Sport pasporti nima va u nima uchun kerak?

Sport pasporti — bu har bir professional yoki havaskor sportchining rasmiy raqamli hujjati hisoblanadi. U quyidagi muhim ma’lumotlarni o’zida jamlaydi va tasdiqlaydi:

  • Sport muassasasiga tegishliligingizni;
  • Shug’ullanayotgan sport turingizni;
  • Sport malakangizni (razryad, unvonlar va erishgan natijalaringizni).

Ushbu hujjatning amal qilish muddati 5 yilni tashkil etadi va u quyidagi zaruriy jarayonlarda asosiy vosita bo’lib xizmat qiladi:

  • Bir jismoniy tarbiya va sport tashkilotidan boshqasiga o‘tish jarayonida;
  • Turli sport musobaqalarida ishtirok etish uchun rasmiy ro‘yxatdan o‘tishda;
  • Zaruriy tibbiy tekshiruvlardan o‘tish vaqtida;
  • Sport unvonlari va sport razryadlarini olish uchun talab etiladigan me’yorlar hamda talablarning bajarilishini tasdiqlashda;
  • Qonunchilik hujjatlarida belgilangan boshqa hollarda.

Sport pasportini qanday olish mumkin?

Agar sizda hali sport pasporti bo’lmasa, uni quyidagi ikki qulay usulning biri orqali rasmiylashtirib olishingiz mumkin:

  1. Davlat xizmatlari markazlari (DXM) orqali bevosita murojaat qilgan holda;
  2. My.gov.uz portali orqali uydan chiqmagan holda onlayn tarzda.

Pasportni qo’lga kiritganingizdan so’ng, uning raqamli versiyasini darhol “Baraka” ilovasiga ulashingiz va barcha qulayliklardan foydalana boshlashingiz mumkin.

Sportdagi yutuqlaringizni va faoliyatingizni yana ham oson boshqaring! Hozirning o’zida “Baraka” ilovasini oching va sport pasportingizning raqamli shaklini tekshirib ko’ring.

[Ilovani yuklab olish uchun shu yerni bosing]

Qonunchilikdagi yangilik: Endi homiladorlik va kasallik bo‘yicha nafaqalar qanday to‘lanadi?

O‘zbekistonda homiladorlik va kasallik bo‘yicha nafaqa tayinlash va to‘lashning yangi tartibi joriy etildi.
Endi to‘lovlar “Baraka” ijtimoiy kartasi orqali amalga oshiriladi.

Kun.uz yangi tizimdagi asosiy o‘zgarishlar, imtiyozlar olish shartlari va to‘lov mexanizmini tushuntiradi.

Batafsil:

1-iyundan ixtiyoriy ijtimoiy sug‘urta badallarini Baraka ilovasi orqali to’lash imkoni paydo bo’ldi

Agar siz rasmiy ish joyiga ega bo’lmasangiz, homiladorlik yoki kasal bo’lganda sizga nafaqa puli beriladi. Buning uchun ijtimoiy ixtiyoriy sug’urta badallarini to’lab yurgan bo’lishingiz kerak. Bundan tashqari, qonunchilikda keltirilgan ayrim shartlarga to’g’ri kelishingiz ham kerak. Bu shartlar qanday ekani va badallarni to’lash tartibi haqida ushbu maqola orqali bilib olishingiz mumkin.  

2026-yildan boshlab O‘zbekistonda davlat ijtimoiy sug‘urtasining yangi tizimi joriy etildi. Bu fuqarolarni kasallik, homiladorlik, ishsizlik kabi og‘ir hayotiy vaziyatlarda daromadsiz qolib ketishdan himoyalaydi. Yangi tizim doirasida nafaqalar endilikda ish beruvchi hisobidan emas, balki Davlat ijtimoiy sug‘urta jamg‘armasi orqali to‘lanadi. Bu esa davlat va xususiy sektorda ishlovchi barcha fuqarolar uchun teng ijtimoiy kafolatlar yaratilishini anglatadi.

 

 3 xil turdagi sug‘urtadan foydalana olasiz

O‘zbekiston Respublikasi Prezidentining 2025-yil 3-noyabrdagi PF-206-son Farmoniga muvofiq, quyidagi nafaqalar Davlat ijtimoiy sug‘urta jamg‘armasi orqali to‘lanishi belgilanmoqda:

2026-yil 1-yanvardan homiladorlik va tug‘ish nafaqasi — ayollarning tug‘ruqqacha va tug‘ruqdan keyingi davri uchun to‘lanadi;

 2026-yil 1-iyuldan vaqtincha mehnatga layoqatsizlik nafaqasi — xodimlarning kasalligi sababli mehnatga layoqatsiz bo‘lgan davri uchun to‘lanadi;

2030-yildan ishdan bo‘shatish nafaqasi — xodim ishdan bo‘shatilganligi uchun to‘lanadi.

 

Kimlar vaqtincha mehnatga layoqatsizlik hamda homiladorlik va tug‘ish nafaqasini olish huquqiga ega?

  1. Davlat ijtimoiy sug‘urtasi bilan majburiy asosda qamrab olingan, sug‘urta stajiga ega barcha shaxslar:
  • ish beruvchi bilan rasmiy mehnat shartnomasi asosida ishlayotganlar;
  • fuqarolik-huquqiy shartnoma (FHQ) asosida xizmat ko‘rsatayotgan (ish bajarayotgan) shaxslar;
  • qonunchilikda belgilangan tartibda boshqa rasmiy faoliyat bilan band bo‘lganlar.
  1. Davlat ijtimoiy sug‘urtasi bilan ixtiyoriy asosda sug‘urtalanadigan shaxslar:
  • o‘zini o‘zi band qilgan shaxslar;
  • dehqon xo‘jaligida band bo‘lgan shaxslar;
  • shaxsiy tomorqa yer uchastkalarida band bo‘lgan shaxsiy tomorqa yer uchastkalarining egalari yoki ularning oila a’zolari;
  • davlat organlari va boshqa tashkilotlar tomonidan chet davlatlarda tashkil etilgan tashkilotlarda ishlaydigan O‘zbekiston Respublikasi fuqarolari;
  • chet elda yollanib ishlaydigan O‘zbekiston Respublikasi fuqarolari;
  • O‘zbekiston Respublikasi hududida doimiy yashovchi hamda O‘zbekiston Respublikasi hududida daromad keltiradigan faoliyatni amalga oshiradigan chet el fuqarolari va fuqaroligi bo‘lmagan shaxslar;
  • ishlamaydigan fuqarolar, ular uchun sug‘urta badali eri (xotini) tomonidan to‘langanda;
  • yuridik shaxslarning muassislari (ishtirokchilari) sifatida daromadlar oladigan fuqarolar;
  • yakka tartibdagi tadbirkorlar, shu jumladan “Hunarmand” uyushmasining a’zolari bo‘lgan hunarmandchilik faoliyati sub’ektlari;
  • faoliyatni yuridik shaxs tashkil etmagan holda, oilaviy tadbirkorlik shaklida amalga oshiradigan oila a’zolari;
  • dehqon xo‘jaligining boshlig‘i.

Sug’urta nafaqasi olish uchun minimal staj talablari qanday?

Homiladorlik va tug‘ish nafaqasi uchun kamida 10 oy sug‘urta staji (oxirgi 6 oy uzluksiz);

Vaqtincha mehnatga layoqatsizlik nafaqasi uchun kamida 6 oy sug‘urta staji talab etiladi.

 

Homiladorlik va tug‘ish nafaqasi hamda vaqtincha mehnatga layoqatsizlik nafaqasi uchun alohida badal to‘lanadimi?

Yo‘q, to‘langan sug‘urta badali ikkalasi uchun ham inobatga olinadi. Ya’ni siz bitta badal to’laysiz va u badal sizni ham homiladorlik va tug‘ish nafaqasi, ham vaqtincha mehnatga layoqatsizlik nafaqasini olish huquqini beradi.

Ixtiyoriy sug‘urtada minimal oylik badal — 63 550 so’mdan (MHTEK ning 5%) istalgancha ko’proq to’lash mumkin, yuqori chegara belgilanmagan.

1-iyundan ixtiyoriy ijtimoiy sug’urta badalini Baraka ilovasi orqali to’lashingiz mumkin. Pul toʻgʻridan-toʻgʻri sizning Baraka ijtimoiy kartangizga yoki bank kartangizga tushadi.

 

Homiladorlik va tug‘ish nafaqasi hamda vaqtincha mehnatga layoqatsizlik uchun to’lanadigan ixtiyoriy badal qancha muddat davomida to’lab boriladi?

Sug‘urta nafaqalari fuqarolarning sug‘urta stajidan kelib chiqib tayinlanadi. Ixtiyoriy sug‘urta badalini ko‘roq va doimiy, uzoq muddat to‘lagan fuqaroga sug‘urta stajiga mutanosib ravishda nafaqa ham ko‘proq tayinlanadi. Shu bilan birga ixtiyoriy asosda sug‘urtalangan shaxslarga homiladorlik  va tug‘ish nafaqasi mehnatga haq to‘lashning eng kam miqdorining besh baravaridan ortiq bo‘lmagan miqdorda tayinlanadi.

 

Agar fuqaro ixtiyoriy asosda sug’urta to’lagan bo’lsa, homiladorlik va tug’ish nafaqasi uchun hisoblanadigan nafaqa miqdori, vaqtincha mehnatga layoqatsizlik uchun to’lanadigan nafaqadan qanday farq qiladi?

Ixtiyoriy asosda sug‘urtalangan shaxslar uchun ikkala nafaqaning hisoblash metodikasi ta’til kunlari va o‘rtacha oylik ish haqidan kelib chiqib bir xil:

– homiladorlik va tug‘ish bo‘yicha nafaqa mehnatga haq to‘lashning eng kam miqdorining 5 baravarigacha to‘lanadi.

– vaqtincha mehnatga layoqatsizlik uchun nafaqa vaqtincha mehnatga layoqatsizlik varaqasida belgilangan ishdan ozod etilgan kunlardan (ta’til kunlari) kelib chiqib hisoblanadi, biroq bir kalendar yilda 182 kundan oshmaydi.

 

Rasmiy ish joyiga ega bo’lmagan qaysi toifalar kasal bo’lganda nafaqa olishi mumkin?

Agar ixtiyoriy sugʻurta badali ishlamaydigan eri (xotini) va yuridik shaxslarning muassislari (ishtirokchilari) sifatida daromadlar oladigan fuqarolar uchun to’langanda, ular sanatoriy va sog‘lomlashtirish muassasalarida yoki yasama a’zo (protez) qo‘ydirish uchun reabilitatsiya muassasalarida yotganda 2026-yil 1-iyuldan ularga ham nafaqa berilishi mumkin. 

Faqat quyidagi 2 ta holatda nafaqa olishlari mumkin:

Shifokor tavsiyasi bilan sanatoriy va sogʻlomlashtirish maskanlarida davolanganida;

Protez (yasama aʼzo) qoʻydirish uchun maxsus reabilitatsiya markazlariga yotganda.

 

Ixtiyoriy sug’urta badali to’lagan fuqaro kasal bo’lsa, qancha muddat davomida jamag’armadan pul olishi mumkin?

Ixtiyoriy asosda sug’urtalangan shaxs (ish beruvchisi yo’q bo’lsa), kasallikning dastlabki 5 kuni uchun haq to’lanmaydi — 6-kundan boshlab nafaqa beriladi.

Nafaqa kasal bo’lgan kunlar davomida to’lanadi — ya’ni qancha kunga kasallik varaqasi berilsa, shuncha kun uchun (birinchi 5 kunni hisobga olmagan holda) sug‘urta stajidan kelib chiqib:

  • Sug‘urta staji 6 oydan 8 yilgacha bo‘lganda → o’rtacha ish haqining 60%
  • Sug‘urta staji 8 yildan ortiq bo‘lganda o’rtacha ish haqining 80% miqdorida to‘lanadi.

 Ixtiyoriy sug‘urta badali to’lagan fuqaroga qancha miqdorda nafaqa beriladi?

Davlat ijtimoiy sug‘urtasi bilan ixtiyoriy asosda sug‘urtalangan shaxslar uchun ixtiyoriy tarzda har oyda to‘langan sug‘urta badallarini oylik ish haqiga aylantirgan holda hisoblanadi. Bunda ushbu kichik bandga muvofiq bir oylik ish haqi miqdori 2026 yil 1 yanvardan boshlab har oy to‘langan sug‘urta badali summasini, uni to‘lash davrida amalda bo‘lgan sug‘urta badali stavkasiga bo‘lish hamda olingan natijani 100 foizga ko‘paytirish yo‘li bilan aniqlanadi.

Misol: sug‘urtalangan shaxs o‘zini o‘zi band qilgan shaxs sifatida ixtiyoriy ravishda 2026 yil yanvar uchun Jamg‘armaga bir yuz ellik ming so‘m miqdorda sug‘urta badali to‘ladi. Ushbu fuqaroga nafaqa hisoblashda uning 2026 yil yanvar uchun 3 000 000 so‘m miqdorda ish haqi aniqlanadi:

Bir oylik ish haqi miqdori quyidagi tartibda aniqlanadi:

to‘langan sug‘urta badali (bir yuz ellik ming) ÷ sug‘urta badali stavkasi (2026 yil uchun sug‘urta badali stavkasi — 5 foiz) × 100%= 3 000 000 so‘m.

Aniqlangan bir oylik ish haqi miqdori nafaqa hisoblanayotgan sug‘urtalangan shaxsga o‘rtacha bir oylik ish haqi sifatida inobatga olinadi.

Baraka ilovasini yuklab olib va ixtiyoriy ijtimoiy sug’urta uchun badal to’lang. O’zingizni ijtimoiy himoyalang.

Ilovani yuklab olish.

 Homiladorlik va tug’ish nafaqasini olish tartibi va to’lov haqida bu yerda batafsil tanishishingiz mumkin.