Category: Эълонлар

Барака картаси ёрдамида энди сиз ижтимоий хизматлардан тез, шаффоф ва қоғозларсиз фойдаланишингиз мумкин. Ижтимоий карта қуйидаги вазифаларни бажаради:
банк картаси;
транспорт картаси, шу жумладан, имтиёзли транспорт картаси;
давлат ижтимоий ҳимоя ёрдамларини олиш ҳуқуқини тасдиқловчи ҳужжат;
ижтимоий ҳимояга муҳтож аҳоли тоифасига ёки гуруҳига мансублигини тасдиқловчи ҳужжат;
товарлар (ишлар, хизматлар), дори воситалари ва тиббий хизматлар учун қўшилган қиймат солиғи суммасини белгиланган тартибда қайтариш банк картаси;
протез-ортопедия мосламалари ва реабилитация қилишнинг техник воситаларини харид қилиш учун ваучер ёки ижтимоий тўловлар ҳисобидан қонунчилик ҳужжатларида белгиланган бошқа товарлар (ишлар, хизматлар);
Шунингдек, карта қуйидагилар учун ҳисоб воситаси вазифасини бажаради:
тадбиркорлик субъектлари томонидан тақдим этилган чегирмалар, бонуслар ва бошқа содиқлик дастурлари бўйича;
кириш чиптаси операциялари тизими асосида имтиёзли, бепул ёки қисман ҳақ тўлаш асосида тартибга солинадиган давлат ижтимоий объектларига, консертлар, кўнгилочар томошалар ва бошқа тадбирларга бориш ҳуқуқини тасдиқлаш:
ижтимоий ҳимоя муассасаларига кириш ва чиқиш бўйича.
Ижтимоий карта қонунчилик ҳужжатларида назарда тутилган бошқа функцияларни ҳам бажариши мумкин.

Азиз фойдаланувчилар, агар карта олишни ўйлаётган бўлсангиз, буни жуда осон ҳал қилишингиз мумкин. Қандай қилиб дейсизми? “Барака” картасини олиш учун қуйидаги соддалаштирилган усуллардан фойдаланишингиз мумкин.
Энг осон ва қулай йўл – мобил илова. Апп Сторе ёки Гоогле Плайъдан Барака иловасини юклаб, шахсий маълумотларни киритинг ва ариза юборинг. Иловадаги буйруқларни кетма-кет бажарасиз, шахсингизни тасдиқловчи маълумотларингизни киритасиз ва Барака картасига эга бўласиз. Картанинг жисмоний вариантини 3 кун ичида Халқ банки ва Алоқабанкнинг ўзингиз танлаган филиалидан оласиз.
Барака иловасини қандай юклаб олиш мумкин?
1-босқич — иловани юклаб олинг. Иловани ўрнатиш учун қуйидаги усуллардан бирини танланг:
Baraka.gov.uz сайтига кириб, телефон камерасини ҚР-кодга йўналтириб, иловани юкланг.

Дўконлар орқали — Апп Сторе (иПҳоне) ёки Гоогле Плай (Андроид) да “Барака” деб қидириб топинг ва юклаб олинг.

2-босқич. Рўйхатдан ўтиш бир неча дақиқани олади ва қуйидаги босқичлардан иборат:

Шахсни тасдиқлаш — паспорт маълумотлари ва телефон рақамингизни киритинг.

Рақамни тасдиқлаш — СМС орқали келган кодни киритинг.

Юзни сканерлаш (селфи) — шахсни аниқлаш учун юзингизни телефон камерасига яқинлаштиринг.

Парол ва ПИН — профил учун кучли парол ва иловага тез кириш учун 4 хонали ПИН яратинг. (Парол бу — профилингизни ҳимоя қиладиган узунроқ ва мураккаброқ махфий код. ПИН эса — иловага тез ва қулай кириш учун мўлжалланган 4 хонали қисқа рақамли код)

3-босқичда карта автоматик қўшилади
Рўйхатдан муваффақиятли ўтганингиздан сўнг, сизга берилган “Барака” ижтимоий картаси иловага автоматик равишда қўшилади. Қўшимча амал бажаришингиз шарт эмас.
Шунингдек, Барака карталарига аризани Халқ банки ёки Алоқабанкга бориб беришингиз мумкин. Бунинг учун ўзингиз яшаётган жойга яқин филиалига паспорт билан боришингиз кифоя.
Яна бир усул – “Инсон” ижтимоий хизматлар марказлари. Ҳар бир туманда фаолият юритадиган бу марказларга ташриф буюриб, картага ариза беринг. Бу марказларда сиз:
ижтимоий ёрдам, нафақа ёки субсидия олувчи сифатида рўйхатдан ўтишингиз,

“Барака” картаси учун ариза топширишингиз, зарур ҳолларда консултация олишингиз мумкин.

Эслатма. Карта ҳаракатга лаёқати чекланган фуқаролар уйига бепул етказиб берилади. Бунинг учун сиз жойлашган ҳудуддаги “Инсон” марказларига қўнғироқ қилишингиз мумкин. Улар эса сизга ижтимоий ходим жўнатишади. Ижтимоий ходим картангизни расмийлаштиришда ёрдам беради.
Барака иловасини юклаб олиш ҳақида батафсил бу ерда ўқинг.