Mablag‘lar qayerga tushadi?

Mablag‘lar OBU tashkil etgan ota-onalarning bank kartasiga yoki shaxsiy hisobvarag‘iga har oyda o‘tkazib beriladi.

Mablag‘lar qaysi manba hisobidan to‘lanadi?

2025-yildan boshlab Ijtimoiy himoya milliy agentligiga respublika budjetidan ajratilgan mablag‘lar hisobidan (2-band).

OBU ota-onalariga ish haqi ham beriladimi?

Ha, OBUni tashkil etgan ota-onalarga bolalarni tarbiyalaganliklari uchun qonunchilikda belgilangan miqdorda ish haqi (mehnat haqi) ham to‘lanadi.

Yashash xarajatlari nimalarni o‘z ichiga oladi?

Bolalarning oziq-ovqati, kiyim-boshi, poyabzali, yumshoq anjomlari va shaxsiy gigiyena vositalari uchun sarflanadigan mablag‘larni (2-band).

Nafaqa (mablag‘) necha kunda tayinlanadi?

OBU tashkil etish haqida Agentlik hududiy boshqarmasi qarori chiqqandan so‘ng, to‘lovlarni rasmiylashtirish bir ish kuni davomida amalga oshiriladi.