O’zim uchun ixtiyoriy ijtimoiy sug‘urta badalini to‘lash

Ushbu qo‘llanma o‘zini o‘zi band qilgan fuqarolarga Baraka ilovasi orqali ixtiyoriy ijtimoiy sug‘urta badallarini mustaqil ravishda, tez va oson to‘lash jarayonini bosqichma-bosqich tushuntiradi.

1-bosqich: Ilovaga kirish va bo’limni tanlash

• Baraka ilovasining asosiy oynasiga kiring. Menyu tarkibidan «Ijtimoiy sug’urta» (O’zini o’zi band qilganlar uchun ixtiyoriy sug’urta) bo’limini tanlang.

2-bosqich: To’lov turini belgilash

• Yuqorigi tab menyudan «O’zim uchun to’lash» tugmasini tanlang. Ekranning pastki qismida joriy to’lov davri (oy,yil) avtomatik ravishda aks etadi. Davom etish uchun pastdagi to’q ko’k rangli «To’lash» tugmasini bosing.

3-bosqich: Imtiyozlar va shartlar bilan tanishish

• Ushbu sahifada ixtiyoriy sug’urta sizga taqdim etadigan imtiyozlar hamda minimal boshlang’ich badal miqdori (63 500.0 so’m) ko’rsatilgan. Ma’lumotlar bilan tanishib, «Keyingi» tugmasini bosing.

4-bosqich: To’lov summasini kiritish

• Kiritish maydoniga o’zingiz to’lamoqchi bo’lgan summani yozing. Tizim avtomatik ravishda belgilangan eng kam miqdorni va bank komissiyasini ko’rsatadi. Summani tasdiqlab, pastdagi «To’lash» tugmasini bosing.

5-bosqich: Kartani tanlash va to’lovni tasdiqlash

• To’lov o’tkaziladigan bank kartasini (Humo yoki Uzcard) ro’yxatdan tanlang. Yuborilayotgan maqsadli bo’lim («Ijtimoiy sug’urta») va yakuniy summani qayta tekshirib, pastdagi «Tasdiqlash» tugmasini bosing.

6-bosqich: Muvaffaqiyatli to’lov

• Muvaffaqiyatli yakun! Ekranda yashil tasdiq belgisi va «To’lov muvaffaqiyatli o’tdi» xabari paydo bo’ladi. Jarayonni yakunlab, oynadan chiqish uchun pastdagi «Yopish» tugmasini bosishingiz mumkin.