Ushbu yordam uchun to‘lov qilinadimi?

Yo‘q, vasiylik organining sudlardagi ishtiroki va xulosa berishi bepul davlat xizmati hisoblanadi.

«Inson» markazi sudga da’vo arizasi kirita oladimi?

Ha, agar bolaning hayoti va sog‘lig‘iga xavf tug‘ilsa, markaz o‘z tashabbusi bilan ota-onalik huquqini cheklash yoki bolani oiladan olish bo‘yicha sudga murojaat qiladi.

Ijtimoiy xodim sudga qanday ma’lumotlarni taqdim etadi?

Bolaning yashash sharoiti, oiladagi muhit, bolaning ota-onasiga bo‘lgan munosabati va bolaning o‘z fikri haqidagi elektron o‘rganish dalolatnomasini.

Bolaning fikri sudda inobatga olinadimi?

Ha, ijtimoiy xodim 10 yoshga to‘lgan bolaning fikrini alohida o‘rganadi va uni sudga yetkazadi (1-ilova, 6-band).

Qaysi turdagi sud ishlarida ijtimoiy xodim ishtirok etishi shart?

Bolaning yashash joyini belgilash, ota-onalik huquqidan mahrum qilish (yoki tiklash), farzandlikka olish va bolani tortib olish bilan bog‘liq barcha ishlarda.

Sudga xulosa taqdim etish muddati qancha?

Sud so‘rovi kelib tushganidan so‘ng, ijtimoiy xodim vaziyatni o‘rganib, bir ish kuni davomida asoslantirilgan xulosani tayyorlaydi va sudga taqdim etadi.

Ijtimoiy xodim sudda qanday maqomda qatnashadi?

"Inson" ijtimoiy xizmatlar markazi xodimi vasiylik va homiylik organi vakili sifatida bolaning manfaatlarini himoya qilish uchun ishtirok etadi.