Ижтимоий тўлов ва ёрдамингизни топинг

70 дан ортиқ ижтимоий тўлов, ёрдам ва хизматлар. Қидиринг ёки вазиятингизни танланг.

Бўлимлар:

Бирини танланг

Қўллаб-қувватлаш

Қайси бири тўғри келишига ишончингиз комил эмасми?

Ишонч телефонига қўңғироқ қилинг:

1070

Ёки “Инсон” марказига ташриф буюринг.

Сиз учун ижтимоий тўлов ва ёрдамлар: Кексаларни қўллаб-қувватлаш Барчаси

Топилди: 15
  • Тўлов миқдори

    Миқдор қонунчилик билан белгиланади. “Камбағаллик чегарасидаги оила”га 75% ёки 50% тўланади (даромадига қараб).

    Даврийлик

    Ҳар ой тўланади.

    Тўлов муддати

    “Давлат таъминотидаги” ва “камбағал” оилага — тоифа сақланиб турган даврда. “Камбағаллик чегарасидаги оила”га — 6 ой. Болалар нафақаси — бола 18 ёшга тўлгунча.

    Тасдиқловчи ҳужжат

    Ўзбекистон Республикаси Вазирлар Маҳкамасининг қарори, 29.01.2026 йилдаги 35-сон

    Ариза бериш тартиби

    ДХМ, маҳалла ижтимоий ходими, ЯМИҲ АТ, ЙИДХП, “Ижтимоий карта” иловаси орқали. Ойига 1 марта.

    Қандай ҳужжатлар талаб этилади?

    Асосан шахсни тасдиқловчи ҳужжат. Қолган маълумотлар электрон тизим орқали олинади.

    Аризани ким кўриб чиқади? Қарор қандай қабул қилинади?

    “Ягона реестр” АТ орқали автоматик кўриб чиқилади ва қарор қабул қилинади. Ариза топширувчилар, жорий ойнинг 16-санасигача ариза берган бўлса, уларга кейинги ойнинг 1-санасигача нафақа берилиши, рад этилиши ёки кўриб чиқилиши кейинги ойга (кутиш рўйхатига) қолдирилиши ҳақида хабар берилади.
    Жорий ойнинг 16-санасидан кейин топширилган аризалар эса кўриб чиқиш учун кейинги ойга (кутиш рўйхатига) ўтказилади

    Қачон рад этилади?

    Реестрга киритилмаган бўлса, 6 ой ўтган бўлса, ишга жойлашиш талаби бажарилмаса, нотўғри маълумот берилса.

    Тўлов қачон ва қаерда амалга оширилади?

    Ҳар ой 4–27 саналарда банк картага ёки ижтимоий картага ўтказилади.

    Кимларга тайинланади?

    “Давлат таъминотидаги оила”, “камбағал оила”, “камбағаллик чегарасидаги оила”.

  • Даволаниш учун ёрдам неча марта берилади?

    Ушбу турдаги моддий ёрдам муҳтож шахсларга йилига бир маротаба кўрсатилади.

    Ёрдам олиш учун қандай тиббий ҳужжат талаб этилади?

    Даволаш муассасасидан олинган, ихтисослаштирилган муассасада даволаниш зарурлиги ва тиббий хизматнинг аниқ қиймати кўрсатилган йўлланма (ордер) талаб этилади (16-17-бандлар).

    Ёрдам бериш ҳақидаги қарор қанча вақтда кўриб чиқилади?

    Ижтимоий ходим тавсияномаси асосида "Маҳалла еттилиги" томонидан 5 иш куни ичида, шошилинч ҳолатларда эса 1 кун (24 соат) ичида кўриб чиқилади (18, 22-бандлар).

    Маблағлар қандай тартибда тўланади?

    Маблағлар нақд пул кўринишида берилмайди, балки шартнома асосида тўғридан-тўғри Давлат тиббий суғурта жамғармасига ўтказиб берилади (21-банд).

    Қайси ҳолатда ёрдам бериш рад этилиши мумкин?

    Агар шахс айни шу даволаниш учун “Аёллар дафтари” ёки “Ёшлар дафтари” жамғармаларидан ёрдам олган бўлса, такроран ёрдам берилмайди (12-банд).

    Йўлланманинг ҳақиқийлиги қандай текширилади?

    Ижтимоий ходим томонидан бир иш куни ичида йўлланма соғлиқни сақлаш органларининг электрон тизимлари орқали текширилади (17-банд).

  • Ёрдам олиш учун қандай тиббий ҳужжат тақдим этилиши шарт?

    Тегишли даволаш муассасасидан олинган, жарроҳлик амалиёти зарурлиги ва тиббий хизматнинг (операциянинг) аниқ қиймати кўрсатилган йўлланма (ордер) талаб этилади (16-17-бандлар).

    Ёрдам пули фуқаронинг қўлига бериладими?

    Маблағлар нақд пул кўринишида берилмайди, балки шартнома асосида тўғридан-тўғри Давлат тиббий суғурта жамғармасига ўтказиб берилади (21-банд).

    Қарор ким томонидан қабул қилинади?

    Ижтимоий ходимнинг тавсияси асосида "Маҳалла еттилиги" томонидан коллегиал (жамоавий) тартибда қабул қилинади (18-банд).

    Қайси ҳолатда жарроҳлик учун ёрдам рад этилади?

    Агар шахс айни шу операция харажатлари учун “Аёллар дафтари”, “Ёшлар дафтари” ёки бошқа давлат дастурлари доирасида ёрдам олган бўлса (12-банд).

    Тиббий йўлланма қандай текширилади?

    Ижтимоий ходим бир иш куни ичида йўлланмани соғлиқни сақлаш органларининг электрон тизимлари орқали ҳақиқийлигини текширади (17-банд).

    Операция харажати жуда юқори бўлса-чи?

    Агар эҳтиёж жамғарманинг маҳалла учун ажратилган маблағидан юқори бўлса, ёрдам миқдори камайтирилиши ёки навбат кейинги ойга кўчирилиши мумкин (18-банд).

  • Озиқ-овқат ваучерини расмийлаштириш муддати қанча?

    Мурожаатни ўрганиш, тавсиянома шакллантириш ва ваучер ажратиш бўйича қарор қабул қилиш 10 иш куни ичида амалга оширилади.

    Озиқ-овқат ваучери (ваучер) ози ўзи нима?

    Бу энг зарур озиқ-овқат маҳсулотларини давлат субсидияси ҳисобидан харид қилиш имконини берувчи, ҚР-кодли электрон ҳужжатдир (3-банд).

    Ваучернинг амал қилиш муддати қанча?

    Ваучер расмийлаштирилган кундан бошлаб икки ой давомида амал қилади. Шу муддатда ундан фойдаланиш шарт (3-банд).

    Маҳсулотларни қаердан сотиб олиш мумкин?

    "Ижтимоий ҳимоя" АТда авторизатсиядан ўтган совтувчилардан (дўконлардан) электрон савдо платформаси орқали харид қилинади (6, 24-бандлар).

    Ваучерни нақд пулга алмаштирса бўладими?

    Йўқ. Ваучер фақат белгиланган турдаги озиқ-овқат маҳсулотларини сотиб олиш учун мўлжалланган бўлиб, уни нақдлаштириш тақиқланади.

    Маҳсулотлар уйга етказиб бериладими?

    Ҳа. Сотувчи (тадбиркор) озиқ-овқат маҳсулотларини сифатли ва ўз вақтида ёрдам олувчининг уйигача етказиб беришга масъулдир (45-банд).

    Мурожаат қандай тасдиқланади?

    Маҳсулотлар етказиб берилгач, ёрдам олувчи ўз телефонига келган СМС-тасдиқ кодини сотувчига маълум қилиши орқали харид якунланади (37-банд).

    Агар танланган маҳсулот ваучер суммасидан қиммат бўлса-чи?

    Бундай ҳолда ўртадаги фарқни ёрдам олувчи ўз ҳисобидан тўлаши лозим. Акс ҳолда сотувчи буюртмани рад этиши мумкин (40-банд).

  • Кийим-кечак учун ваучерни расмийлаштириш муддати қанча?

    Мурожаат тушган кундан бошлаб ижтимоий ходим томонидан ўрганиш ва "Маҳалла еттилиги" қарори қабул қилиниши 10 иш куни ичида амалга оширилади.

    Кийим-кечак ваучери (ваучер) ўзи нима?

    Бу кийим-кечак ва бошқа энг зарур товарларни давлат томонидан қоплаб бериладиган маблағлар ҳисобидан харид қилиш имконини берувчи, ҚР-кодли электрон ҳужжатдир (3-банд).

    Кийимларни қаердан ва қандай танлаш мумкин?

    "Ижтимоий ҳимоя" АТда авторизатсиядан ўтган сотувчилардан (тадбиркорлардан) электрон савдо платформаси орқали ўз хоҳишига кўра танланади (6, 37-бандлар).

    Кимлар бу ваучерни олиш ҳуқуқига эга?

    Оғир ижтимоий аҳволдаги, кийим-кечакка муҳтожлиги ижтимоий ходим томонидан ўтказилган кейс-менежмент натижасида тасдиқланган шахслар ва оилалар (4-5-бандлар).

    Кийимлар уйга етказиб бериладими?

    Ҳа. Сотувчи (тадбиркор) буюртма қилинган кийим-кечакларни 3 кун ичида ёрдам олувчининг уйигача етказиб беришга масъулдир (37, 45-бандлар).

    Ваучер суммаси кийим нархидан кам бўлса-чи?

    Агар танланган кийим ваучер суммасидан қиммат бўлса, ёрдам олувчи ўртадаги фарқни ўз ҳисобидан тўлаши лозим (40-банд).

    Харид қандай якунланади?

    Кийимлар етказиб берилгач, ёрдам олувчи ўз телефонига келган СМС-тасдиқ кодини сотувчига маълум қилиши орқали харид тизимда тасдиқланади (37-банд).

  • Ижара субсидиясини расмийлаштириш муддати қанча?

    Мурожаат тушган кундан бошлаб ижтимоий ходим томонидан ўрганиш ва "Маҳалла еттилиги" томонидан якуний қарор қабул қилиниши 10 иш куни ичида амалга оширилади.

    Кимлар ижара субсидиясини олиш ҳуқуқига эга?

    Ўта оғир ижтимоий аҳволдаги, яшаш учун уй-жойи бўлмаган ёки уй-жойи яшаш учун мутлақо яроқсиз бўлган, ижтимоий ходим томонидан кейс-менежмент асосида муҳтож деб топилган шахслар (4-5-бандлар).

    Субсидия миқдори қандай белгиланади?

    Субсидия миқдори ҳудуддаги ижара бозоридаги нархлар ва фуқаронинг эҳтиёжидан келиб чиқиб, "Маҳалла еттилиги" томонидан тасдиқланган миқдор доирасида белгиланади (18-банд).

    Маблағлар кимнинг ҳисобига ўтказилади?

    Маблағлар нақд пул кўринишида берилмайди. Улар ижара шартномаси асосида тўғридан-тўғри ижарага олувчининг пластик картасига ўтказиб берилади (21-банд).

    Қайси ҳолатда ушбу субсидия берилмайди?

    Агар фуқаро айни шу ижара харажатлари учун “Аёллар дафтари”, “Ёшлар дафтари” ёки бошқа давлат дастурлари орқали ёрдам олаётган бўлса, такроран ёрдам берилмайди (12-банд).

    Мурожаат қандай тартибда кўриб чиқилади?

    Дастлаб ижтимоий ходим оила аҳволини ўрганиб тавсиянома киритади, сўнг "Маҳалла еттилиги" коллегиал (жамоавий) тартибда овоз бериш орқали қарор қабул қилади (19-банд).

    Агар жамғармада маблағ етарли бўлмаса-чи?

    Агар маҳалла учун ажратилган маблағ етишмаса, ёрдам кўрсатиш кейинги ойга кечиктирилиши мумкин. Кетма-кет 3 марта кечиктирилса, тизим аризани автоматик рад этади (20-банд).

    Субсидия тўлаш қачон тўхтатилади?

    Ёрдам олувчи вафот этса, озодликдан маҳрум этилса, оила Ижтимоий реэстрдан чиқарилса ёки доимий яшаш учун хорижга чиқиб кетса (23-банд).

  • Ушбу ёрдам тури Низомда назарда тутилганми?

    Ҳа. Низомнинг 13-бандига кўра, "Саховат ва кўмак" жамғармаси маблағлари Ҳукумат ва Агентлик қарорларига биноан рўйхатда бўлмаган бошқа ижтимоий мақсадларга, шу жумладан коммунал тўловлар учун ҳам йўналтирилиши мумкин.

    Коммунал ёрдамни расмийлаштириш муддати қанча?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" томонидан жамоавий қарор қабул қилиниши 10 иш куни ичида амалга оширилади.

    Кимлар коммунал харажатлар учун ёрдам олиши мумкин?

    Ижтимоий реестрга киритилган оилалар

    Ёрдам пули фуқаронинг қўлига нақд бериладими?

    Йўқ. Маблағлар мақсадли равишда тўғридан-тўғри коммунал хизмат кўрсатувчи ташкилотларнинг (газ, электр, сув ва ҳ.к.) банк ҳисобварағига ўтказиб берилади (21-банд).

    Коммунал ёрдам неча марта берилиши мумкин?

    Бир куз-қиш мавсумида кўпи билан икки маротаба (1-октабрдан 15 мартга қадар)

    Агар оила аъзолари меҳнатга лаёқатли бўлса-чи?

    Ижтимоий ходим кейс-менежмент жараёнида оиланинг даромад манбаларини ўрганади. Агар оилада асоссиз равишда ишламаётган шахслар бўлса, ёрдам кўрсатиш рад этилиши мумкин.

    Маблағ етишмаган тақдирда нима қилинади?

    Агар маҳалла учун ажратилган ойлик лимит тугаган бўлса, ёрдам кейинги ойга кўчирилиши мумкин. Кетма-кет 3 марта кечиктирилса, ариза автоматик рад этилади (20-банд).

  • Кўмир ёки ёқилғи ваучерини олиш муддати қанча?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" қарори қабул қилиниши 10 иш куни ичида амалга оширилади.

    Ёқилғи ваучери ўзи нима?

    Бу кўмир, ўтин ёки бошқа ёқилғи маҳсулотларини давлат субсидияси ҳисобидан харид қилиш имконини берувчи, ҚР-кодли электрон ҳужжатдир (3-банд).

    Кўмирни қаердан ва қандай сотиб олиш мумкин?

    "Ижтимоий ҳимоя" АТда авторизатсиядан ўтган сотувчилардан электрон савдо платформаси орқали ёрдам олувчи ўзи танлайди (6, 24-бандлар).

    Ваучер суммаси кўмир нархидан кам бўлса-чи?

    Агар танланган маҳсулот ваучер суммасидан қиммат бўлса, ёрдам олувчи ўртадаги фарқни ўз ҳисобидан тўлаши лозим (40-банд).

  • Ушбу ёрдам тури қандай ҳолатларда берилади?

    Табиий офатлар, ёнғинлар ёки бошқа фавқулодда ҳодисалар натижасида уй-жойи зарар кўрган ва оғир ижтимоий аҳволга тушиб қолган оилаларга берилади (4, 24-бандлар).

    Фавқулодда ҳолатда ёрдам неча кунда кўриб чиқилади?

    Бундай вазиятлар "шошилинч" голи остида кўриб чиқилади ва ижтимоий ходим тавсияномаси асосида "Маҳалла еттилиги" томонидан бир сутка (24 соат) ичида қарор қабул қилиниши шарт (22-банд).

    Қурилиш материалларини қаердан олиш мумкин?

    "Ижтимоий ҳимоя" АТда рўйхатдан ўтган сотувчилардан (тадбиркорлардан) электрон савдо платформаси орқали ёрдам олувчи ўзи танлайди (37-банд).

    Материаллар уйга етказиб бериладими?

    Ҳа. Сотувчи (тадбиркор) қурилиш материалларини ёрдам олувчининг уйигача (зарар кўрган манзилга) етказиб беришга масъулдир (45-банд).

    Агар бошқа жамғармадан ёрдам берилган бўлса-чи?

    Агар уй-жойни тиклаш харажатлари айни шу ҳодиса бўйича бошқа манбалар (суғурта, махсус жамғармалар) ҳисобидан қопланган бўлса, такроран ёрдам берилмайди (12-банд).

    Маблағлар тадбиркорга қачон ўтказилади?

    Материаллар етказиб берилиб, ёрдам олувчи ўз телефонига келган СМС-тасдиқ кодини сотувчига маълум қилганидан сўнг маблағ автоматик ўтказилади (42-банд).

  • ДНК харажатларини қоплаш учун ёрдам нима?

    Бу оғир ижтимоий аҳволдаги шахсларга суд ёки ҳуқуқни муҳофаза қилувчи органлар талаби билан ўтказиладиган генетик экспертиза (ДНК таҳлили) харажатларини давлат томонидан тўлаб беришдир.

    Ёрдам олиш муддати қанча этиб белгиланган?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" томонидан якуний қарор қабул қилиниши 10 иш куни ичида амалга оширилади.

    Кимлар ДНК харажатлари учун ёрдам олиши мумкин?

    Ижтимоий реестрга киритилган оилалар

    Ёрдам олиш учун қандай асосий ҳужжат керак?

    Суднинг ажрими ёки ҳуқуқни муҳофаза қилувчи органларнинг ДНК таҳлили ўтказиш ҳақидаги қарори ҳамда хизмат нархи кўрсатилган инвойс (ҳисоб-фактура) талаб этилади.

    Қайси ҳолатда ёрдам бериш рад этилади?

    Агар шахс айни шу экспертиза харажатлари учун бошқа давлат дастурлари ёки ижтимоий дафтарлар орқали ёрдам олган бўлса (12-банд).

  • Ушбу ёрдамнинг мақсади нима?

    Оғир ижтимоий аҳволдаги оилаларни даромад билан таъминлаш мақсадида, уларга қишлоқ хўжалиги ёки тадбиркорлик учун ер участкаларини аукцион орқали ижарага олиш харажатларини қоплаб беришдир.

    Компенсация олиш муддати қанча?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" томонидан якуний қарор қабул қилиниши 10 иш куни ичида амалга оширилади.

    Кимлар ер хариди учун компенсация олиши мумкин?

    "Темир дафтар"даги ёки ўта оғир ижтимоий аҳволдаги, ердан самарали фойдаланиб даромад топиш истагида бўлган, ижтимоий ходим томонидан кейс-менежмент асосида муҳтож деб топилган шахслар (4-5-бандлар).

    Қайси ҳолатда компенсация бериш рад этилади?

    Агар шахс айни шу ер участкасини ижарага олиш учун “Аёллар дафтари”, “Ёшлар дафтари” ёки бандлик жамғармалари орқали субсидия олган бўлса (12-банд).

    Агар аукцион суммаси маҳалла лимитидан катта бўлса-чи?

    Бундай ҳолда ёрдам миқдори Жамғарма имкониятидан келиб чиқиб қисман қопланиши ёки навбат кейинги ойларга кўчирилиши мумкин (18-банд).

  • Пандус ўрнатиш хизмати қайси ёрдам турига киради?

    Бу Низомнинг 32-бандига кўра, ўзгалар парваришига муҳтож шахсларнинг уй-жой-маиший шароитларини тўсиқсиз ҳаракатланиш учун мослаштириш хизматига киради.

    Пандус ўрнатиш учун ёрдам неча кунда кўриб чиқилади?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" томонидан якуний қарор қабул қилиниши 10 иш куни ичида амалга оширилади.

    Кимлар пандус ўрнатиш учун мурожаат қилиши мумкин?

    Кўп қаватли уйда яшовчи, ҳаракатланишда қийинчиликка эга ногиронлиги бор шахслар ёки уларнинг вакиллари, агар оила ижтимоий ходим томонидан муҳтож деб топилган бўлса (4-5-бандлар).

    Пандус қуриш учун материалларни қаердан олиш керак?

    "Ижтимоий ҳимоя" АТда авторизатсиядан ўтган сотувчилардан электрон савдо платформаси орқали ваучер ёрдамида танланади (37-банд).

    Агар уй ижарага олинган бўлса-чи?

    Агар шахс ижарада яшаётган бўлса, пандус ўрнатиш (конструкция киритиш) учун ижарага берувчининг (уй эгасининг) розилиги талаб этилади (31-банд).

    Пандус ўрнатиш ишлари қандай тасдиқланади?

    Материаллар ёки тайёр пандус етказиб берилгач, ёрдам олувчи ўз телефонига келган СМС-тасдиқ кодини сотувчига маълум қилиши орқали харид якунланади (37-банд).

  • Ушбу ёрдам тури Низомда қандай белгиланган?

    Низомнинг 13-бандига кўра, Жамғарма маблағлари Ҳукумат ёки Агентлик қарорларига биноан рўйхатда кўрсатилмаган бошқа ижтимоий мақсадларга, шу жумладан йиғилиб қолган коммунал қарздорликларни ёпишга йўналтирилиши мумкин.

    Қарздорликни қоплаш муддати қанча?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" томонидан якуний қарор қабул қилиниши 10 иш куни ичида амалга оширилади.

    Кимлар коммунал қарздорлигини ёптириш ҳуқуқига эга?

    Ижтимоий реестрга киритилган оилалар

    Қарздорлик учун пул фуқаронинг ўзига бериладими?

    Йўқ. Маблағлар нақд пулсиз шаклда, тўғридан-тўғри коммунал хизмат кўрсатувчи корхоналарнинг (Ҳудудий электр тармоқлари, Ҳудудгазтаъминот ва ҳ.к.) ҳисобварағига ўтказилади (21-банд).

    Ёрдам миқдори қанча бўлиши мумкин?

    Қарздорлик миқдори ва оиланинг эҳтиёжидан келиб чиқиб, маҳалла учун ажратилган ойлик лимит доирасида "Маҳалла еттилиги" томонидан белгиланади (18-банд).

    Қарздорликни қоплаш учун қандай ҳужжат керак?

    Коммунал хизмат кўрсатувчи ташкилотдан олинган қарздорлик мавжудлиги ҳақидаги маълумотнома (инвойис) ижтимоий ходимга тақдим этилиши лозим.

    Мурожаат рад этилиши мумкинми?

    Ҳа. Агар оилада меҳнатга лаёқатли, аммо асоссиз ишламаётган шахслар бўлса ёки оила бошқа манбалардан ёрдам олган бўлса, "Маҳалла еттилиги" рад этиш ҳақида қарор қабул қилиши мумкин (18-19-бандлар).

    Агар қарздорлик суммаси жуда катта бўлса-чи?

    Бундай ҳолда ёрдам миқдори Жамғарма имкониятидан келиб чиқиб қисман қопланиши ёки тўлов босқичма-босқич (кейинги ойларга бўлиб) амалга оширилиши мумкин (18-банд).

  • Уй-жойни таъмирлаш ёрдами қанча муддатда кўриб чиқилади?

    Мурожаат тушган кундан бошлаб, ижтимоий ходим томонидан ўрганиш ва "Маҳалла еттилиги" қарори қабул қилиниши 10 иш куни ичида амалга оширилади.

    Ёрдам қандай шаклда кўрсатилади?

    Уй-жойни таъмирлаш ёки тиклаш учун зарур бўлган қурилиш материаллари ваучер асосида тақдим этилади (6, 24-бандлар).

    Ваучер орқали қурилиш материалларини қандай олиш мумкин?

    Ёрдам олувчи "Ижтимоий ҳимоя" АТда авторизатсиядан ўтган сотувчилардан электрон савдо платформаси орқали материалларни ўзи танлайди (6, 37-бандлар).

    Кимлар уй-жойини таъмирлаш учун ёрдам олиши мумкин?

    Уй-жойни таъмирлаш учун — Ижтимоий реестрга киритилган ёки ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваригача бўлган оилалар.

    Қурилиш материаллари уйга етказиб бериладими?

    Ҳа. Сотувчи (тадбиркор) танланган қурилиш материалларини ёрдам олувчининг уйигача етказиб беришга масъулдир (45-банд).

    Қайси ҳолда ушбу ёрдам берилмайди?

    Агар уй-жойни таъмирлаш харажатлари айни шу мақсад учун “Аёллар дафтари”, “Ёшлар дафтари” ёки бошқа манбалар ҳисобидан қопланган бўлса (12-банд).

    Ёрдам миқдори қандай белгиланади?

    Оила эҳтиёжи ва уйнинг ҳолатидан келиб чиқиб, маҳалла учун ажратилган маблағлар доирасида "Маҳалла еттилиги" томонидан белгиланади (18-банд).

  • Уй-жойни мослаштириш хизмати ўзи нима?

    Бу ногиронлиги бўлган ва ҳаракати чекланган шахсларнинг уйида тўсиқсиз ҳаракатланиши учун қулайликлар яратиш (пандус ўрнатиш, тутқичлар қўйиш ва ҳ.к.) тадбиридир.

    Мослаштириш доирасида қандай ишлар амалга оширилади?

    Кириш йўлига пандус қўйиш, ошхона, ётоқхона ва ювиниш хоналарига тутқичлар (поручний) ўрнатиш, эшикларни кенгайтириш ва бошқа техник мосламалар ўрнатиш (32-банд).

    Ёрдам олиш учун қандай шартлар бор?

    Яшаш шароитини мослаштириш учун — Ўзгалар парваришига муҳтож бўлган ёлғиз яшовчи ва ёлғиз кексалар ҳамда ногиронлиги бўлган шахсларнинг реестрига киритилган шахслар. Бунда ўзгалар парваришига муҳтож бўлган ёлғиз яшовчи ва ёлғиз кексалар ҳамда ногиронлиги бўлган шахслар Ижтимоий реестрда туриши ёки ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оиланинг аъзоси бўлиши лозим.

    Керакли материаллар уйга бепул етказиладими?

    Ҳа. Танланган қурилиш материаллари ва ускуналарини сотувчи (тадбиркор) ёрдам олувчининг уйигача етказиб беришга масъул ҳисобланади (45-банд).

    Агар бошқа жамғармадан ёрдам олинган бўлса-чи?

    Агар уй-жойни мослаштириш харажатлари айни шу давр учун бошқа ижтимоий дастурлар ёки манбалар ҳисобидан қопланган бўлса, такроран ёрдам берилмайди (12-банд).

    Харид қандай тасдиқланади?

    Материаллар ёки мосламалар етказиб берилгач, ёрдам олувчи ўз телефонига келган СМС-тасдиқ кодини сотувчига маълум қилиши орқали жараён якунланади (37-банд).